2 Bewura 20:5 - EBƆRƐ BE KAWƆL

⁵ fanɛ e naŋ bɛta n yɔ ewura Hɛzekaya kutɔ n ya kaŋɛ mo le: “Ma, Enyɛnpe, fo nananyɛn ewura Deevid be Ebɔrɛ na, nu fo kabɔrɛkule nseŋ wu fo anishichubi na. Nchɛ asa be kefɛato, meeŋ chɛ fo nseŋ shin nɛ fo naŋ bɛta n yɔ bɔrɛlambu na to.

2 Bewura 20:5 ပူးပေါင်းရင်းမြစ်များ

2 Samuɛl 5:2

Dra kikɛ, hale saŋɛ so nɛ Sɔɔl daa la anyi be ewura na gba, fo e naa juŋkpar Israɛlebi a yɔ kena to. Enyɛnpe Ebɔrɛ na e yili kumo fanɛ, fo e naŋ ki anyi be ejuŋkparpo nɛ ewura, a keni anyi so fanɛ kananɛ mbolpɔkpapo bee keni mbe mbolpɔ so na.”

1 Bewura 9:3

ŋ kaŋɛ mo le: “N nu fo kabɔrɛkule nseŋ shuli fanɛ bɔrɛlambu ere to nɛ baaŋ baa bunyaŋ ma mbaanaayɔ. Ma alɛ beeŋ baa kuŋ kumo saŋkikɛ.

2 Bewura 19:20

Ndoŋ nna nɛ Aizaaya ta kubɔya ere n shuŋi n ya sa ewura Hɛzekaya a kaŋɛ mo kusɔ

2 Bewura 20:4

Anebi Aizaaya ka lar ewura na be laŋ to a yɔ, nɛ a ka gbrɛbi nɛ e choŋ ewurkpa be kelɔnɛ na so na, nɛ Enyɛnpe Ebɔrɛ kaŋɛ mo

2 Bewura 22:19

nseŋ chɛrga mbe nfɛra m bar mbe kumu kaseto ŋ kpɛa mbe asɔbuuso to kagbenejijaso a shu ŋkpal ŋ ka kaŋɛ fanɛ meeŋ gberge Jerusalɛm be basa kusoe n shin nɛ k ki kakpa nɛ basa beeŋ baa lɔ kufu keyɔ nɛ kumo be ketre malɛ e ki kɔnɔsho n sa basa so. N nu mo ere be kabɔrɛkule,

2 Kronikɛls 13:12

Ebɔrɛ gbagba e la anyi be ejuŋkparpo nɛ mbe bɔrɛmatapoana malɛ wora shiriya nɛ b foŋ bumo be mbel n tre anyi nɛ anyi nɛ menyi e kɔ kena. Israɛlebi, men sa maŋ kaŋ kɔ an nananyɛnana be Ebɔrɛ na kena ŋkpal manɛ so menyi maaŋ pɔɔ so kikɛ!”

2 Kronikɛls 34:3

Josaya ka ji kuwura be kafɛ burwasopo to, jemanɛ nɛ e kra la kabrantiɛfɔlbi na, nɛ e fara a bunyaŋ mo nananyɛn ewura Deevid be Ebɔrɛ na. Mbe kuwurji be kafɛ kuduanyɔsopo to, nɛ e fara a jija mboŋ nɛ nnyamase bee shuŋ bumo be agbir, nɛ kegbirche Ashira be mpɔrduli nɛ agbir nɛ b shɛl, nɛ amo nɛ b ŋalga asɔ n wora na kikɛ ashi Juda be efuli so nɛ Jerusalɛm to.

Nshɛ 107:20

Mo gbagba be kamalga be eleŋ to nɛ e daŋ bɔla so n chɛ menyi to, m mɔlga menyi ashi kemur to.

Nshɛ 119:26

Ŋ ka kaŋɛ fo ma etɔrɔbi kikɛ na, fo nu ma kabɔrɛkule nna. Naniere ŋini ma fo atande.

Nshɛ 126:5

Shin nɛ bekama nɛ baa gben a du asɔduu so na, e teŋi amo nɛ kagbenefuli nseŋ ji eyur.

