2 Bewura 23:3 - EBƆRƐ BE KAWƆL

³ Kumo be kaman nɛ e yili shabɔrɛ na be kakpa nɛ bewura bee chena na n nase kɔnɔ n sa Enyɛnpe Ebɔrɛ na fanɛ e beeŋ bugi mbe kagbene kikɛ n wora kasonu n sa mo nseŋ bɛ mbe mbra nɛ asheŋ nɛ e yili n sa bumo na, kɔnɔ naseso be ŋkre be asheŋ nɛ b sibɛ n wɔtɔ kawɔl na to na kikɛ so.

2 Bewura 23:3 ပူးပေါင်းရင်းမြစ်များ

2 Bewura 11:14

E ka ya wu ewura popɔr na nɛ e yili eshabɔrɛana na akpa ashi bɔrɛlambu na be kabuna be anishito be kakpa nɛ bewura bee chena na, nɛ benapo be benimu nɛ mbelfompoana yili ŋ kulti mo, nɛ basa na kikɛ bee cha awɔr kagbenefuli so nsaa foŋ mbel nɛ bɔrɛlambu to be beshɛbompoana bee juŋkpar kasheŋ wora na kikɛ, nɛ e kpɛa mbe asɔbuuso to kagbenejijaso nseŋ boŋto ŋ kaŋɛ le: “Menyi bedebɔrpo ere!”

2 Bewura 11:17

Bɔrɛmatapo Jehowada daŋ shin nna nɛ mo nɛ ewura Jɔash nɛ basa na wora kɔnɔkoŋwule be ŋkre fanɛ baaŋ baa ji kashenteŋ a sa Enyɛnpe Ebɔrɛ.

2 Kronikɛls 15:15

Juda be basa kikɛ be ŋgbene daŋ fuli bumo nna ŋkpal b ka ta bumo be ŋgbene kikɛ n nase nnɔ n sa abar na so. Saŋkama nɛ baa bunyaŋ Ebɔrɛ, bumo be ŋgbene daa fuli bumo nna ŋkpal e ka daŋ sɔ bumo nseŋ sa bumo kagbenewushi ashi kusɔ kama to so.

2 Kronikɛls 23:13

E ka ya wu ewura popɔr na nɛ e yil eshabɔrɛ na ekpa ashi bɔrɛlambu na be kabuna be anishito be kakpa nɛ bewura bee chena na, nɛ benapo be benimu nɛ mbelfompoana yili ŋ kulti mo, nɛ basa na kikɛ bee cha awɔr kagbenefuliso nsaa foŋ mbel nɛ bɔrɛlambu to be beshɛbompoana bee juŋkpar kasheŋwora na kikɛ na, nɛ e kpɛa mbe asɔbuuso to kagbenejijaso nseŋ boŋto ŋ kaŋɛ le: “Menyi bedebɔrpo ere!”

2 Kronikɛls 23:16

Bɔrɛmatapo Jehowada daŋ shin nna nɛ mo nɛ ewura Jɔash nɛ basa na wora kɔnɔkoŋwule be ŋkre fanɛ baaŋ baa ji kashenteŋ a sa Enyɛnpe Ebɔrɛ.

2 Kronikɛls 29:10

Naniere bre ma nɛ Enyɛnpe nɛ e la Israɛl be Ebɔrɛ na beeŋ tiŋi ŋkre dra na to. Ashere nɛ n wora loŋ, mbe agbo maaŋ naa wɔ anyi so.

Ɛzra 10:3

To, men shin nɛ an nase kɔnɔ fanɛ anyeeŋ yige loŋ be beche na nseŋ lara bumo nɛ bumo be mbia be asheŋ ashi anyi be asheŋ to nseŋ wora asheŋ fanɛ kananɛ fo nɛ bekama nɛ baa ŋana Ebɔrɛ bee kaa ji anyi asoe to a kaŋɛ na, saŋɛ na so anyeeŋ wora asheŋ m bɛ Ebɔrɛ be mbra na so.

Nehemaya 10:1

Basa nɛ b daŋ yisi enɔ nɛ ŋkre na yili e la Hakalia pibinyɛn Nehemaya nɛ e la gomena na nɛ Zɛdikaya nɛ bɔrɛmatapoana

Nehemaya 5:13

Kumo be kaman nɛ n saŋɛ kreso nɛ n ta n chɛ ma kashɛr to na nseŋ gbaŋgbaŋ kumo to a ŋini fanɛ loŋ nɛ Ebɔrɛ beeŋ gbaŋgbaŋ bekama nɛ b maa bɛ bumo be nnɔ nase so so na. Kumo alɛ be kaman nɛ ŋ kaŋɛ le: “Ebɔrɛ beeŋ sɔ men be ebuana nɛ kusɔ kama nɛ men kɔ, saŋɛ na so, men maa naa kɔ shɛŋ.” Ndoŋ nna nɛ bekama nɛ b daa wɔ ndoŋ na shuli so ŋ kaŋɛ: “Amɛn!” Kumo be kaman nɛ b di Enyɛnpe Ebɔrɛ na epaŋ. Ade kikɛ be kaman nɛ bejuŋkparpoana na bɛ bumo be nnɔ naseso so.

Nehemaya 9:38

Ŋkpal le so an sibɛ ŋkre kpakpaso n nase, nɛ anyi be bejuŋkparpo nɛ Livaiebi nɛ bɔrɛmatapoana shuli so nɛ ŋkre na yili.

