2 Bewura 22:19 - EBƆRƐ BE KAWƆL

¹⁹ nseŋ chɛrga mbe nfɛra m bar mbe kumu kaseto ŋ kpɛa mbe asɔbuuso to kagbenejijaso a shu ŋkpal ŋ ka kaŋɛ fanɛ meeŋ gberge Jerusalɛm be basa kusoe n shin nɛ k ki kakpa nɛ basa beeŋ baa lɔ kufu keyɔ nɛ kumo be ketre malɛ e ki kɔnɔsho n sa basa so. N nu mo ere be kabɔrɛkule,

2 Bewura 22:19 ပူးပေါင်းရင်းမြစ်များ

1 Bewura 21:29

“Fo gbagba ere wu kananɛ Ahab bar mbe kumu kaseto n sa ma nna na, amoso, m maaŋ shin nɛ jɛrbi e tu mo ama mo pibi be jemanɛ so nɛ meeŋ shin nɛ jɛrbi e ba mbe kanaŋ kikɛ so.”

2 Bewura 19:20

Ndoŋ nna nɛ Aizaaya ta kubɔya ere n shuŋi n ya sa ewura Hɛzekaya a kaŋɛ mo kusɔ

2 Bewura 20:5

fanɛ e naŋ bɛta n yɔ ewura Hɛzekaya kutɔ n ya kaŋɛ mo le: “Ma, Enyɛnpe, fo nananyɛn ewura Deevid be Ebɔrɛ na, nu fo kabɔrɛkule nseŋ wu fo anishichubi na. Nchɛ asa be kefɛato, meeŋ chɛ fo nseŋ shin nɛ fo naŋ bɛta n yɔ bɔrɛlambu na to.

2 Bewura 22:11

Ewura na ka nu kusɔ nɛ k wɔ mbra be kawɔl na to nɛ e kpɛa mbe asɔbuuso to kagbenejijaso,

2 Kronikɛls 32:26

Ade kikɛ be kaman nɛ ewura Hɛzekaya nɛ Jerusalɛm be basa na bar bumo be amu kaseto nseŋ kule Ebɔrɛ alubi be ketampaŋ nɛ Enyɛnpe Ebɔrɛ ta m paŋ bumo nseŋ maŋ naŋ gberge bumo kusoe n ya fo saŋɛ so nɛ Hɛzekaya wu pɔɛŋ.

2 Kronikɛls 33:12

Ewura Manase ka wɔ kabuti to ashi Babilɔn na nɛ e bar mbe kumu kaseto n sa Enyɛnpe mbe Ebɔrɛ na nseŋ kule mo fanɛ e chɛ mo to.

2 Kronikɛls 33:19

Ewura Manase be kabɔrɛkule nɛ kananɛ Ebɔrɛ nu mbe kekule, nɛ alubi nɛ e wora kikɛ pɔɛŋ nseŋ chɛrga, nɛ nnyamase be agbirana nɛ e shuŋ nɛ mboŋ nɛ e pɔr kegbirche Ashira nɛ agbirana be mpɔrduli, nɛ asheŋ nɛ e wora kikɛ be asheŋ wɔ anebiana be adrasheŋ be nwɔl to.

2 Kronikɛls 33:23

Ammɔn bre daa maŋ chɛrga mbe nfɛra m bar mbe kumu ase n sa Enyɛnpe Ebɔrɛ fanɛ kananɛ mo tuto daŋ wora na. Mo ere be kulubi gba daa chɔ mo tuto peya ga.

2 Kronikɛls 34:27

nseŋ chɛrga fo nfɛra m bar fo kumu kaseto ŋ kpɛa fo asɔbuuso to kagbenejijaso a shu ŋkpal ŋ ka kaŋɛ fanɛ meeŋ gberge Juda be basa kusoe so. N nu fo kabɔrɛkule,

Ɛzra 10:1

Anebi Ɛzra ka wɔ nɛ alubi be ketampaŋ be kabɔrɛkule to nsaa shu ŋkpal bumo be alubi damta nɛ b wora na so na, nɛ Israɛlebi be benyɛn nɛ beche nɛ mbia damta ko ba yili ŋ kulti mo ŋ wɔtɔ a shu kenishipereso.