Nshɛ 147:3

Mo e naa ti kagbenejijawuraana kagbene nsaa chɛ bumo be alɔana.

Nshɛ 34:18

Enyɛnpe Ebɔrɛ na taga basa nɛ bumo be aba pɔ bumo na to nna. E bee mɔlga bekama nɛ b maŋ naa kɔ tama na nna.

Nshɛ 39:12

Enyɛnpe Ebɔrɛ, jande, nu ma kekule. Nu ma kushu nseŋ chɛ ma to. Anishichubi e bɔlɔ ma anishi kikɛ to. N du fanɛ efɔ nna ashi fo kutɔ, fanɛ kananɛ n nananyɛnana daa la befɔ na.

Nshɛ 56:8

Awurfoŋ nɛ mee ji kikɛ be asheŋ bɔɔ fo enɔ nna, nɛ fo nyi ma anishichubi nɛ a lar be asheŋ. Amo kikɛ maŋ belaŋ fo so.

Nshɛ 56:9

Saŋkama nɛ m baŋ kule fo ndoŋana bee bɛta kaman nna. Kumo be loŋ e shin nɛ m pin fanɛ fo wɔ ma kutɔ.

Nshɛ 6:10

Anishinyɔr beeŋ pɛ ma doŋana kikɛ nɛ kufu e pɛ bumo ga nɛ b wulto, nseŋ pal kaman n ta nyɔmɔ n shile n yɔ.

Nshɛ 65:2

Ekama beeŋ ba fo kutɔ ŋkpal fo ka bee nu kekule so.

Nshɛ 65:3

Anyi be alubi pɔɔ anyi so, nɛ fo ta anyi be aworandeso m paŋ anyi.

Ɛksodɔs 15:26

nseŋ ŋini bumo ŋ kaŋɛ le: “Men baŋ bugi asoe nɛnɛ n nu ma, men Nyɛnpe Ebɔrɛ na be ebɔl nseŋ wora kusɔ nɛ k niŋi ashi ma anishito, nseŋ bɛ ma mbraana so bre, menyeeŋ baa kɔ eleŋ. Ma alɛ maaŋ ta alɔ wurbi be aleblawu nɛ n daŋ ta n lɛ ljiptebi so na n lɛ menyi so.”

Ɛksodɔs 3:7

Ndoŋ nna nɛ Enyɛnpe Ebɔrɛ kaŋɛ mo le: “N wu tɔrɔ mo nɛ ma basa bee ji ashi Ijipt be efuli so, ma alɛ nseŋ naŋ nu b ka bee shu ŋkpal awurfoŋ nɛ baa ji ashi anyakenipoana be enɔ to na so. Bumo be asheŋ tir ma ga.

Ɛksodɔs 3:9

N nu ma basa Israɛlebi be kushu kashenteŋto, ma alɛ nseŋ naŋ wu kananɛ Ijiptebi bee tɔrɔ bumo.

Aizaaya 19:22

Enyɛnpe Ebɔrɛ na kaŋ gberge Ijiptebi na kusoe n loge, baaŋ bɛta m ba mo kutɔ. Kumo be kaman nɛ e nu bumo be kabɔrɛkule nseŋ shin nɛ Ijiptebi na e nya kechɛ.

Aizaaya 38:22

Kumo be kaman nɛ ewura Hɛzekaya bishi le: “Manɛ e naaŋ ŋini fanɛ meeŋ naaŋ tiŋ n yɔ Enyɛnpe Ebɔrɛ be bɔrɛlambu to n ya shuŋ mo?”

Aizaaya 38:5

fanɛ e naŋ bɛta n yɔ ewura Hɛzekaya kutɔ n ya kaŋɛ mo le: “Ma, Enyɛnpe, fo nananyɛn ewura Deevid be Ebɔrɛ na, nu fo kabɔrɛkule nseŋ wu fo anishichubi na. Meeŋ naŋ shin nɛ fo naŋ ji nfɛ kuduanu n ti so.

Aizaaya 55:3

Ma basa, men nu n sa ma nseŋ ba ma kutɔ. Men ba ma kutɔ nseŋ nya ŋkpa! Ma nɛ menyi beeŋ kre kɔnɔkoŋwule be ŋkre nɛ k wɔtɔ mbaanaayɔ, saŋɛ na so meeŋ sa menyi enɛfa nɛ n nase amo be kɔnɔ n sa Ewura Deevid na.

