2 Bewura 21:9 - EBƆRƐ BE KAWƆL

⁹ Ewura Manase daŋ shin nɛ Juda nɛ Jerusalɛm be basa wora alubi a chɔ amo nɛ efuliana nɛ Enyɛnpe Ebɔrɛ ju kasawule na so saŋɛ so nɛ mbe basa daa ba kumo so sososo na daa wora na nna.

2 Bewura 21:9 ပူးပေါင်းရင်းမြစ်များ

1 Bewura 14:16

Enyɛnpe Ebɔrɛ beeŋ kplaŋ Israɛlebi so ŋkpal ewura Jeroboam ka wora kulubi nseŋ shin nɛ Israɛlebi kikɛ wora alubi so.”

2 Bewura 16:3

E daŋ bɛ Israɛl be bewura be kebaawɔtɔ lubi so nna. E daŋ ta mo gbagba pibinyɛn nna n lara sarga chɔɔso n sa agbir. Mo alɛ daa kute basa nɛ b daa wɔ Israɛl be efuli so nɛ Enyɛnpe Ebɔrɛ ju bumo saŋɛ so nɛ Israɛlebi daa ba kasawule na so na to nna.

2 Bewura 21:10

Kachako nɛ Enyɛnpe Ebɔrɛ bɔla mbe nyɛrbi anebiana na so ŋ kaŋɛ le:

2 Kronikɛls 33:9

Ewura Manase daŋ shin nna nɛ Juda nɛ Jerusalɛm be basa wora alubi a chɔ amo nɛ efuliana nɛ Enyɛnpe Ebɔrɛ ju kasawule na so saŋɛ so nɛ mbe basa daa ba kumo so sososo na wora na.

2 Kronikɛls 36:16

Ama b daŋ kplaŋ Enyɛnpe Ebɔrɛ be kamalga so nna nsaa wora mbe mbɔ nɛ e daa shuŋi bumo kutɔ na amɔmɔshiasheŋ nsaa mushe mbe anebiana na, hale nɛ Enyɛnpe Ebɔrɛ be agbo kaa alegaiso nɛ shɛŋ maŋ naa wɔtɔ nɛ k sɔ basa na.

Nehemaya 9:26

Ade kikɛ be kaman b kraŋ lar fo kaman nseŋ kini kewora fo mbra kasonu. B daŋ mɔ fo anebiana nɛ b daŋ kpele bumo kusoe fanɛ b bɛta m ba fo kutɔ na nna. Kumo be kaman nɛ b shoduu fo ketre.

Nshɛ 12:8

Belubiworapo bee feŋ ŋgbene a nite kamoowuso nna; a kpaŋ bumo be asheŋ woraso nsaa keni asɔ nɛ a daga kemaŋkura jiga.

Nshɛ 81:10

Ma e la Enyɛnpe menyi be Ebɔrɛ nɛ e lara menyi ashi Ijipt be efuli so m ba na. Menyi ere e bugi kɔnɔ ŋ kaŋɛ ma kusɔ nɛ menyee sha de, nɛ n wora kumo n sa menyi.

Aŋasa 29:12

Ewura nɛ e bee nu efɛ be beyaasepo bee ki basa lubi nna.

Ezikɛl 11:12

Ndoŋ nɛ menyeeŋ pin fanɛ ma e la Enyɛnpe Ebɔrɛ nɛ men kini k bɛ ma mbraana so nseŋ ya kaa bɛ efuli pɔtɛana nɛ a kulti menyi na be mbraana so na.”

Ezikɛl 16:47

Fo baa maŋ kute bumo be kebaawɔtɔ to nna n wora ekishisheŋ nɛ b wora na nawule, ama fo wora amo nɛ a chɔ bumo peya na gba kuraa.”

Ezikɛl 22:3

Kumo be kaman nɛ fo kaŋɛ bumo kusɔ nɛ, ma, Enyɛnpetale Ebɔrɛ na bee kaŋɛ na fanɛ ŋkpal fo basa ka mɔ fo gbagba to be basa damta nseŋ naŋ ta kagbirshuŋ n jija fo so, fo kasogberge be saŋɛ bee ba.

Ezikɛl 5:6

Ama Jerusalɛm to be basa lar ma kaman nseŋ kini kewora m bɛ ma mbraana nɛ ma atande so. B kplaŋ ma mbraana so nsaa wora alubi a chɔ efuliana nɛ a kulti bumo na gba.

Ezikɛl 5:7

Amoso kusɔ nɛ Enyɛnpe Ebɔrɛ na bee kaŋɛ Jerusalɛm be basa e la fanɛ, men kini kenu m bɛ ma mbraana nɛ ma atande so nseŋ ya ka bɛ efuliana nɛ e kulti menyi na be mbraana so. Men be ŋgbene ki kpakpa a chɔ bumo gba!

Danɛl 9:6

Anyi alɛ naŋ kini kenu n sa anebiana nɛ b la fo nyɛrbi m bɔla fo ketre so m malga n sa anyi be bejuŋkparpoana nɛ bewuraana nɛ an nananyɛnana nɛ anyi be efuli so ebi kikɛ na.

Hoziya 5:11

Israɛl be basa luri tɔrɔ damta to nseŋ paŋ kasawule nɛ k la bumo peya na ŋkpal b ka ya kaa shuŋ agbir so.

Luuk 13:34

O Jerusalɛmebi, Jerusalɛmebi, menyi e naa mɔ anebiana nsaa kpa bumo nɛ Ebɔrɛ shuŋi menyi kutɔ na ajembu a mɔ. Ela afanɛ nɛ n wora ania nɛ n chala menyi abar so fanɛ kananɛ koshi bee koli mbe mbia a wɔtɔ mbe atɛ to na, ama men kini.

Baru lela nɛ Jɔn kute na 15:22

Kumo alɛ nɛ n daa maŋ ba nna m ba malga n sa bumo, b daa maaŋ tɔr alubi be ntaŋ, ama naniere b maaŋ tiŋ n ji n lar.

Jeems 4:17

Fo kama malɛ nɛ fo nyi kusɔ nɛ k daga nsaa maŋ wora kumo, fo wora kulubi nna na.

Kelaraŋŋini 2:20

Ama kusɔ nɛ n wu menyi so e la fanɛ, men sa kache Jɛzebel mo nɛ e bee tre mbe kumu abɔrɛsheŋ be ewuŋkaŋɛpo na ekpa nna nɛ e wɔtɔ a ŋini nsaa shin nɛ ma anya bee luri kesakalea be keji to nseŋ naa shin nɛ baa ji nlɔŋɛjibi.

1 Samuɛl 8:19

Nɛ basa na kini kenu n sa Samuɛl nseŋ kaŋɛ le: “Mm, anyi ere, ewura nɛ anyee sha.