2 Bewura 24:14 - EBƆRƐ BE KAWƆL

¹⁴ E daŋ shin nna nɛ b pɛ Jerusalɛm be basa nɛ b shi ewurkpa nɛ bewurbi nɛ benapo be benimu nɛ basa nɛ b kɔ enɔ to be ashuŋ be kenyi nɛ ebɔyɛpo, nɛ bumo kikɛ yili basa ŋgboŋ kudu, n yɔ Babilɔn be efuli wɔfɔ na. Betirpo nawule nɛ b daŋ yige Juda be efuli so.

2 Bewura 24:14 ပူးပေါင်းရင်းမြစ်များ

2 Bewura 24:16

Ewura Nebukadneeza daŋ pɛ benapo ŋgboŋ ashunu nɛ basa nɛ b kɔ enɔ to be kushuŋ be kenyi kagboŋ nɛ bekama nɛ b fo kena to be keyɔ n yɛr bumo kikɛ Babilɔn.

2 Bewura 25:12

Ama e daŋ yige betirpo gbagba nɛ b maŋ kɔ kapetɛ kikɛ na bre nna ashi Juda be efuli so nɛ b baa shuŋ ndibi sɔrso nɛ adɔjibi be adɔana to.

1 Kronikɛls 9:1

B daŋ sibɛ Israɛlebi na kikɛ be atre kanaŋ kanaŋ so nna n wɔtɔ Israɛl be bewura be nwɔl to. Judaebi na ka daŋ wora alubi ŋ gbiti Ebɔrɛ na so nɛ b daŋ pɛ bumo nseŋ tintiŋ bumo n yɔ Babilɔn be efuli wɔfɔ na so na.

Ɛzra 2:1

Basa nɛ ewura Nebukadneeza daŋ pɛ n yɔ kenyaya to ashi Babilɔn be efuli so nɛ bumo be galeŋga daŋ naŋ bɛta m ba bumo ndeana to ashi Juda be efuli so na e daa la.

Nehemaya 1:2

N sipoana to be eko nɛ baa tre Hanani na daŋ keta benyɛn be katuŋ ko nna n shi Juda be efuli so m ba ndoŋ. Nɛ m bishi bumo Jerusalɛm be kade to nɛ ŋ kurgepoana Juwebi nɛ b shi Babilɔn nfe m bɛta n yɔ na be asheŋ.

Ɛsta 2:6

Mɔdikaya daŋ ti basa nɛ ewura Nebukadneeza nɛ e la Babilɔn be ewura na daŋ pɛ fanɛ anya ashi Jerusalɛm nseŋ tintiŋ bumo n yɔ mbe efuli so, saŋɛ nɛ e daŋ pɛ Juda be ewura Jehowachin na so nna.

Aizaaya 3:2

nɛ bumo be basa nɛ b wora asheŋgboŋ nɛ baa puchi bumo so nɛ esoji nɛ demujipoana nɛ anebiana nɛ bekpalpo nɛ ekrachigboŋ,

Jɛremaya 28:4

Ma alɛ beeŋ naŋ bɛta Juda be ewura Jehowachin nɛ e sɔ mo tuto ewura Jehowakim so na nɛ Juda be basa nɛ b pɛ n yɔ Babilɔn be efuli so na kikɛ m ba. Kashenteŋto, meeŋ jija Babilɔn be ewura be eleŋgboŋ nɛ e kɔ na. Ma, Enyɛnpe Ebɔrɛ na e kaŋɛ.”

Jɛremaya 29:2

B ka pɛ ewura Jehowachin nɛ mo nio nɛ ewurkpa be ekrachiana nɛ Jerusalɛm to nɛ Juda be efuli so be benimuana nɛ basa nɛ b nyi enɔ to be ashuŋ kikɛ n yɔ kenyaya to na be kaman, nɛ n sibɛ kawɔl na.