Matiu 22:32

Ebɔrɛ yɛ: ‘Ma e la Eebraham be Ebɔrɛ nɛ Aizek be Ebɔrɛ nɛ Jeekɔb be Ebɔrɛ.’ Ebɔrɛ maŋ la bubuni be Ebɔrɛ. E la basa nɛ b wɔ ŋkpa to be Ebɔrɛ nna.”

Luuk 1:13

Nɛ malaika na kaŋɛ mo: “Zakareya, sa maa lɔ kufu. Ebɔrɛ nu fo kekule na, amoso, fo eche Elizabɛt beeŋ kurge fo ebinyɛn nɛ men nase mo ketre Jɔn.

Luuk 18:10

E yɛ: “Basa anyɔ ko daŋ yɔ bɔrɛlambu to nɛ b ya kule Ebɔrɛ. Eko daa la Farisi nna nɛ eko malɛ la lamposɔpo.

Baru lela nɛ Jɔn kute na 5:14

Saŋko ba choŋ nna pɔɛŋ nɛ Yesu ya wu mo bɔrɛlambu na to be kelɔnɛ so nseŋ kaŋɛ mo le: “Keni, fo naŋ nya alenfia nna na, yige alubi be kebaawora. Nɛ mannɛ aloŋ, kusɔ nɛ k lubi a chɔ fo kulɔ na beeŋ nya fo.”

Ditɛronɔmi 32:39

N nawule kpeŋ e la Ebɔrɛ. Ebɔrɛ kikɛ maŋ naa wɔtɔ n ti ma so. Ma e naa shin nɛ luwu bee ba, ma koŋwule na e naa sa ŋkpa. Ma e naa bar doro, ma alɛ e naa chɛ edoro. Esa maaŋ tiŋ ŋ kuŋ kusɔ kama nɛ mee wora akpa.

Hibruwebi 2:10

Kumo alɛ baŋ fuli nna a dese fanɛ Ebɔrɛ nɛ asɔ kikɛ wɔtɔ ŋkpal mo so nseŋ naa wɔtɔ a sa mo na e shin nɛ Yesu bɔla awurfoŋ to ŋ ki esa cheembi, saŋɛ na so emo nɛ e yɛr bumo kumɔlga to na beeŋ bar basa damta nɛ b ba tu mo a ji mbe kemaŋkura be ebel na be ako.

Kelaraŋŋini 7:17

Ŋkpal manɛ so, Kpakpafɔlbi nɛ e wɔ kuwurputi na be nferinto na e naaŋ ki bumo be ekpapo n yɛr bumo mboŋ nɛ ŋkpa be nchuana bee bul nɛ Ebɔrɛ malɛ e kpra anishichubi kikɛ ashi bumo be anishiana to.”

1 Samuɛl 10:1

Ndoŋ nna nɛ Samuɛl ta ɔlif be ŋku kɔlbabi to n chulgi n wurge Sɔɔl be kumu so nseŋ chɔrɔ mo fanɛ kananɛ baa chɔrɔ ewura na ŋ kaŋɛ le: “Enyɛnpe Ebɔrɛ na e lara fo fanɛ mbe basa Israɛlebi be ejuŋkparpo. Feeŋ baa juŋkpar mbe basa a kuŋ bumo ashi bumo doŋana kikɛ kutɔ. Kusɔ nɛ ŋ kaŋɛ ere be tɔɔnɛ nɛ feeŋ wu nde:

1 Samuɛl 9:16

“N wu kananɛ ma basa bee ji awurfoŋ. Ma alɛ nu bumo be kushu nɛ baa shu a fin kechɛto na. Echefo saŋɛ ere so gbagba, meeŋ shuŋi esa ko nɛ e shi Bɛnjamin be kanaŋ to nɛ fo duga ŋku n do mbe kumu so n lara mo ŋ ki Israɛl be ejuŋkparpo. Mo e naaŋ mɔlga bumo ashi Filistiebi na be enɔ to.”