2 Bewura 24:2 - EBƆRƐ BE KAWƆL

² Ndoŋ nna nɛ Enyɛnpe Ebɔrɛ shin nɛ Babilɔn nɛ Siriya nɛ Mowab nɛ Ammɔn be benapo be ntuŋ nɛ baa ta kena a purgi na ya kɔ Jehowakim kena nseŋ jija Juda be efuli kikɛ fanɛ kananɛ e daŋ bɔla mbe nyɛrbi anebiana so ŋ kaŋɛ fanɛ e beeŋ mur Juda na.

2 Bewura 24:2 ပူးပေါင်းရင်းမြစ်များ

2 Bewura 20:17

jemanɛ ko bee ba nɛ asɔ kama nɛ a wɔ ewurkpa nɛ fo nananyɛnana fin n yili hale m ba fo kabre na kikɛ, baaŋ ba sulɔ amo kikɛ n yɔ Babilɔn be efuli so nɛ shɛŋ shɛŋ maaŋ naŋ ka a wɔ nfe!

2 Bewura 22:16

kubɔya nɛ k shi Enyɛnpe Ebɔrɛ kutɔ nde. Ebɔrɛ yɛ: “Meeŋ gberge Jerusalɛm be basa kikɛ kusoe fanɛ kananɛ b kraŋ mbra be kawɔl na to ashi Juda be ewura be anishito na.

2 Bewura 23:27

Amoso le nɛ Enyɛnpe Ebɔrɛ na daŋ kaŋɛ: “Meeŋ wora Juda gba kusɔ nɛ n wora Israɛl na. Meeŋ ju Juda be basa ashi ma anishito nseŋ kini Jerusalɛm nɛ k la ma kade na nɛ bɔrɛlambu nɛ baa bunyaŋ ma kumo to ere.”

2 Bewura 6:23

Ndoŋ nna nɛ Israɛl be ewura na shin nɛ b wora kejigboŋ n sa Siriya be benapo na. B ka ji nseŋ nuu n loge na, nɛ e shin nɛ b bɛta n yɔ Siriya be ewura na kutɔ. Baŋ yili kumo be saŋɛ, nɛ Siriyaebi na yige kebaata kena a purgi Israɛl be efuli so ebi.

2 Kronikɛls 33:11

Amoso Enyɛnpe Ebɔrɛ na daŋ shin nna nɛ Asiriya be benapo be benimuana ya kɔ n sɔ Juda be efuli na, nseŋ pɛ ewura Manase n ta kekɔltobi ŋ kɔl mbe kamuna to nseŋ ta ŋgbɛlɛbi ŋ kre mo n ta mo n yɔ Babilɔn.

Job be kawɔl 1:17

Mo alɛ gba kraa malga nna nɛ kabɔ sasopo ba kaŋɛ Job le: “Beyu nɛ b kɔ akɔsɔ be ntuŋ asa shi Babilɔn be efuli so nɛ k wɔ kelargato be esoso be epeŋilarkpa na nna m ba kɔ n suge fo enyɔma na nseŋ kpa amo kikɛ n choŋ. N nawule e nya n shile m ba nɛ m ba kaŋɛ fo kusɔ nɛ k wora.”

Aizaaya 13:5

B shi efuli wɔfɔ wɔfɔ nɛ a wɔ durnya be lalaloge to nna a ba. Enyɛnpe Ebɔrɛ na malɛ e kaa kagbene n ta mbe akɔsɔ a ba nɛ e ba mur Babilɔn be efuli kikɛ.

Aizaaya 28:19

Jɛrbi beeŋ gbelge menyi so kachipurso nɛ kapaso nɛ kanyɛso kikɛ nna fanɛ nchu ka bee bɔlɔ a ba na. Kubɔya popɔr kama malɛ nɛ k beeŋ shi Ebɔrɛ kutɔ m ba menyi kutɔ beeŋ ta kufugboŋ m pɛ menyi!

Aizaaya 7:17

Ama Enyɛnpe Ebɔrɛ na beeŋ shin nɛ etɔrɔ damta nɛ a chɔ etɔrɔ kama nɛ a daŋ ba menyi so, yili jemanɛ nɛ Israɛl nɛ Juda be kuwurji barga to m ba fo kabre na, e ba fo nɛ fo basa nɛ fo tuto be laŋ to ebi kikɛ so. E beeŋ shin nɛ efuli nɛ baa tre Asiriya na be ewura gba e ba kɔ menyi kena.

Jɛremaya 12:9

Ma basa laraso ki fanɛ kabuibi nɛ e bee ji eblaŋ nɛ kumo braana ba kulti kumo n wɔtɔ nseŋ mɔ kumo a ji nna. Tre kupuŋ to be asɔbɔya lubi nɛ amo alɛ gba e ba ti so n ji kumo m moɛ.

