2 Bewura 24:1 - EBƆRƐ BE KAWƆL

¹ Jemanɛ nɛ Jehowakim bee ji Juda be kuwura na nɛ Babilɔn be ewura Nebukadneeza ba kɔ n sɔ Juda nseŋ tintiŋ Jehowakim nɛ e shuŋ mo nfɛ asa. Kumo be kaman nɛ Jehowakim kini fanɛ e maaŋ naŋ nu n sa Nebukadneeza.

2 Bewura 24:1 ပူးပေါင်းရင်းမြစ်များ

2 Bewura 17:5

Ndoŋ nna nɛ Shalmaneesa naŋ yɛr benapo n ya kɔ Israɛl kena nseŋ kulti Samɛria be kade n wɔtɔ nfɛ asa kikɛ.

2 Bewura 24:20

Ewura Zɛdikaya daŋ wora kusoe kpakpaso nna nseŋ kini kenu n sa Babilɔn be ewura Nebukadneeza. Enyɛnpe Ebɔrɛ na malɛ daŋ nya agbo ga nna n wɔtɔ Juda nɛ Jerusalɛm be basa nseŋ pal kaman n sa bumo. Amoso nɛ asheŋ lubi bee tu bumo na.

2 Kronikɛls 36:1

Ewura Josaya ka wu be kaman nɛ Juda be basa lara mo pibinyɛn Jehowahaz ŋ ki Juda be ewura.

Ɛzra 4:12

‘Yiramu, anyee sha fo pin fanɛ Juwebi nɛ b shi fo kutɔ m ba anyi kutɔ nfe na yɔ Jerusalɛm nna n ya kaa lɔŋɛ kade lubi nɛ k maŋ kɔ kasonu na a pɔr. B tiŋ n fara a pɔr kumo be egbalana nsaa lɔŋɛ kumo be gbaltɔlaseana gba. K maaŋ chɛr baaŋ pɔr kumo n loge.

Aizaaya 36:5

E bee fɛ fanɛ e beeŋ tiŋ n yili kɔnɔ to be mmalga nawule so ŋ kre kena nseŋ tiŋ ŋ kɔ m pɔɔ so a? Naniere e ka lar Asiriya be ewura kaman ere, wanɛ e naaŋ chɛ mo to?

Jɛremaya 25:1

Ewura Josaya pibinyɛn Jehowakim ka ji Juda be efuli so be kuwura be kafɛ nasopo to, nɛ Enyɛnpe Ebɔrɛ na sa ma kubɔya fanɛ n ta n sa Juda nɛ Jerusalɛm to be basa. Ewura Nebukadneeza malɛ ka ji Babilɔn be efuli so be kuwura be kafɛ koŋwule to e daa la.

Jɛremaya 25:9

meeŋ shuŋi n tre efuliana nɛ e wɔ kelargato be esoso be kaba so na be basa kikɛ nɛ ewura Nebukadneeza nɛ e la Babilɔn be efuli so be ewura nɛ ma kenya na, nɛ b ba kɔ Juda nɛ efuliana nɛ e kulti ndoŋ na kikɛ kena m mur. Ndoŋ beeŋ mur a dese loŋ mbaanaayɔ nɛ k chinchiŋ ekama nɛ e beeŋ wu amo, ama b kraa beeŋ baa wora menyi eyurto. Ma, Enyɛnpe Ebɔrɛ e kaŋɛ na.

Jɛremaya 35:1

Jemanɛ nɛ ewura Josaya pibinyɛn Jehowakim daa ji Juda be efuli so be kuwura na nɛ Enyɛnpe Ebɔrɛ na kaŋɛ ma le:

Jɛremaya 35:11

Ama jemanɛ nɛ ewura Nebukadneeza nɛ Babilɔn be efuli nɛ Siriya be efuli so be benapo ba fara a kɔ a sha kesɔ efuli na nɛ an koso m ba Jerusalɛm to m ba chena, saŋɛ na so anyeeŋ shile bumo m mɔlga anyi be amu. Kusɔ nɛ k ba nɛ an baa kaa wɔ Jerusalɛm to nna na.”

Jɛremaya 36:1

Ewura Josaya pibinyɛn, Jehowakim ka ji Juda be efuli so be kuwura be kafɛ nasopo to nɛ Enyɛnpe Ebɔrɛ na kaŋɛ ma le:

Jɛremaya 45:1

Jehowakim nɛ e la ewura Josaya pibinyɛn na ka ji Juda be kuwura be kafɛ nasopo to nɛ Baruk sibɛ kusɔ nɛ ŋ kaŋɛ mo na n nase. Kumo be kaman nɛ ŋ kaŋɛ mo

Jɛremaya 46:2

Ijipt be asheŋ nɛ e daŋ juŋkpar m malga. Kusɔ nɛ e daŋ kaŋɛ a laŋɛ Ijipt be ewura Niko nɛ Babilɔn be ewura Nebukadneeza daŋ kɔ m pɔɔ so ashi kadegboŋ nɛ baa tre nɛ k mata Lɔrgboŋ nɛ baa tre Yufreetes na be benapo be kaplɛa so. Ewura Jehowakim ka ji Juda be kuwura be kafɛ nasopo to na nɛ loŋ wora. Kusɔ nɛ Enyɛnpe Ebɔrɛ na daŋ kaŋɛ ma nde:

Jɛremaya 50:17

Kumo be kaman nɛ Enyɛnpe Ebɔrɛ na kaŋɛ le: “Israɛl be basa na du fanɛ mbolpɔ nɛ ebuluŋ ju bumo nɛ b pesaŋ bumo to nna. Asiriya be Ewurgboŋ e juŋkpar m ba kɔ bumo kena, kumo be kaman nɛ Babilɔn be ewura Nebukadneeza malɛ ba we bumo be awibi m bure to.

Ezikɛl 19:8

Ndoŋ nna nɛ efuliana na kre kumo be kemɔ be nia, nɛ basa shi kaplɛkama m ba. Nɛ b sho kashewu m pɛ kumo

Ezikɛl 21:14

“Amoso, dimɛdi pibi, kpele bumo kusoe, nseŋ ber enɔbelaŋ ŋkpal ŋ ka kɔ m pɔɔ so so. Tokobi na beeŋ baa mɔ bena nɛ jiso kikɛ, nseŋ ta kufu m pɛ basa na. Kamɔ be tokobi e la kumo k la kamɔ damta be tokobi nna, bena nɛ jiso nɛ k bee mɔ.

Danɛl 1:1

Jehowakim ka ji Juda be kuwura be kafɛ sasopo nɛ ewura Nebukadneeza nɛ e la Babilɔn be efuli so be ewura na nɛ mbe benapo ba kulti Jerusalɛm n wɔtɔ ŋ kɔ kumo kena.

Danɛl 1:2

Nɛ Enyɛnpe Ebɔrɛ shin nɛ ewura Nebukadneeza kɔ m pɔ ewura Jehowakim so m pɛ mo nɛ basa ko n ta bɔrɛlambu na to be asɔ na be ako n ti bumo so n yɔ Babilɔn be efuli so n ya ta asɔ na n yili mbe agbir be ebu to ashi Babilɔn.

Habakuk 1:6

Meeŋ shin nɛ Babilɔnebi nɛ b la ŋgbene kpakpasowuraana a maa ŋana shɛŋ nsaa maŋ kɔ kechena n wushi kikɛ na e ji eleŋ. Baa lar nna a ba nɛ b ba kɔ durnya be kasawule kama so be basa kena.