16 Ewura Nebukadneeza daŋ pɛ benapo ŋgboŋ ashunu nɛ basa nɛ b kɔ enɔ to be kushuŋ be kenyi kagboŋ nɛ bekama nɛ b fo kena to be keyɔ n yɛr bumo kikɛ Babilɔn.
E daŋ shin nna nɛ b pɛ Jerusalɛm be basa nɛ b shi ewurkpa nɛ bewurbi nɛ benapo be benimu nɛ basa nɛ b kɔ enɔ to be ashuŋ be kenyi nɛ ebɔyɛpo, nɛ bumo kikɛ yili basa ŋgboŋ kudu, n yɔ Babilɔn be efuli wɔfɔ na. Betirpo nawule nɛ b daŋ yige Juda be efuli so.
B daŋ sibɛ Israɛlebi na kikɛ be atre kanaŋ kanaŋ so nna n wɔtɔ Israɛl be bewura be nwɔl to. Judaebi na ka daŋ wora alubi ŋ gbiti Ebɔrɛ na so nɛ b daŋ pɛ bumo nseŋ tintiŋ bumo n yɔ Babilɔn be efuli wɔfɔ na so na.
B ka pɛ ewura Jehowachin nɛ mo nio nɛ ewurkpa be ekrachiana nɛ Jerusalɛm to nɛ Juda be efuli so be benimuana nɛ basa nɛ b nyi enɔ to be ashuŋ kikɛ n yɔ kenyaya to na be kaman, nɛ n sibɛ kawɔl na.
Juda be basa nɛ ewura Nebukadneeza pɛ anya n yɔ Babilɔn be efuli so be kananɛ b sa nɛ b sibɛ n nase kebɛso kebɛso nde. Mbe kuwurji be kafɛ shunusopo to basa ŋgboŋ asa nɛ adunyɔ nɛ asa nɛ e pɛ ashi Jerusalɛm n yɔ Babilɔn.
Babilɔn be ewurgboŋ na daŋ ta Juda be ewura be kanaŋ to be esa ko nna n shin nɛ e bɔ ntaŋ fanɛ e beeŋ baa nu a sa mo, nseŋ shin nɛ mo nɛ mo wora kɔnɔkoŋwule be ŋkre. Kumo be kaman nɛ e pɛ kade na be basa gboŋ n ti so n yɔ,
n shin nɛ b pin fanɛ kusɔ nɛ ma, Enyɛnpetale Ebɔrɛ, bee kaŋɛ bumo e la fanɛ kajɔnɔkoso gboŋ ko nɛ e daa kɔ aba lempo nɛ atɛ lela ga e daŋ firgi n yɔ Lebanɔn be abee so n ya bu kedibi nɛ baa tre sida na be awɔlto be keyabi.