2 Bewura 21:7 - EBƆRƐ BE KAWƆL

⁷ E daŋ ta kegbirche Ashira be kapɔrduli nna n yili bɔrɛlambu nɛ Ebɔrɛ malga kumo be asheŋ n sa ewura Deevid nɛ mo pibinyɛn ewura Sɔlɔmɔn na to. Ebɔrɛ yɛ: “Bɔrɛlambu ere ashi Jerusalɛm nɛ n lara ashi Israɛl be efuli so kikɛ fanɛ b baa bunyaŋ ma kumo to mbaanaayɔ.

2 Bewura 21:7 ပူးပေါင်းရင်းမြစ်များ

2 Samuɛl 7:13

Mo e naŋ pɔr ma bɔrɛlambu n sa ma. Mo alɛ be kuwurji maaŋ loge kikɛ.

1 Bewura 8:29

Baa keni bɔrɛlambu ere so kapa nɛ kanyɛ. Fo nase kɔnɔ n sa ma fanɛ ndoŋ nɛ baaŋ baa bunyaŋ fo. Amoso saŋkama nɛ m baŋ kilgi anishito n shoŋi bɔrɛlambu ere ŋ kule fo, fo nu n sa ma.

1 Bewura 8:44

Fo kaŋ kaŋɛ fo basa kenishipereso fanɛ b ya kɔ bumo doŋana kena nɛ b yili kaplɛkama ŋ kilgi bumo be anishito n shoŋi kade nɛ fo lara ere nɛ bɔrɛlambu nɛ m pɔr n sa fo ere ŋ kule fo,

1 Bewura 9:3

ŋ kaŋɛ mo le: “N nu fo kabɔrɛkule nseŋ shuli fanɛ bɔrɛlambu ere to nɛ baaŋ baa bunyaŋ ma mbaanaayɔ. Ma alɛ beeŋ baa kuŋ kumo saŋkikɛ.

1 Bewura 9:7

kumo ere meeŋ lara ma basa Israɛlebi ashi kasawule nɛ n ta n sa bumo ere so, nseŋ lar bɔrɛlambu nɛ n nɛfa ŋ kaŋɛ fanɛ meeŋ baa wɔ ndoŋ nɛ b baa bunyaŋ ma na to. Saŋɛ na so basa kikɛ beeŋ ba fɛl Israɛlebi nsaa keni bumo jiga.

2 Bewura 16:11

Ndoŋ nna nɛ Uriya pɔr bɔrɛsure na be kaduli gbagba n loge pɔɛŋ nɛ Ahaz bɛta m ba.

2 Bewura 21:4

E daŋ pɔr agbir be ebɔrɛsure ashi bɔrɛlambu nɛ Enyɛnpe Ebɔrɛ kaŋɛ fanɛ ndoŋ nɛ baaŋ baa shuŋ mo mbaanaayɔ na to nna.

2 Bewura 23:27

Amoso le nɛ Enyɛnpe Ebɔrɛ na daŋ kaŋɛ: “Meeŋ wora Juda gba kusɔ nɛ n wora Israɛl na. Meeŋ ju Juda be basa ashi ma anishito nseŋ kini Jerusalɛm nɛ k la ma kade na nɛ bɔrɛlambu nɛ baa bunyaŋ ma kumo to ere.”

2 Bewura 23:4

Ewura Josaya daŋ shin nna nɛ bɔrɛmatapo nimuso Hilkiya nɛ bɔrɛmatapoana nɛ b bɛ mbe kaman na nɛ bekumpo nɛ baa kuŋ bɔrɛlambu na be kabuna na lara asɔ nɛ b kɔ a shuŋ Baal be kegbir na nɛ kegbirche Ashira nɛ achɛkpabi na ashi bɔrɛlambu na to. E daŋ shin nna nɛ b ta asɔ na kikɛ n lar kade na be ekarso a mata Kidrɔn be ketaŋɛ na ase n ya chɔɔ amo nseŋ ta amo be nsunɔ n yɔ Bɛtɛl.

2 Bewura 23:6

E daŋ lara kegbirche Ashira be kapɔrduli na Enyɛnpe Ebɔrɛ be bɔrɛlambu na to nna n ta kumo n lar kade na to yɔ Kidrɔn be ketaŋɛ na to n ya chɔɔ kumo nseŋ bɛa kumo to nɛ k ki fanɛ nyifu nɛ e ta amo n lɛ basa be nchaŋana so.