Jɛremaya 25:1

Ewura Josaya pibinyɛn Jehowakim ka ji Juda be efuli so be kuwura be kafɛ nasopo to, nɛ Enyɛnpe Ebɔrɛ na sa ma kubɔya fanɛ n ta n sa Juda nɛ Jerusalɛm to be basa. Ewura Nebukadneeza malɛ ka ji Babilɔn be efuli so be kuwura be kafɛ koŋwule to e daa la.

Jɛremaya 25:9

meeŋ shuŋi n tre efuliana nɛ e wɔ kelargato be esoso be kaba so na be basa kikɛ nɛ ewura Nebukadneeza nɛ e la Babilɔn be efuli so be ewura nɛ ma kenya na, nɛ b ba kɔ Juda nɛ efuliana nɛ e kulti ndoŋ na kikɛ kena m mur. Ndoŋ beeŋ mur a dese loŋ mbaanaayɔ nɛ k chinchiŋ ekama nɛ e beeŋ wu amo, ama b kraa beeŋ baa wora menyi eyurto. Ma, Enyɛnpe Ebɔrɛ e kaŋɛ na.

Jɛremaya 26:20

Kanyɛn ko gba daa wɔtɔ nɛ baa tre mo Uriya, nɛ e la kanyɛn nɛ baa tre Shemaya na pibinyɛn nseŋ shi kade nɛ baa tre Kiriaf Jeerim na. Mo alɛ gba daŋ malga ŋ gbiti Jerusalɛm nɛ Juda ashi Enyɛnpe Ebɔrɛ na be ketre to fanɛ kananɛ Jɛremaya wora ere.

Jɛremaya 26:6

Nɛ men kraŋ kini kewora kasonu, kumo ere meeŋ mur bɔrɛlambu ere fanɛ kananɛ n daŋ mur kade nɛ baa tre Shilo na, nɛ durnya to be efuliana kikɛ so be basa e ta Jerusalɛm be ketre a sho basa kɔnɔ.”

Jɛremaya 32:28

Meeŋ shin nɛ Babilɔn be ewura, Nebukadneeza nɛ mbe benapo, e kɔ m pɔɔ Jerusalɛm be basa so

Jɛremaya 35:11

Ama jemanɛ nɛ ewura Nebukadneeza nɛ Babilɔn be efuli nɛ Siriya be efuli so be benapo ba fara a kɔ a sha kesɔ efuli na nɛ an koso m ba Jerusalɛm to m ba chena, saŋɛ na so anyeeŋ shile bumo m mɔlga anyi be amu. Kusɔ nɛ k ba nɛ an baa kaa wɔ Jerusalɛm to nna na.”

Jɛremaya 52:28

Juda be basa nɛ ewura Nebukadneeza pɛ anya n yɔ Babilɔn be efuli so be kananɛ b sa nɛ b sibɛ n nase kebɛso kebɛso nde. Mbe kuwurji be kafɛ shunusopo to basa ŋgboŋ asa nɛ adunyɔ nɛ asa nɛ e pɛ ashi Jerusalɛm n yɔ Babilɔn.

Nfabel 1:17

An teŋi anyi be enɔana to nna a fin kechɛto, ama esa kikɛ maŋ chɛ anyi to. Enyɛnpe Ebɔrɛ na tre efuliana nɛ a kulti anyi na nna nɛ b ba kɔ anyi kena kaba kama so. Baa keni anyi nna fanɛ basa jiga.

Ezikɛl 19:8

Ndoŋ nna nɛ efuliana na kre kumo be kemɔ be nia, nɛ basa shi kaplɛkama m ba. Nɛ b sho kashewu m pɛ kumo

Ezikɛl 23:23

Meeŋ gama benapo nimuso nɛ benapo nɛ baa far egbaŋɛturko be benimuana nɛ basa gboŋ nɛ baa dii egbaŋɛ na kikɛ nɛ b shi Babilɔn be efuli so nɛ Asiriya be efuli so nɛ Chaldian be yiri to be basa nɛ b shi nde nɛ baa tre Pɛkɔd nɛ Showa nɛ Kowa na m ba abar so.

Maika 3:12

Ŋkpal bumo so, baaŋ pulgi Jerusalɛm to fanɛ kudɔsawule, nɛ k ki kade bureso m biti abar so a dese; nɛ Zayɔn be kebee nɛ bɔrɛlambu na yil so na malɛ e ki kupo.

Habakuk 1:6

Meeŋ shin nɛ Babilɔnebi nɛ b la ŋgbene kpakpasowuraana a maa ŋana shɛŋ nsaa maŋ kɔ kechena n wushi kikɛ na e ji eleŋ. Baa lar nna a ba nɛ b ba kɔ durnya be kasawule kama so be basa kena.