Nehemaya 1:4

Ŋ ka nu loŋ nɛ n chena n shu nchɛ damta ŋkpal kumo so nseŋ kishi ŋ kule Ebɔrɛ ŋ kaŋɛ le:

Nehemaya 8:9

Basa na ka nu kusɔ nɛ mbra na bee kaŋɛ na nɛ k luri bumo to ga nɛ b fara a shu. Amoso Nehemaya nɛ e daa la gomena na nɛ bɔrɛmatapo Ɛzra nɛ e la mbra na be eŋinipo na nɛ Livaiebi nɛ baa kute mbra na be afito a sa basa na kaŋɛ: “Kabre la kachɛ cheembi nna n sa Enyɛnpe menyi be Ebɔrɛ na. Amoso k maŋ daga fanɛ men baa shu a wora kuwɔr be asheŋ.”

Nshɛ 119:120

Ŋkpal kananɛ fo demuji be mbraana du so, kufu bee pɛ ma nna nɛ mee chicha.

Nshɛ 119:136

Mee kaa shu anishichubi nna, ŋkpal basa ka maa wora fo mbraana kasonu so.

Nshɛ 51:17

Esa be kagbene be kejija mo ga ŋkpal alubi so e naa bɔlɔ fo kenishi.

Nshɛ 51:19

Saŋɛ na so baaŋ lara esarga cheembi nɛ esarga chɔɔso nɛ a bee par fo, nseŋ ta egbolu n lara sarga n sa fo.

Ɛksodɔs 10:3

Ndoŋ nna nɛ Mosis nɛ Ɛɛrɔn naŋ yɔ Fɛɛro kutɔ n ya kaŋɛ mo fanɛ Enyɛnpe Ebɔrɛ, Israɛlebi be Ebɔrɛ na yɛ: “Shin nɛ ma basa e yɔ, saŋɛ na so, baaŋ ya bunyaŋ ma.

Aizaaya 46:12

Menyi, basa nɛ men be ŋgbene du kpakpa, nɛ menyi nɛ kumɔlga barga abar na e nu nfe!

Aizaaya 57:15

Ma e la Enyɛnpe Ebɔrɛ nɛ e wɔ ebɔrɛso nsaa wɔtɔ mbaanaayɔ na. N wɔ kakpa cheembi nɛ k wɔ esoso nna, ama ma alɛ nɛ basa nɛ b bar bumo be amu kaseto nseŋ ta bumo be amu n deŋi ma so na gba e wɔtɔ nɛ m baa chɛ bumo to.

Aizaaya 66:2

Ma e to durnya kikɛ nseŋ shin nɛ kusɔ kikɛ wɔtɔ. Basa nɛ bumo be asheŋ bee par ma nɛ mee keni bumo a bɔlɔ kenishi, e la basa nɛ baa bar bumo be amu kaseto nsaa tuba ashi bumo be alubi to ŋko bumo nɛ baa ŋana ma nsaa wora ma kasonu na.

Aizaaya 66:5

Menyi nɛ menyee ŋana Enyɛnpe Ebɔrɛ nsaa wora mo kasonu na e nu kusɔ nɛ e kaŋɛ. E yɛ: “Ŋkpal men ka bee ji kashenteŋ a sa ma so, menyi gbagba be basa ko kishi menyi nna a maa sha ketu menyi n wora shɛŋ. Baa wora menyi eyurto nna a kaŋɛ le: ‘Men shin nɛ Enyɛnpe Ebɔrɛ na e ŋini mbe eleŋgboŋ nseŋ mɔlga menyi, saŋɛ na so anyeeŋ wu fanɛ menyi be ŋgbene fuli menyi.’ Ama bumo gbagba beeŋ ji anishinyɔr!”

Jɛremaya 13:17

Ama nɛ men kini kenu n sa ma bre, meeŋ kpal menyi be kamoowuso n shu ashiri to. Meeŋ shu kenishipereso nɛ anishichubi a lar ma anishi to ŋkpal b ka beeŋ pɛ menyi nɛ men la Enyɛnpe Ebɔrɛ be basa n yɔ efuli pɔtɛana so fanɛ anya so.