Ɛksodɔs 24:3

Mosis ka shi kebee na so m ba nɛ e ba kaŋɛ basa na mmalga nɛ Enyɛnpe Ebɔrɛ malga kikɛ nɛ mbraana nɛ e nase kikɛ. Nɛ basa na kikɛ kpaŋɛ ŋ kaŋɛ le: “Mmalga nɛ Enyɛnpe Ebɔrɛ malga na kikɛ, anyeeŋ bɛ amo so.”

Kaŋinichiŋgeliŋ 8:2

Fo baŋ nase kɔnɔ Ebɔrɛ be anishito fanɛ feeŋ baa nu a sa ewura, kumo ere a daga fanɛ fo baa wora loŋ.

Jɛremaya 34:15

Ama menyi ere daŋ wora kusɔ nɛ k par ma. Men kikɛ daŋ shuli so nna fanɛ menyeeŋ yige men braana Israɛlebi na nseŋ ba yili ma anishi to ashi bɔrɛlambu nɛ menyee shuŋ ma na to n wora kɔnɔkoŋwule be ŋkre.

Jɛremaya 34:8

Ewura Zɛdikaya nɛ Jerusalɛm to be basa na daŋ wora kɔnɔkoŋwule nna ŋ kaŋɛ fanɛ baaŋ yige

Jɛremaya 4:2

kumo ere menyeeŋ tiŋ n ta ma ketre n nase nnɔ. Kumo be kaman nɛ efuliana na be basa e kpaŋ ma nɛ ma alɛ e nɛfa bumo.”

Jɛremaya 50:5

Baaŋ bishi n fin Jerusalɛm be ekpa nseŋ bɔla kumo so m bɛta m ba nɛ ma nɛ bumo e wora kɔnɔkoŋwule be ŋkre nɛ k beeŋ baa wɔtɔ mbaanaayɔ. Bumo alɛ maaŋ naŋ wora n da kumo so ŋko n teŋ kumo so kikɛ.

Ditɛronɔmi 10:12

To, Israɛl be basa, men nu kusɔ nɛ Enyɛnpe menyi be Ebɔrɛ na bee fin menyi kutɔ. Kumo e la fanɛ men bunyaŋ mo nseŋ bɛ mbe mbra kikɛ so nseŋ ta menyi be ŋgbene kikɛ n sha mo nseŋ shuŋ mo,

Ditɛronɔmi 11:13

Amoso men baa wora mbraana nɛ n ta a sa menyi kabre ere kasonu. Men baa sha Enyɛnpe menyi be Ebɔrɛ na nsaa ta menyi be ŋgbene kikɛ a shuŋ mo.

Ditɛronɔmi 13:4

Men baa bɛ Enyɛnpe Ebɔrɛ na so nsaa bunyaŋ mo. Menyi alɛ e baa wora mo nɛ mbe mbraana kasonu nsaa shuŋ mo nseŋ naa ji kashenteŋ a sa mo.

Ditɛronɔmi 29:1

Kananɛ Enyɛnpe Ebɔrɛ na nɛ Israɛlebi na be kɔnɔkoŋwule be ŋkre, nɛ e kaŋɛ Mosis kenishipere so ashi Mowab be kasawule so na, bee nite nde. Le be ŋkre ere gba ti amo nɛ bumo nɛ Enyɛnpe Ebɔrɛ na daŋ kre ashi kebeegboŋ nɛ baa tre Sainai na ase na so nna.

Ditɛronɔmi 4:45

Israɛl be basa na ka lar Ijipt be efuli so m ba fo ketaŋɛ nɛ k dese Jɔɔdan be lɔr na be epeŋilarkpa be kaba so m mata kakpa nɛ baa tre Bɛf Piyɔɔ na, nɛ Mosis ta mbraana ere n sa bumo. Amɔriebi be ewura Sihɔn nɛ e daŋ chena Hɛshbɔn n ji kuwura na be kasawule e daa la kumo. Mosis nɛ Israɛl be basa na daŋ kɔ m pɔɔ mo

Ditɛronɔmi 6:1

“Mbraana nɛ Enyɛnpe menyi be Ebɔrɛ na ta n sa ma fanɛ ŋ ŋini menyi nna na. Men ya kaa wora amo kasonu ashi kasawule nɛ menyee dii Jɔɔdan be lɔr na a yɔ nɛ men ya sɔ n chena so na.

Ditɛronɔmi 6:5

Men baa ta menyi be ŋgbene kikɛ nɛ menyi be ayoyu kikɛ nɛ menyi be eleŋ kikɛ a sha Enyɛnpe menyi be Ebɔrɛ na.

Ditɛronɔmi 8:19

Mee kpele menyi kusoe kabre nna, fanɛ men sa maŋ kaŋ teŋ Enyɛnpe menyi be Ebɔrɛ na so ŋko n ya shuŋ agbir. Nɛ men kaŋ wora loŋ Enyɛnpe Ebɔrɛ na beeŋ mur menyi fanɛ kananɛ e beeŋ mur efuliana nɛ menyeeŋ kɔ kena na.”

Hibruwebi 12:24

Men ba Yesu nɛ e la kɔnɔkoŋwule be ŋkre popɔr be elɔŋɛpo nsaa la esa nɛ b ta mbe ŋklaŋ ŋ ŋmenyaŋ n wurge nɛ ŋklaŋ na bee ji kusɔ nɛ k chɔ Ebel be ŋklaŋ na be asheŋ peya na kutɔ.

Hibruwebi 13:20

Ebɔrɛ bɔla ŋklaŋ nɛ a bee ti kɔnɔkoŋwule be ŋkre nɛ k maŋ kɔ ekar na so n tiŋi an Nyɛnpe Yesu nɛ e la mbolpɔkenipogboŋ nɛ e bee keni mbe mbolpɔ so na ashi luwu to.