2 Bewura 21:8 - EBƆRƐ BE KAWƆL

⁸ Nɛ ma basa Israɛlebi beeŋ bɛ ma mbra nɛ ma keŋini nɛ ma kayɛrbi Mosis ta n sa bumo dra dra na so bre, kumo ere m maaŋ shin nɛ b ju bumo ashi kasawule nɛ n ta n sa bumo nananyɛnana na so.”

2 Bewura 21:8 ပူးပေါင်းရင်းမြစ်များ

2 Samuɛl 7:10

N sa ma basa Israɛlebi bumo gbagba be kakpa nɛ b chena, saŋɛ na so, shɛŋ shɛŋ maaŋ naŋ tɔrɔ bumo. Baŋ yili saŋɛ so nɛ b ba chena kasawule ere so kikɛ, basa lubi maŋ yige bumo ama loŋ maaŋ naŋ wora kikɛ.

1 Kronikɛls 17:9

N sa ma basa Israɛlebi bumo gbagba be kakpa nɛ baaŋ chena nɛ basa lubi maaŋ naŋ mɛaŋ bumo. Baŋ yili saŋɛ nɛ b ba chena kasawule ere so nɛ saŋɛ nɛ n sa bumo bejuŋkparpo na kikɛ, basa lubi maŋ yige bumo, ama loŋ maaŋ naŋ wora kikɛ. Ŋkpal manɛ so, meeŋ pɔɔ fo doŋana so n sa fo nseŋ shin nɛ fo kaman to ebi e baa ji kuwura.

2 Kronikɛls 33:8

Nɛ ma basa Israɛlebi beeŋ bɛ ma mbra nɛ ma keŋini nɛ ma kayɛrbi Mosis ta n sa bumo dra dra na so bre, kumo ere maaŋ shin nɛ b ju bumo ashi kasawule nɛ n ta n sa bumo nananyɛnana na so.”

Nshɛ 37:3

Yirda Enyɛnpe Ebɔrɛ na, nsaa wora alelasheŋ. Saŋɛ na so feeŋ chena kasawule ere so n nya kekuŋ.

Aizaaya 1:19

Nɛ menyeeŋ baa wora ma kasonu bre, menyeeŋ baa nya asɔ lela kasawule ere so a ji.

Jɛremaya 7:23

N daŋ kaŋɛ bumo nna fanɛ b baa wora ma kasonu, saŋɛ na so meeŋ baa la bumo be Ebɔrɛ nɛ bumo alɛ e baa la ma basa. N daŋ kaŋɛ bumo nna fanɛ b baa wɔ kebaawɔtɔ nɛ n yili n sa bumo na to, saŋɛ na so asheŋ beeŋ baa nite nɛnɛ a sa bumo.