Jɛremaya 39:10

Betirpo gbagba nɛ b maŋ kɔ shɛŋ na nawule nɛ e daŋ yige Juda be kasawule so nseŋ sa bumo adɔsawule nɛ ndibi sɔrso be adɔ.

Jɛremaya 40:7

Juda be benapo na nɛ bumo be benimuana na be beko bre daŋ maŋ shuli n ta bumo be amu n sa Babilɔnebi na nseŋ daŋ shile n luri kupuŋ to. B daŋ nu fanɛ Babilɔn be ewura ta Gɛdaliya nna ŋ ki gomena n chena kasawule na so nɛ e baa keni kasawule na so be betirpo gbagba nɛ b maŋ keta n yɔ Babilɔn be efuli so na so.

Jɛremaya 52:16

Ama e yige betirpo gbagba nɛ b maŋ kɔ kapetɛ kikɛ na nna ashi Juda be efuli so nɛ b baa shuŋ ndibi sɔrso nɛ adɔjibi be adɔana to.

Jɛremaya 52:28

Juda be basa nɛ ewura Nebukadneeza pɛ anya n yɔ Babilɔn be efuli so be kananɛ b sa nɛ b sibɛ n nase kebɛso kebɛso nde. Mbe kuwurji be kafɛ shunusopo to basa ŋgboŋ asa nɛ adunyɔ nɛ asa nɛ e pɛ ashi Jerusalɛm n yɔ Babilɔn.

Ezikɛl 17:14

saŋɛ na so Juda be efuli so be basa nɛ b ka na beeŋ baa wɔ mbe kaseto a nu a sa mo nawule nsaa maaŋ naŋ tiŋ n nya eleŋ bumo gbagba be efuli na so kikɛ.

Ezikɛl 17:3

n shin nɛ b pin fanɛ kusɔ nɛ ma, Enyɛnpetale Ebɔrɛ, bee kaŋɛ bumo e la fanɛ kajɔnɔkoso gboŋ ko nɛ e daa kɔ aba lempo nɛ atɛ lela ga e daŋ firgi n yɔ Lebanɔn be abee so n ya bu kedibi nɛ baa tre sida na be awɔlto be keyabi.

Matiu 1:11

Josaya e daŋ kurge Jɛkɔnaya nɛ mo siponyɛnsoana jemanɛ nɛ Babilɔnebi daŋ yɛr Israɛlebi Babilɔn na.

Matiu 1:12

Babilɔnebi ka yɛr Israɛlebi Babilɔn na pɔɛŋ nɛ Jɛkɔnaya kurge Shialtiɛl. Shialtiɛl malɛ pibi e daa la Zerubabel.

Matiu 1:17

Bede kikɛ e naa ŋini fanɛ yili Eebraham m ba fo Ewura Deevid, benananyɛn kuduana e lar kanaŋ na to. N naŋ yili Ewura Deevid be jemanɛ n ya fo jemanɛ nɛ b yɛr Israɛlebi Babilɔn na, benananyɛn kuduana e lar kanaŋ na to. N naŋ yili jemanɛ nɛ b yɛr Israɛlebi Babilɔn na m ba fo Kristo be jemanɛ na gba, benananyɛn kuduana e lar kanaŋ na to.

Ditɛronɔmi 28:36

Ade malɛ kikɛ be kaman, Enyɛnpe Ebɔrɛ na beeŋ shin nɛ bedoŋ e pɛ menyi nɛ men be ewura tintiŋ so n yɔ efuli pɔtɛ so, kakpa nɛ menyi ŋko men nananyɛnana maŋ naŋ chena ŋ ku so na, nɛ men ya shuŋ agbirana nɛ b ta ndibi nɛ ajembu n lɔŋɛ.

1 Samuɛl 13:19

Filisti be ebɔyɛpo na daa maa shin nɛ Israɛlebi na bee koya kananɛ baa bɛl etokobi nɛ akpa, saŋɛ na so Israɛlebi na maaŋ baa lɔŋɛ amo.