2 Bewura 22:11 - EBƆRƐ BE KAWƆL

¹¹ Ewura na ka nu kusɔ nɛ k wɔ mbra be kawɔl na to nɛ e kpɛa mbe asɔbuuso to kagbenejijaso,

2 Bewura 22:11 ပူးပေါင်းရင်းမြစ်များ

Jɛnesis 37:34

Ndoŋ nna nɛ e kpɛa mbe asɔbuuso to nseŋ ta kusɔbuuso ko nɛ kumo be kapɔr du sesaga fanɛ bɔtɛ m buu n ta nchɛ damta n shu mbe kebia na be keeli ga.

2 Bewura 22:10

Kumo be kaman nɛ e naŋ kaŋɛ ewura na le: “Bɔrɛmatapo nimuso Hilkiya e ta kawɔl ere n sa ma.” Kumo be kaman nɛ e kraŋ kumo awɔrso ŋ ŋini ewura na.

2 Bewura 22:19

nseŋ chɛrga mbe nfɛra m bar mbe kumu kaseto ŋ kpɛa mbe asɔbuuso to kagbenejijaso a shu ŋkpal ŋ ka kaŋɛ fanɛ meeŋ gberge Jerusalɛm be basa kusoe n shin nɛ k ki kakpa nɛ basa beeŋ baa lɔ kufu keyɔ nɛ kumo be ketre malɛ e ki kɔnɔsho n sa basa so. N nu mo ere be kabɔrɛkule,

2 Kronikɛls 34:19

Ewura na ka nu kusɔ nɛ k wɔ mbra be kawɔl na to na, nɛ e kpɛa mbe epiŋi to kagbenejijaso,

Nshɛ 119:120

Ŋkpal kananɛ fo demuji be mbraana du so, kufu bee pɛ ma nna nɛ mee chicha.

Aizaaya 66:2

Ma e to durnya kikɛ nseŋ shin nɛ kusɔ kikɛ wɔtɔ. Basa nɛ bumo be asheŋ bee par ma nɛ mee keni bumo a bɔlɔ kenishi, e la basa nɛ baa bar bumo be amu kaseto nsaa tuba ashi bumo be alubi to ŋko bumo nɛ baa ŋana ma nsaa wora ma kasonu na.

Jɛremaya 36:16

E ka kraŋ kumo n loge, nɛ kufu pɛ bumo nɛ b kilgi ŋ keni abar nseŋ kaŋɛ Baruk le: ‘A daga ewura ka nu demu ere!’

Jɛremaya 36:24

Ama ewura na nɛ mbe benimuana nɛ b nu kawɔl na be kakraŋ na maŋ wora kusɔ ko a ŋini fanɛ kagbene jija bumo ŋko kufu pɛ bumo.

Jowɛl 2:13

Men shin nɛ men be kagbenejija na e di efuli ŋ ŋini fanɛ kashenteŋto men be ŋgbene maŋ dese menyi. Men be asɔbuuso be kekpɛa to ere bre maŋ la shɛŋ. Men bɛta m ba Enyɛnpe, men be Ebɔrɛ na kutɔ. E la enyitipo nna, nsaa bɛ mbe nnɔ naseso so. Saŋkikɛ e wora shiriya nna nɛ e ta men be alubi m paŋ menyi nsaa maaŋ gberge menyi kusoe

Eemɔs 2:4

Enyɛnpe Ebɔrɛ yɛ: “Juda be basa wora alubi n ya baŋ so, amoso abaanaaworashɛŋ meeŋ gberge bumo kusoe. B kplaŋ ma keŋini so nseŋ kini kebɛ ma mbra malɛ so. Agbir koŋwule nɛ bumo nananyɛnana daa shuŋ na e fule bumo nɛ b foe ekpa.

Joshuwa 7:6

Nɛ Joshuwa nɛ Israɛlebi be benimu na kikɛ kpɛa bumo be asɔbuuso to kagbenejijaso nseŋ tɔr kasawule ashi Enyɛnpe Ebɔrɛ be ŋkre be deka na ase n dese ndoŋ hale n ya fo kaaseso. B daŋ muu shishɛr gba nna n wurge bumo be amu so a ŋini fanɛ bumo be ŋgbene jija bumo ga.