2 Kronikɛls 33:15

E daŋ lara efuli pɔtɛana so be agbirana nɛ kegbir be kapɔrduli nɛ e daŋ ta n yili bɔrɛsure na ase na nna ashi bɔrɛlambu na to. Nseŋ lara agbir be ebɔrɛsureana nɛ e pɔr n yili kebee nɛ b pɔr bɔrɛlambu na n yili so na nɛ Jerusalɛm be kade to kikɛ, n ta amo kikɛ n lar kade na be ekarso n ya lɛ.

2 Kronikɛls 33:7

E daŋ ta kegbir be kapɔrduli nna n yili bɔrɛlambu nɛ Ebɔrɛ kaŋɛ kumo be asheŋ le n sa ewura Deevid nɛ mo pibinyɛn ewura Sɔlɔmɔn na to. E yɛ: “Bɔrɛlambu ere to ashi Jerusalɛm nɛ n lara ashi Israɛl be efuli so kikɛ fanɛ b baa bunyaŋ ma kumo to mbaanaayɔ.

2 Kronikɛls 6:6

Naniere bre Jerusalɛm nɛ n lara fanɛ k baa la kade nɛ baaŋ baa bunyaŋ ma kumo to, nɛ fo alɛ Deevid e baa juŋkpar ma basa.”

2 Kronikɛls 7:12

nɛ Enyɛnpe Ebɔrɛ lara mbe kumu ŋ ŋini mo edare to kanyɛso nseŋ kaŋɛ mo le: “N nu fo kabɔrɛkule nseŋ shuli fanɛ bɔrɛlambu ere to nɛ baaŋ baa lara esarga a sa ma.

2 Kronikɛls 7:16

ŋkpal manɛ so k la meya nna. Baaŋ baa shuŋ ma ndoŋ hale mbaanaayɔ, ma alɛ maaŋ yige kumo be kekeni so kikɛ.

2 Kronikɛls 7:20

kumo ere meeŋ lara menyi ashi kasawule nɛ n ta n sa menyi ere so nseŋ lar bɔrɛlambu nɛ n nɛfa ŋ kaŋɛ fanɛ meeŋ baa wɔ ndoŋ nɛ men baa bunyaŋ ma na to nɛ basa kikɛ e ta kumo fanɛ epel be kakpa nsaa keni kumo jiga.

Nehemaya 1:9

Ama nɛ fanɛ an bɛta m ba fo kutɔ nseŋ wora kusɔ nɛ fo nase n sa anyi na bre, hale nɛ an pesaŋ to n sɔ durnya ere be efuli kikɛ so gba, feeŋ naŋ bɛta anyi m ba kakpa nɛ fo daŋ yili kumo fanɛ an baa shuŋ fo na.

Nshɛ 74:2

Baa nyiŋi fo basa nɛ fo lara n sa fo kumu dra dra kikɛ na. Basa nɛ fo lara kenyaya to na; yiri nɛ fo lara fanɛ fo gbagba be basa na. Baa nyiŋi Zayɔn be kebee nɛ b daa wɔ kumo so na gba.

Nshɛ 78:58

B daŋ pɔr agbirana nna n yili agurɔŋgu so a shuŋ; n shin nɛ Ebɔrɛ be kukɔrkɔ koso nɛ e nya agbo ga.

Jɛremaya 32:34

B ta bumo be agbirana nɛ ŋ kishi amo be asheŋ ga na nna n yili ma bɔrɛlambu nɛ k daga fanɛ b baa shuŋ ma kumo to na to, n shin nɛ k wora eyurpi daŋkare be ekpa so.

Jɛremaya 7:30

Juda be basa wora kulubi ko. B ta agbirana nɛ ŋ kishi amo be asheŋ m ba ma bɔrɛlambu to nɛ k wora eyurpi daŋkare be ekpa so.

Ezikɛl 23:38

B daŋ naŋ keni ma bɔrɛlambu na nɛ ma kewushiachɛ nɛ n yili na jiga nna a maŋ sa amo bunyaŋ.

Ditɛronɔmi 16:21

Kumo be kaman nɛ men baŋ pɔr Enyɛnpe menyi be Ebɔrɛ na be bɔrɛsure, men sa maŋ kaŋ yuu kedibi tenteŋ nɛ k yili n sa kegbir cheso nɛ baa tre ‘Ashira’ na kumo ase.