2 Bewura 24:12 - EBƆRƐ BE KAWƆL

¹² nɛ ewura Jehowachin nɛ mo nio nɛ mbe mbinyɛnsobiana nɛ mbe ekrachiana nɛ ewurkpa be benimuana na kikɛ tuba n ta bumo be amu n sa Babilɔnebi na. Nebukadneeza be kuwurji be kafɛ burwasopo to nɛ e pɛ ewura Jehowachin n ya ti ebu,

2 Bewura 24:12 ပူးပေါင်းရင်းမြစ်များ

2 Bewura 20:18

Baaŋ pɛ fo gbagba be mbinyɛnsobi ko n ya fɛl bumo nɛ b baa shuŋ Babilɔn be ewura be lambu to.”

2 Bewura 24:11

Saŋɛ nɛ ewura Nebukadneeza be benapo kulti Jerusalɛm n wɔtɔ na nɛ mo gbagba ba kade na to,

2 Bewura 25:27

Kufɔl kuduanyɔsopo be nchɛ adunyɔ nɛ ashunu to be kafɛ nɛ Evilmɛrodak ji Babilɔn be kuwura na b daŋ wu Juda be ewura Jehowachin nɛ b daŋ ti ebu nfɛ adesa nɛ ashunu kikɛ na kuwɔr nna nseŋ shin nɛ b lara mo kabuti to.

2 Bewura 25:8

Ewura Nebukadneeza ka ji Babilɔn be efuli so be kuwura be kafɛ kudu akpanusopo to be kufɔl nusopo to be kachɛ shunusopo na nɛ Nebuzaradan nɛ e la ewura be asoetojipo nɛ benapo nɛ baa kuŋ ewura na be enimu na ba Jerusalɛm to,

2 Kronikɛls 36:10

Dɔchubɔrɛ be jemanɛ ka fo nɛ ewura Nebukadneeza pɛ Jehowachin nseŋ ta bɔrɛlambu na to be asɔ lela n ti mo so n yɔ Babilɔn nseŋ ta Jehowachin mo wɔpa Zɛdikaya ŋ ki Jerusalɛm be ewura.

Ɛsta 2:5

Jemanɛ ere so nɛ Juw be kanyɛn nɛ baa tre Mɔdikaya na wɔ Susa. Mo tuto e daa la Jaɛr nɛ mo nananyɛn Shimei malɛ la Kish nɛ e shi Bɛnjamin be kanaŋ to na pibinyɛn.

Ɛsta 2:6

Mɔdikaya daŋ ti basa nɛ ewura Nebukadneeza nɛ e la Babilɔn be ewura na daŋ pɛ fanɛ anya ashi Jerusalɛm nseŋ tintiŋ bumo n yɔ mbe efuli so, saŋɛ nɛ e daŋ pɛ Juda be ewura Jehowachin na so nna.

Aizaaya 24:6

Amoso Ebɔrɛ sho durnya na kɔnɔ nna nɛ kumo to be basa bee wu ŋkpal bumo be alubi so.

Jɛremaya 13:18

Ade kikɛ be kaman nɛ Enyɛnpe Ebɔrɛ na naŋ kaŋɛ le: “Kaŋɛ ewura nɛ mo nio nɛ b koso bumo be nwurputi so nseŋ gbaŋ bumo be awurwuro lela n nase.

Jɛremaya 24:1

Babilɔn be ewura Nebukadneeza ka pɛ Juda be ewura, Jehowachin nɛ e la ewura Jehowakim pibinyɛn, nɛ Juda be efuli so be benimuana nɛ basa nɛ b nyi enɔ to be ashuŋ nɛ bumo nɛ baa lɔŋɛ asɔ kikɛ n yɔ Babilɔn be efuli so kufɔ kufɔ na be kaman nɛ Enyɛnpe Ebɔrɛ na shin nɛ ŋ ku bɔrɛdare n wu nlantaŋɛ anyɔ nɛ figidibi be asɔrso wɔ amo to a yil Enyɛnpe Ebɔrɛ na be bɔrɛlambu na be anishito.

