2 Bewura 25:9 - EBƆRƐ BE KAWƆL

⁹ m ba chɔɔ bɔrɛlambu na nɛ ewurkpa nɛ Jerusalɛm to be basa nɛ bumo be atre dii na be nwu kikɛ.

2 Bewura 25:9 ပူးပေါင်းရင်းမြစ်များ

1 Bewura 9:7

kumo ere meeŋ lara ma basa Israɛlebi ashi kasawule nɛ n ta n sa bumo ere so, nseŋ lar bɔrɛlambu nɛ n nɛfa ŋ kaŋɛ fanɛ meeŋ baa wɔ ndoŋ nɛ b baa bunyaŋ ma na to. Saŋɛ na so basa kikɛ beeŋ ba fɛl Israɛlebi nsaa keni bumo jiga.

1 Bewura 9:8

Bɔrɛlambu ere beeŋ ki ajembu n deŋi abar so. Kumo be loŋ kaŋ wora malɛ, k beeŋ chinchiŋ basa kama nɛ baa bɔla kumo ase a choŋ na, nɛ b baa bishi le: ‘Manɛ nna nɛ Enyɛnpe Ebɔrɛ wora mbe basa nɛ b wɔ mbe bɔrɛlambu to ere le?’

2 Kronikɛls 36:19

Ewura Nebukadneeza daŋ chɔɔ bɔrɛlambu na nɛ ewura be laŋ nɛ kade na kikɛ nna nseŋ da kumo be egbal n lɛ.

Ɛzra 5:12

Ŋkpal an tutoana ka daŋ wora n da Ebɔrɛ nɛ e wɔ esoso na so so, e daŋ nya agbo nna nseŋ shin nɛ Babilɔn be Ewurgboŋ, Nebukadneeza, nɛ e shi Chaldian, ba kɔ m pɔɔ bumo so. Kumo be kaman nɛ Nebukadneeza pɛ bumo anya n yɔ Babilɔn be efuli so.

Nshɛ 79:1

O Ebɔrɛ, efuli pɔtɛana so ebi ba kɔ n suge fo kasawule. B shin nɛ fo bɔrɛlambu cheembi na wora eyurpi daŋkare be ekpa so, nseŋ shin nɛ Jerusalɛm ki kade bureso a dese fuloŋ.

Aizaaya 64:9

amoso sa maŋ nya agbo ga n wɔtɔ anyi ŋko a nyiŋi anyi be alubi mbaanaayɔ. Baa nyiŋi fanɛ fo basa e la anyi kikɛ, amoso wu anyi kuwɔr.

Jɛremaya 17:27

Ama a daga fanɛ b baa wora ma kasonu nsaa ta ma kewushiachɛ na fanɛ kachɛ cheembi nsaa maa sulɔ asɔ a bɔla Jerusalɛm be mbunagboŋana na to a luri a lar loŋ be kachɛ na. Nɛ b kini nseŋ wora loŋ, meeŋ shin nɛ Jerusalɛm be mbunagboŋana na e ji edɛ. Jerusalɛm to be ewurkpaana beeŋ ji edɛ n tɔr nɛ esa kikɛ maaŋ tiŋ n duŋ edɛ na.”

Jɛremaya 26:9

Manɛ so nɛ fo ta Enyɛnpe Ebɔrɛ na be ketre a kaŋɛ fanɛ bɔrɛlambu ere beeŋ ki fanɛ Shilo nɛ kadegboŋ nɛ e mur nɛ esa kikɛ maaŋ naa wɔ kumo to na?”

Jɛremaya 34:2

“Ma, Enyɛnpe Ebɔrɛ na beeŋ shin nɛ Babilɔn be ewura Nebukadneeza e kɔ m pɔɔ kadegboŋ ere so nseŋ chɔɔ kumo n lɛ.

Jɛremaya 34:22

Meeŋ kaŋɛ bumo nɛ b bɛta m ba kadegboŋ ere to m ba kɔ n sɔ nseŋ chɔɔ kumo n lɛ. Meeŋ shin nɛ Juda be ndeana e ki fanɛ keshishɛrsawule nɛ esa kama maŋ wɔ amo to. Ma, Enyɛnpe Ebɔrɛ e kaŋɛ na.”

Jɛremaya 37:10

Hale nɛ men tiŋ ŋ kɔ m pɔɔ Babilɔn be benapo na kikɛ so gba, bumo be basa nɛ b doro a dese bumo be ewajɛbu to kraa beeŋ koso n chɔɔ kadegboŋ ere n lɛ.”

Jɛremaya 37:8

Saŋɛ na so Babilɔnebi na beeŋ naŋ bɛta m ba kɔ m pɔɔ Jerusalɛm so nseŋ chɔɔ kumo n lɛ.

