2 Bewura 23:5 - EBƆRƐ BE KAWƆL

⁵ E daŋ ju agbirwuraana nɛ Juda be bewura daŋ lara fanɛ b baa lara esarga a deŋi nnyamase be ebɔrɛsureana so ashi Juda be efuli so be nde to nɛ nde nɛ a mata Jerusalɛm na nna. Loŋ be agbirwuraana na e daa lara esarga a sa Baal be kegbir na nɛ epeŋi nɛ kufɔl nɛ achɛkpabi be yiri to kikɛ.

2 Bewura 23:5 ပူးပေါင်းရင်းမြစ်များ

2 Bewura 21:5

E daŋ pɔr ebɔrɛsure ashi bɔrɛlambu na be alɔnɛ anyɔ na to nna nsaa shuŋ achɛkpabi.

2 Kronikɛls 33:3

E daŋ lɔŋɛ nna m pɔr efuli pɔtɛana so be agbir nɛ mo tuto ewura Hɛzekaya daŋ mur na nna, nɛ ebɔrɛsure n sa Baal be kegbir na, nseŋ yuu kegbirche Ashira be mpɔrduli, nsaa shuŋ achɛkpabi gba.

2 Kronikɛls 34:4

E daŋ shin nna nɛ b bure kegbir nɛ baa tre Baal na be ebɔrɛsure nɛ ebɔrɛsure nɛ baa chɔɔ duwu amo so na. Nseŋ shin nɛ b bɛa kegbirche Ashira be mpɔrduli nɛ agbir nɛ a ka na kikɛ to n lɛ basa nɛ b daa shuŋ amo na be nchaŋana so.

Job be kawɔl 38:32

Feeŋ tiŋ ŋ ŋini achɛkpabi kusɔ nɛ a beeŋ baa wora, ŋko n ta achɛkpabi nɛ baa tre Shishirigboŋ nɛ Shishiribi n yili amo be eyilikpa a?

Ezikɛl 8:6

Nɛ Ebɔrɛ kaŋɛ ma le: “Dimɛdi pibi, fo wu kusɔ nɛ k bee wora nna na. Keni ekishisheŋ nɛ Israɛl be basa ere bee wora nfe, baa ju ma a lar ma bɔrɛlambu to a yɔ kufɔ kufɔ nna na. Ama fo kraa beeŋ wu ekishisheŋ nɛ a chɔ ade gba.”

Hoziya 10:5

Kufu beeŋ pɛ basa nɛ b wɔ Samɛria be kadegboŋ to na, nɛ b shu ga ŋkpal bumo be kegbir nɛ b ta shuwa m pɔr fanɛ gbolu na ka foe ashi Bɛtɛl so. Bumo nɛ agbirwuraana nɛ baa shuŋ kumo na beeŋ shu ga ŋkpal kumo so. Saŋɛ nɛ baaŋ marga kumo so be shuwa na nɛ baaŋ shu awɔrso ga.

Zefanaiya 1:4

Meeŋ gberge Jerusalɛm to nɛ Juda be efuli so be basa kikɛ kusoe. Meeŋ mur kegbir nɛ baa tre Baal na be kushuŋ kikɛ ashi ndoŋ nɛ ekama maaŋ naaŋ nyiŋi kegbirwura nɛ e daa keni kumo so na gba kuraa.