Jɛremaya 14:17

Kumo be kaman nɛ Enyɛnpe Ebɔrɛ na kaŋɛ ma kenishipereso fanɛ n ya kaŋɛ basa na kebɔltofinfin nɛ k wɔ ma to be asheŋ. Ndoŋ nna nɛ n ya kaŋɛ bumo le: “Kapa nɛ kanyɛ, ma anishi maa paŋ anishichubi ŋkpal ma basa be awurfoŋ damta nɛ baa ji na so.

Jɛremaya 26:6

Nɛ men kraŋ kini kewora kasonu, kumo ere meeŋ mur bɔrɛlambu ere fanɛ kananɛ n daŋ mur kade nɛ baa tre Shilo na, nɛ durnya to be efuliana kikɛ so be basa e ta Jerusalɛm be ketre a sho basa kɔnɔ.”

Jɛremaya 36:13

Ndoŋ nna Mikaya kaŋɛ bumo kusɔ kama nɛ e nu Baruk ka kraŋ n sa basa na.

Jɛremaya 36:24

Ama ewura na nɛ mbe benimuana nɛ b nu kawɔl na be kakraŋ na maŋ wora kusɔ ko a ŋini fanɛ kagbene jija bumo ŋko kufu pɛ bumo.

Jɛremaya 44:22

Kabre ŋ ka bee malga ere, menyi be kasawule na dese fuloŋ nɛ esa kikɛ maŋ naa wɔ kumo so. K ki kakpa nɛ kumo be asheŋ bee keta kejijɛ nɛ basa bee ta kumo be ketre a sho basa kɔnɔ ŋkpal Enyɛnpe Ebɔrɛ na ka daa maŋ naŋ nyiti menyi be kumu kpakpaso nɛ asheŋ woraso lubi na so.

Jɛremaya 9:1

N daa yɛlga fanɛ ma kumu beeŋ baa la ketirbu nɛ ma anishi malɛ e baa la kubuye a bul anishichubi, saŋɛ na so meeŋ baa shu kapa nɛ kanyɛ a sa ma basa nɛ b mɔ na.

Ezikɛl 9:4

ŋ kaŋɛ mo le: “Yɔ Jerusalɛm be kadegboŋ na to n ya dulgi bekama nɛ asheŋ bee besa nɛ bumo be ŋgbene jija bumo ŋkpal ekishisheŋ nɛ a bee wora kade na to so na be nsɔto.” Nɛ kanyɛn na lar n yɔ nɛ e ya dulgi bumo.

Maika 6:8

Ayai, Enyɛnpe Ebɔrɛ na teŋ kaŋɛ anyi kusɔ nɛ k walɛ. Kusɔ nɛ e bee fin anyi kutɔ e la, kebaawora asheŋ nɛ amo be ekpa so nɛ kebaa ŋini kasha nsaa kɔ kamubrase a nu a sa mo.

Nɔmbɛs 25:6

Mosis nɛ Israɛlebi na kikɛ ka shɛr Enyɛnpe Ebɔrɛ be wajɛbu na ase a shu na, nɛ Israɛlebi na be eko keta Midian be eche m bɔla bumo be anishito n yɔ mbe wajɛbu to.

Luuk 19:41

Yesu ka ba kaa taga to Jerusalɛm be kade na to nseŋ keni kumo,

Ditɛronɔmi 29:23

Menyi be kasawule na beeŋ ki fanɛ Sodɔm nɛ Gomɔra nɛ Adma nɛ Zeboyim nɛ Enyɛnpe Ebɔrɛ na daŋ nya agbo ga nseŋ mur amo jemanɛ ko na.

Demujipoana 20:26

Ndoŋ nna nɛ Israɛl be basa na kikɛ yɔ Bɛtɛl, kakpa nɛ baa shuŋ Ebɔrɛ na, n ya shu ga a maŋ ji shɛŋ ashi Enyɛnpe Ebɔrɛ be anishito hale nɛ epeŋi ya tɔr. Kaase ka fo nɛ b lara esarga chɔɔso nɛ kɔnɔkoŋwule be esarga n sa Enyɛnpe Ebɔrɛ na a fin mbe nɛfa.

1 Samuɛl 24:5

Kumo be kaman nɛ Deevid be nfɛra fara a tɔrɔ mo ŋkpal e ka wora loŋ so.