Jɛremaya 39:8

Pɔɛŋ nɛ le ere kikɛ wora na nɛ Babilɔnebi na teŋ nya edɛ n wɔtɔ Jerusalɛm to be ewurkpa nɛ basa na be nwu kikɛ to a chɔɔ nsaa da amo be egbalana a lɛ.

Jɛremaya 41:5

benyɛn aduburwa ko daŋ shi nde nɛ baa tre Shɛkɛm nɛ Shilo nɛ Samɛria na nna m ba. B daa kɔ ayu nɛ eduwu be ŋkɛ nna a yɔ nɛ b ya sa Enyɛnpe Ebɔrɛ na bɔrɛlambu na to ashi Jerusalɛm. Bumo alɛ daŋ she bumo be ntɔl nna nseŋ kpɛa bumo be asɔbuuso to nseŋ naŋ ku ŋ ku bumo be eyurana, ŋkpal b ka daa shu keeli so.

Jɛremaya 52:13

m ba chɔɔ bɔrɛlambu na nɛ ewurkpa na nɛ kadegboŋ na to be nwu kikɛ n lɛ. E daŋ chɔɔ kowu kama nɛ k kɔ ketre nna n lɛ.

Jɛremaya 7:14

Ŋkpal loŋ so, kusɔ n wora ashi Shilo na nɛ meeŋ wora ashi bɔrɛlambu nɛ n ta n sa menyi nɛ men nananyɛnana nɛ men ta menyi be yirda n deŋi so ere gba to.

Nfabel 1:10

Bedoŋ na daŋ suge bumo be yawu kpakpaso be asɔ kikɛ nna. Jerusalɛm be basa na daŋ wu befɔ na ka luri bumo be bɔrɛlambu nɛ Enyɛnpe Ebɔrɛ daa maŋ sa nnyamase ekpa fanɛ b luri kumo to na nna.

Nfabel 2:7

Enyɛnpe Ebɔrɛ na daŋ kini mbe bɔrɛsure nna n lɛ nseŋ daŋ lar mbe bɔrɛlambu cheembi to ŋ ka kumo. E daŋ sa bedoŋ ekpa nna nɛ b da Jerusalɛm be egbalana n lɛ, nseŋ daa wora awɔr a ŋini fanɛ b kɔ m pɔɔ kakpa nɛ an daa shuŋ Ebɔrɛ kagbenefuliso na so.

Nfabel 5:18

Ekama shile Zayɔn be kebee na so nɛ k dese fuloŋ, nɛ ejiŋkaamu sɔ kumo so a wora bumo be kepar.

Ezikɛl 10:2

Nɛ Enyɛnpe Ebɔrɛ na kaŋɛ kanyɛn nɛ e buu piŋi lela na le: “Ya lara ajanwulɛ nɛ a kɔ edɛ ashi asɔ kulkulso nɛ a du fanɛ cheche be aya a wɔ asɔbɔya keniso na be akel to na n ya fari Jerusalɛm be kadegboŋ na kikɛ to.” Ndoŋ nna nɛ mee keni mo nɛ e bee yɔ.

Ezikɛl 16:41

Meeŋ wora loŋ ashi beche damta be anishito nɛ fo kubojuaji e fo ekar nɛ fo jipoana maaŋ naaŋ nya ŋkɛ ashi fo kutɔ.

Levitikɔs 26:31

Meeŋ shin nɛ menyi be ndegboŋana e ki alambure nɛ m mur mboŋ nɛ menyee shuŋ agbirana na. Menyi be esarga be efɛa maaŋ naa par ma.

Levitikɔs 26:33

Meeŋ bar kena menyi so n shin nɛ men pesaŋ to n yɔ efuli pɔtɛana so. Menyi be kasawule beeŋ dese fuloŋ nɛ menyi be ndegboŋ a ki alambure.

Eemɔs 2:5

Ŋkpal loŋ so meeŋ shin nɛ edɛ e ba Juda be efuli so m ba chɔɔ Jerusalɛm be kumɔlga be mboŋ lempo kikɛ.”

Eemɔs 6:11

Enyɛnpe Ebɔrɛ na baŋ malga, elaŋgboŋana nɛ afimbiana kikɛ bee bure to nna kpachɛrkpachɛrbi.

Maika 3:12

Ŋkpal bumo so, baaŋ pulgi Jerusalɛm to fanɛ kudɔsawule, nɛ k ki kade bureso m biti abar so a dese; nɛ Zayɔn be kebee nɛ bɔrɛlambu na yil so na malɛ e ki kupo.