Jɛremaya 25:1

Ewura Josaya pibinyɛn Jehowakim ka ji Juda be efuli so be kuwura be kafɛ nasopo to, nɛ Enyɛnpe Ebɔrɛ na sa ma kubɔya fanɛ n ta n sa Juda nɛ Jerusalɛm to be basa. Ewura Nebukadneeza malɛ ka ji Babilɔn be efuli so be kuwura be kafɛ koŋwule to e daa la.

Jɛremaya 36:30

To, naniere ma Enyɛnpe Ebɔrɛ na bee kaŋɛ fo, Ewura Jehowakim nna fanɛ fo kaman to ebi be esa kikɛ maaŋ naŋ chena men nananyɛn, ewura Deevid be kuwurputi so n ji kuwura. Baaŋ ta fo kebuni n lɛ kakpa nɛ k beeŋ dese nɛ epeŋi a ŋmɛa kumo kapaso nɛ bunyaŋ wushiso malɛ e tɔr kumo so kanyɛso.

Jɛremaya 37:1

Babilɔn be ewura Nebukadneeza daŋ lara ewura Jehowakim pibinyɛn Jehowachin kuwura to nna nseŋ buu ewura Josaya pibinyɛn, Zɛdikaya Juda be efuli so be kuwura.

Jɛremaya 52:12

Ewura Nebukadneeza ka ji Babilɔn be efuli so be kuwura be kafɛ kudu akpanu to be kufɔl nusopo to be kachɛ kudusopo na nɛ Nebuzaradan nɛ e la ewura be asoetojipo nɛ benapo nɛ baa kuŋ mo na be enimu na ba Jerusalɛm to,

Jɛremaya 52:28

Juda be basa nɛ ewura Nebukadneeza pɛ anya n yɔ Babilɔn be efuli so be kananɛ b sa nɛ b sibɛ n nase kebɛso kebɛso nde. Mbe kuwurji be kafɛ shunusopo to basa ŋgboŋ asa nɛ adunyɔ nɛ asa nɛ e pɛ ashi Jerusalɛm n yɔ Babilɔn.

Jɛremaya 52:31

Babilɔn be Ewura Nebukadneeza daŋ pɛ Juda be ewura Jehowachin nna n ya ti ebu nfɛ adesa nɛ ashunu ashi Babilɔn be efuli so. Kafɛ nɛ ewura Nebukadneeza wu nɛ mo pibinyɛn, Ivɔl Mɛrodak, nɛ e sɔ mo so n ji Babilɔn be kuwura na wu ewura Jehowachin kuwɔr n shin nɛ b lara mo kabuti to.

Ezikɛl 17:12

“Bishi Israɛl be basa nɛ b pal kaman n sa ma ere fanɛ b pin keŋasa ere be kefito a? Kaŋɛ bumo fanɛ Babilɔn be efuli so be ewurgboŋ e ba Jerusalɛm to m ba pɛ Juda be ewura nɛ mbe benimuana m bɛta n yɔ Babilɔn be efuli so.

Ezikɛl 17:4

Nseŋ ta keyabi na n yɔ eyawujipo be kasawule so n ya fɛa bumo kadegboŋ to.

Ezikɛl 19:1

Ndoŋ nna nɛ Enyɛnpe Ebɔrɛ kaŋɛ ma fanɛ m boŋ kagbenejija be kashɛ n sa Israɛl be benimu anyɔ ko ŋ kaŋɛ le:

Ezikɛl 19:13

Naniere keshishɛrsawule so nɛ n duu kumo, kasawule wɔlso nɛ nchu maŋ wɔ kumo so.

Ditɛronɔmi 28:36

Ade malɛ kikɛ be kaman, Enyɛnpe Ebɔrɛ na beeŋ shin nɛ bedoŋ e pɛ menyi nɛ men be ewura tintiŋ so n yɔ efuli pɔtɛ so, kakpa nɛ menyi ŋko men nananyɛnana maŋ naŋ chena ŋ ku so na, nɛ men ya shuŋ agbirana nɛ b ta ndibi nɛ ajembu n lɔŋɛ.