2 Bewura 3:11 - EBƆRƐ BE KAWƆL

¹¹ Nɛ Jehoshafat bishi: “Anebi kikɛ maŋ wɔ nfe nɛ anyeeŋ yɔ mo kutɔ n ya sɔ Enyɛnpe Ebɔrɛ be nfɛra a?” Ndoŋ nna nɛ Joram be benapo be enimu ko kaŋɛ: “Shafat pibinyɛn Elaisha nɛ e daa la anebi Elaija be echɛtopo na wɔ an kutɔ nfe.”

2 Bewura 3:11 ပူးပေါင်းရင်းမြစ်များ

Jɛnesis 18:4

Men shin nɛ b bar menyi nchu nɛ men fɔr menyi be aya so. Men chena kedibi ere be kifito a wushi

1 Bewura 19:21

Ndoŋ nna nɛ Elaisha ya mɔ mbe ana dɔso na nseŋ ta amo be abɔto be ndibi na m puga edɛ n daŋɛ amo be eblaŋ na n ta n sa basa na nɛ b we. Kumo be kaman nɛ e ya bɛ anebi Elaija so a chɛ mo to.

1 Bewura 22:7

Nɛ ewura Jehoshafat naŋ bishi: “Ama anebi kama maŋ naa wɔtɔ nɛ an ya sɔ Enyɛnpe Ebɔrɛ be nfɛra mo kutɔ n ti so a?”

2 Bewura 2:25

Kede be kaman nɛ Elaisha dii n yɔ kebee nɛ baa tre Kaamɛl na so, nseŋ yili ndoŋ m bɛta n yɔ Samɛria be kade to.

2 Bewura 3:10

Nɛ ewura Joram ponte ŋ kaŋɛ le: “Nuso be kenishipere be asheŋ e tu anyi ere! Enyɛnpe Ebɔrɛ na bar anyi nfe nna nɛ Mowab be ewura na e ba kɔ m pɔɔ anyi so a?”

2 Bewura 3:12

Nɛ ewura Jehoshafat kaŋɛ le: “E la kashenteŋ be anebi nna.” Ndoŋ nna nɛ bewura asa na yɔ Elaisha kutɔ.

2 Bewura 3:3

Ama kananɛ Nebat pibinyɛn ewura Jeroboam nɛ daŋ ji kuwura n wora alubi nseŋ shin nɛ Israɛlebi wora kulubi na, nɛ mo alɛ gba daŋ wora.

1 Kronikɛls 10:13

Sɔɔl ka daa maa ji kashenteŋ a sa Enyɛnpe Ebɔrɛ so nɛ e daŋ wu na. E daŋ kini kebɛ Ebɔrɛ be mbra so nna nsaa yɔ belejipo kutɔ n ya ka kpal.

1 Kronikɛls 14:10

Kumo be kaman nɛ Deevid bishi Enyɛnpe Ebɔrɛ le: “K daga ŋ ka ya kɔ Filistiebi ere kena a? Feeŋ chɛ ma to nɛ ŋ kɔ m pɔɔ bumo so a?” Nɛ Enyɛnpe Ebɔrɛ shuli so ŋ kaŋɛ: “Mm, ya kɔ bumo! Ŋkpal manɛ so, meeŋ shin nɛ fo kɔ m pɔɔ so kashenteŋto!”

1 Kronikɛls 14:14

Nɛ Deevid naŋ bishi Enyɛnpe Ebɔrɛ kusɔ nɛ e beeŋ wora, nɛ Enyɛnpe Ebɔrɛ kaŋɛ mo le: “Men sa maŋ kaŋ ta kena n tu bumo nfe, ama men wora shiriya a kulti bumo a yɔ ndibi nɛ baa tre balsam ere ase n ya kɔ bumo ndoŋ.

1 Kronikɛls 15:13

Ŋkpal men ka daa maŋ wɔtɔ nɛ men sulɔ kumo sososo na so, Enyɛnpe Ebɔrɛ daŋ gberge anyi kusoe nna ŋkpal anyi ka daa maŋ wora kusɔ nɛ k daga so.”

2 Kronikɛls 18:6

Nɛ Jehoshafat naaŋ bishi: “Ama anebi kama maŋ naa wɔtɔ nɛ an ya sɔ Enyɛnpe Ebɔrɛ be nfɛra mo kutɔ n ti so a?”

Nshɛ 74:9

Emamachisheŋ maŋ naa wɔtɔ, anebiana na gba maŋ naa wɔtɔ. Ekama malɛ maŋ nyi saŋɛ nɛ asheŋ na beeŋ fo amo be ekar.

Jɛremaya 37:17

Ndoŋ nna nɛ ewura Zɛdikaya shuŋi fanɛ b ya bar ma mo kutɔ. Ma nɛ mo nawule ka daa la na nɛ e bishi ma le: “Kubɔya ko wɔtɔ nɛ k shi Enyɛnpe Ebɔrɛ na kutɔ a ba anyi kutɔ a?” Nɛ n shuli ŋ kaŋɛ: “Mm, Yiramu, kubɔya wɔtɔ. Enyɛnpe Ebɔrɛ na beeŋ shin nɛ Babilɔn be ewura e pɛ fo ŋ ki kenya.”

Eemɔs 3:7

Kashenteŋto, Enyɛnpetale maa kre kusɔ ko be kewora nɛ e maŋ lara kumo ŋ ŋini mbe nyɛrbi nɛ b la anebiana na.

Filipaiebi 2:22

Ama Timoti bre, menyi alɛ gba nyi kananɛ mo ere maŋ kɔ le be kebaawɔtɔ ere, ŋkpal manɛ so, men nyi fanɛ ma nɛ mo e baa wɔ baru lela ere be kushuŋ ere to a shuŋ fanɛ kananɛ ebi nɛ mo tuto bee shuŋ na.

1 Timoti 5:10

nɛ emo nɛ e tiŋ ŋ keni mbe mbia so nɛnɛ nɛ b daŋ, nɛ emo nɛ e la esa, nɛ emo nɛ e bar mbe kumu kaseto n sa Ebɔrɛ be bebɛsopo ŋko n chɛ awurfoŋ ŋko tɔrɔ be mbia to nseŋ wora kelela be yiri kikɛ, ber mo n wɔtɔ bekulpoche nɛ b daga kechɛto na to.

Joshuwa 1:1

Enyɛnpe Ebɔrɛ be kayɛrbi Mosis ka wu be kaman, nɛ Enyɛnpe Ebɔrɛ na kaŋɛ Nun pibi Joshuwa nɛ b daa bela mo ase nɛ e sɔ Mosis so na le:

Joshuwa 9:14

Ndoŋ nna nɛ Israɛlebi na sɔ bumo be ajibi na be ako n ji ŋ keni, ama b daŋ maŋ bishi Enyɛnpe Ebɔrɛ kusɔ nɛ k daga fanɛ b wora pɔɛŋ.

Demujipoana 20:18

Kumo be kaman nɛ Israɛl be basa na yɔ kakpa nɛ baa shuŋ Ebɔrɛ ashi kade nɛ baa tre Bɛtɛl na n ya kule Ebɔrɛ m bishi: “Yiri mo e naaŋ juŋkpar anyi n ya kɔ Bɛnjamin be yiri to ebi na kena?” Nɛ Enyɛnpe Ebɔrɛ na kaŋɛ: “Juda be yiri to be basa e naŋ juŋkpar.”