2 Bewura 3:2 - EBƆRƐ BE KAWƆL

² Mo alɛ gba daŋ wora kulubi ŋ gbiti Enyɛnpe Ebɔrɛ ama mo ere daa maŋ wora alubi fanɛ mo tuto ŋko mo nio Jɛzebel. E daŋ bure Baal be agbir nɛ mo tuto daŋ pɔr n yili a shuŋ na nna.

2 Bewura 3:2 ပူးပေါင်းရင်းမြစ်များ

1 Bewura 16:19

Asheŋ ere kikɛ daŋ ba mo so nna ŋkpal e ka daŋ wora kulubi ŋ gbiti Enyɛnpe Ebɔrɛ fanɛ kananɛ ewura Jeroboam gba wora kulubi nseŋ shin nɛ Israɛl kikɛ wora kulubi na.

1 Bewura 21:20

Ewura Ahab ka wu Elaija nɛ e kaŋɛ le: “Ma doŋ, fo wu ma a?” Nɛ anebi Elaija malɛ kaŋɛ le: “Mm, n wu fo. Fo kebaawɔtɔ to kikɛ fee wora alubi nna a gbiti Enyɛnpe Ebɔrɛ na.

1 Bewura 21:25

Esa kama daa maŋ wɔtɔ loŋ be jemanɛ na nɛ kulubi bee wora mo ebel a chɔ ewura Ahab. Mbe eche Jɛzebel malɛ e daŋ shin nɛ e ki loŋ.

2 Bewura 10:18

Kede be kaman nɛ Jehu tre Samɛria be basa kikɛ n shɛr abar so nseŋ kaŋɛ bumo le: “Ewura Ahab bre daŋ shuŋ Baal be kegbir na gbrɛbi nna ama ma ere beeŋ shuŋ kumo ga.

2 Bewura 21:20

E daŋ wora alubi nna ŋ gbiti Enyɛnpe Ebɔrɛ fanɛ kananɛ mo tuto ewura Manase daŋ wora na gbagba.

2 Bewura 21:6

E daŋ ta mo gbagba pibinyɛn nna n lara sarga chɔɔso ashi ketaŋɛ nɛ baa tre Hinnɔm na to. E daa wora kegbaya nɛ ŋkilgisheŋ nna nsaa yɔ belejipoana kutɔ n ya ka kpal nsaa shuŋ bubuni gba a ti so. E daŋ wora alubi damta nna ŋ gbiti Enyɛnpe Ebɔrɛ n shin nɛ mbe agbo kaa ga.

2 Bewura 9:22

Joram ka wu Jehu na nɛ e bishi mo le: “Kagbenewushi so nɛ fee ba a?” Ndoŋ nna nɛ Jehu malɛ kaŋɛ: “Nuso nɛ kayurwushi beeŋ tiŋ a wɔtɔ saŋɛ so nɛ fo nio Jɛzebel be kegbaya nɛ kagbirshuŋ wɔ anyi to.”

2 Bewura 9:34

n ya luri ewura be laŋ na to nɛ e ya fin a ajibi n ji nseŋ kaŋɛ le: “Kashenteŋ nna fanɛ e la alubiworapo ama mo alɛ la ewura pibiche nna amoso meeŋ sa mo kupuli lela.”

Ɛksodɔs 23:24

Men sa maŋ kaŋ bunyaŋ bumo be agbir na ŋko n shuŋ amo ŋko m bɛ bumo be edaŋkaresheŋ so. Men jija bumo agbirana na cheche nseŋ bure bumo be agbirjembu na to burburbi.

1 Samuɛl 15:19

Manɛ nna nɛ fo maŋ wora kasonu n sa Enyɛnpe Ebɔrɛ? Manɛ nna nɛ fo kuse n ya muu asɔ lela na kikɛ nseŋ shin nɛ Enyɛnpe Ebɔrɛ nya agbo?”