2 Bewura 3:27 - EBƆRƐ BE KAWƆL

²⁷ Ade kikɛ be kaman nɛ e ta mo pibinyɛn nimuso nɛ e beeŋ sɔ mo so n ji kuwura na n lara sarga n sa Mowab be kegbir ashi kade na be egbal be esoso. Nɛ kumo be loŋ daŋ pɛ Israɛlebi na kufu ga nɛ b bɛta n yɔ bumo be efuli so.

2 Bewura 3:27 ပူးပေါင်းရင်းမြစ်များ

Jɛnesis 22:13

Malaika na ka kaŋɛ loŋ na nɛ Eebraham maŋ kumo so ŋ keni nɛ asɔ ko fanɛ chakpaŋare kre kpakpa ko n yili, nɛ e yɔ n ya saŋɛ kpakpa na m ba mɔ n chɔɔ n lara sarga n sa Ebɔrɛ, nseŋ yige mbe kebia na.

Jɛnesis 22:2

Nɛ Ebɔrɛ kaŋɛ mo: “Ta fo pibinyɛn koŋwule Aizek nɛ fee sha ga na n yɔ Moriya be kasawule so n ya mɔ mo n chɔɔ n lara sarga n sa ma ashi abee na be kumo nɛ meeŋ ŋini fo na so.”

1 Bewura 20:13

Loŋ be jemanɛ nɛ anebi ko yɔ ewura Ahab kutɔ n ya kaŋɛ mo le: Enyɛnpe yɛ: “Men sa maa lɔ kufu ŋkpal benapo damta nɛ b kɔ ere so. Meeŋ shin nɛ men kɔ m pɔɔ bumo so, saŋɛ na so menyeeŋ pin fanɛ ma e la Enyɛnpe Ebɔrɛ na kashenteŋto!”

1 Bewura 20:28

Nɛ anebi na yɔ ewura Ahab kutɔ n ya kaŋɛ mo le: “Enyɛnpe Ebɔrɛ yɛ, ŋkpal Siriyaebi ka kaŋɛ fanɛ n la abee so be ebɔrɛ nna nsaa maŋ tre ma kepla so be ebɔrɛ na so, meeŋ shin nɛ men kɔ m pɔɔ bumo be benapo damta ere so nɛ fo nɛ fo basa e pin fanɛ ma e la Enyɛnpe na kashenteŋto.”

1 Bewura 20:43

Ndoŋ nna nɛ ewura Ahab ta agbo kagbenejija m bɛta n yɔ Samɛria.

2 Bewura 3:26

Mowab be ewura na ka wu fanɛ kena na bee pɔɔ mo so, nɛ e ya keta benapo alfa ashunu nɛ b kɔ etokobi a kɔ kena na, nɛ b kɔ a fin fanɛ e lar bumo doŋana to n shile n yɔ Siriya be ewura kutɔ, ama b daŋ wora ŋ gben.

Ezikɛl 16:20

Ade kikɛ be kaman, nɛ fo ta fo mbia nɛ fo kurge n sa ma na n lara sarga n sa agbirana na. Fo kubojua na nawule maŋ kukwe a?

Eemɔs 2:1

Enyɛnpe Ebɔrɛ yɛ: “Mowab be basa be alubi damta so, meeŋ gberge bumo kusoe. B daa maŋ keni Edɔm be ewura be awibi m bɔlɔ kenishi nseŋ chɔɔ amo nɛ a ki nsunɔ.

Maika 6:7

N ta mbolpɔ ŋgboŋto ŋgboŋto ŋko ɔlif be ŋku nɛ e du fanɛ lɔr be bɔlɔ m ba mo kutɔ, k beeŋ par mo a? N ta ma wurkoŋnyɛn n lara sarga n sa mo ŋkpal ma alubi so a?

Ditɛronɔmi 12:31

Men sa maŋ kaa shuŋ Enyɛnpe menyi be Ebɔrɛ na ekpa nɛ baa bɔla so a shuŋ bumo be agbirana na. Ŋkpal manɛ so, ashi bumo be kagbirshuŋ to baa kaa wora ekishisheŋ nɛ Enyɛnpe Ebɔrɛ na kishi nna. Bumo alɛ bee kaa mɔ bumo mbia a chɔɔ a lara esarga bumo be agbirsureana so nna.

Demujipoana 11:31

kusɔ kama nɛ k beeŋ shi ma laŋ to n lar n ba shɛr ma to jemanɛ nɛ meeŋ bɛta n shi anyi nɛ Ammɔnebi be kena na to m ba na meeŋ ta kumo n lara sarga n sa fo.”

Demujipoana 11:39

Afɔl anyɔ na ka fo nɛ e bɛta m ba mo tuto kutɔ nɛ e ta mo n tia mbe kɔnɔ naseso nɛ e nase n sa Enyɛnpe Ebɔrɛ na. Ŋkpal loŋ so e daŋ maŋ pin enyɛn pɔɛŋ nseŋ wu. Kananɛ Israɛlebi be daŋkare ere jɔŋɛ nna na.