2 Bewura 3:13 - EBƆRƐ BE KAWƆL

¹³ Nɛ Elaisha kaŋɛ Israɛl be ewura na le: “Manɛ nɛ ma nɛ fo kɔ nɛ mee chɛ fo to? Yɔ n ya bishi efuli pɔtɛana so be agbir nɛ fo tuto nɛ fo nio bee yɔ amo kutɔ n ya ka sɔ nfɛra na.” Nɛ ewura Joram kaŋɛ: “M-m, Enyɛnpe Ebɔrɛ na e bar anyi bewura asa ere nɛ anyi be benapo nfe nɛ Mowab be ewura e kɔ m pɔɔ anyi so.”

2 Bewura 3:13 ပူးပေါင်းရင်းမြစ်များ

1 Bewura 17:18

Ndoŋ nna nɛ ekulpoche na kaŋɛ anebi Elaija le: “Ebɔrɛ be esa, manɛ nna nɛ fo wora ma le? Fo ba nfe nna nɛ fo ba kaŋɛ Ebɔrɛ alubi nɛ n wora saŋɛ na so ma kebia beeŋ wu a?”

1 Bewura 18:19

Kaŋɛ Israɛlebi na kikɛ nɛ b ba kebeegboŋ nɛ baa tre Kamɛl na ase m ba tu ma. Keta Baal be agbirwuraana alfa ana nɛ adunu nɛ kegbirche Ashira be agbirwuraana alfa ana nɛ baa tu ewurche Jɛzebel a ji na m ba!”

1 Bewura 22:6

Ndoŋ nna nɛ ewura Ahab tre anebiana alfa ana, m bishi bumo le: “N ya kɔ Ramɔfebi kena ŋko n sa maŋ yɔ?” Nɛ bumo alɛ kaŋɛ le: “Ya kɔ kumo, ŋkpal manɛ so Enyɛnpe Ebɔrɛ na beeŋ shin nɛ fo kɔ n sɔ kumo.”

2 Bewura 3:10

Nɛ ewura Joram ponte ŋ kaŋɛ le: “Nuso be kenishipere be asheŋ e tu anyi ere! Enyɛnpe Ebɔrɛ na bar anyi nfe nna nɛ Mowab be ewura na e ba kɔ m pɔɔ anyi so a?”

2 Bewura 3:12

Nɛ ewura Jehoshafat kaŋɛ le: “E la kashenteŋ be anebi nna.” Ndoŋ nna nɛ bewura asa na yɔ Elaisha kutɔ.

Aŋasa 1:28

Loŋ be saŋɛ na, feeŋ shu n tre ma, kanyiasheŋ, ama m maaŋ tuge fo. Feeŋ fin ma kenishipereso ama fo maaŋ wu ma.

Jɛremaya 37:19

Manɛ nɛ men wora menyi be anebi fɛpoana nɛ b fule ŋ kaŋɛ menyi fanɛ Babilɔn be ewura maaŋ kɔ menyi ŋko efuli na kena? Men ti bumo ebu a?

Hoziya 6:1

Le nɛ basa na daa kaŋɛ: “Men shin nɛ an bɛta n yɔ Enyɛnpe Ebɔrɛ kutɔ! E doro anyi ga ama mo alɛ beeŋ chɛ anyi. E doro anyi ama mo alɛ beeŋ kre anyi be atamɛ, ŋko e maaŋ wora loŋ?

Matiu 8:29

B ka baŋ wu Yesu epul na to nɛ b boŋ to ŋ kaŋɛ: “Ebɔrɛ Pibinyɛn, manɛ nɛ fee fin anyi to? Fo ba nna nɛ fo ba tɔrɔ anyi pɔɛŋ nɛ kachɛ na gbagba e fo a?”

Baru lela nɛ Jɔn kute na 2:4

Nɛ Yesu kaŋɛ: “Kache manɛ, fee sha keŋini ma asheŋ be kewora nna a? Ma saŋɛ maŋ naŋ fo.”

2 Kɔrintebi 5:16

Amoso, naniere mannɛ dimɛdi be kaplɛa so nɛ an naa bɔla so a keni kananɛ esa du. Saŋko bre, loŋ nɛ an daa keni Kristo na, ama naniere bre anyi maŋ naa keni mo loŋ.

2 Kɔrintebi 6:15

Nuso nɛ Kristo nɛ alubipo Beelial na bee wora a kɔ kɔnɔkoŋwule a wɔtɔ? Manɛ e wɔ ebɛsopo nɛ emo nɛ e maŋ la ebɛsopo be nferinto?

Demujipoana 10:14

Men ya shu n tre agbir nɛ menyee shuŋ na. Men shin nɛ a mɔlga menyi ashi men be etɔrɔ na to!”

Ruf be kawɔl 1:15

Ndoŋ nna nɛ Nawomi kaŋɛ Ruf le: “Keni, fo chamana e bɛta a yɔ mbe basa kutɔ nɛ mbe kade to be ademaŋ to na, fo alɛ gba e bɛta nɛ fo nɛ mo kikɛ e baa yɔ.”