2 Bewura 20:3 - EBƆRƐ BE KAWƆL

³ “Enyɛnpe Ebɔrɛ, baa nyiŋi kananɛ n shuŋ fo kashenteŋto nɛ kagbene koŋwule so. Ma alɛ wora ania fanɛ meeŋ wora kusɔ kama nɛ fee sha fanɛ n wora.” Kumo be kaman nɛ e shu ga.

2 Bewura 20:3 ပူးပေါင်းရင်းမြစ်များ

Jɛnesis 17:1

Eebram be nfɛ adekpanu nɛ akpanu be saŋɛ nɛ Enyɛnpe lar mo so ŋ kaŋɛ mo le: “Ma e la Enyɛnpetale na. Wora ma kasonu a bɛ ma ekpaana so nsaa la esa nɛ e maŋ kɔ amoso basa be anishito.

Jɛnesis 5:22

B ka kurge Mɛtusela be kaman nɛ Inɔk nɛ Ebɔrɛ luri kɔnɔkoŋwule be kebaawɔtɔ to n ji keteri nfɛ alfa asa. Kumo be jemanɛ so nɛ mo nɛ mbe eche naŋ kurge bibinyɛn nɛ becheso ko n ti mo so.

Jɛnesis 5:24

Inɔk nɛ Ebɔrɛ daa ji keteri nna loŋ m ba fo saŋko nɛ Ebɔrɛ ta mo n yɔ ebɔrɛso nɛ e maŋ wu.

Jɛnesis 8:1

Saŋɛ nɛ kuloŋgboŋ na daa deŋ nchu na so na Ebɔrɛ daa maŋ teŋ Nowa nɛ asɔbɔya nɛ b wɔ kuloŋgboŋ na to na so kikɛ. E daŋ shin nna nɛ afu fara a chela kasawule so nɛ nchu na fara a gberge.

1 Bewura 11:4

Ewura Sɔlɔmɔn ka bel nɛ mbe beche na yɛr mo kagbirshuŋ to nɛ e daa maŋ naa ji kashenteŋ a sa Enyɛnpe mbe Ebɔrɛ na fanɛ kananɛ mo tuto ewura Deevid daŋ wora na.

1 Bewura 15:14

Kashenteŋ nna fanɛ ewura Asa daa maŋ tiŋ m mur agbir nɛ mboŋ nɛ baa shuŋ amo na ashi Israɛl be kasawule so kikɛ, ama e daŋ ji kashenteŋ nna n sa Enyɛnpe Ebɔrɛ na mbe ŋkpa to kikɛ.

1 Bewura 2:4

Fo nɛ fo kaman to ebi kikɛ baa nu a sa Enyɛnpe Ebɔrɛ na kashenteŋto nɛnɛ bre, mbe kɔnɔ kpakpaso nɛ e nase n sa ma fanɛ ma kanaŋ to be esa e naaŋ baa ji Israɛl be kuwura saŋkikɛ na, beeŋ bɔlɔ so.

1 Bewura 3:6

Nɛ ewura Sɔlɔmɔn kaŋɛ Enyɛnpe Ebɔrɛ le: “Fo kasha nɛ fo kɔ n sa fo kayɛrbi, n tuto Ewura Deevid na maa chɛrga kikɛ. Mo alɛ daa la esa lela nna nsaa ji kashenteŋ a sa fo. Naniere fo shin nɛ mbe kebia yili mbe katelamu to ŋ ki ewura.

1 Bewura 8:23

Enyɛnpe nɛ fo la Israɛl be Ebɔrɛ na, ashi esoso nɛ kasawule kikɛ, Ebɔrɛ kikɛ maŋ naa wɔtɔ fanɛ fo. Fo maa teŋ ŋkre nɛ fo nɛ fo basa nase n sa abar na so kikɛ. Fo alɛ bee ŋini bumo fo kasha saŋɛ nɛ b ta bumo be ŋgbene kikɛ a wora kasonu a sa fo na nna.

1 Bewura 8:61

Men ta men be ŋgbene kikɛ a bɛ Enyɛnpe men be Ebɔrɛ na be mbra so fanɛ kananɛ menyee wora kabre ere.”

1 Bewura 9:4

Nɛ feeŋ baa kɔ kasonu n sa ma nsaa ji kashenteŋ fanɛ kananɛ fo tuto ewura Deevid daa du na, nsaa bɛ ma mbra nɛ ma keŋini so bre,

2 Bewura 20:2

Ewura Hɛzekaya ka nu loŋ, nɛ e kilgi mbe anishito n shoŋi egbal nseŋ kule Ebɔrɛ ŋ kaŋɛ:

2 Bewura 20:4

Anebi Aizaaya ka lar ewura na be laŋ to a yɔ, nɛ a ka gbrɛbi nɛ e choŋ ewurkpa be kelɔnɛ na so na, nɛ Enyɛnpe Ebɔrɛ kaŋɛ mo

2 Kronikɛls 16:9

Enyɛnpe Ebɔrɛ na nyi kusɔ nɛ durnya to ebi kikɛ bee wora, nsaa sa bekama nɛ b kɔ kasonu a sa mo na eleŋ. Ama ŋkpal fo ka wora kawulisheŋ so, yili kabre a yɔ, feeŋ baa kɔ kena nna saŋkama.”

Nehemaya 13:14

Ma, Nehemaya bee kule Ebɔrɛ nna fanɛ e nyiŋi ma ŋkpal asɔ lela nɛ mee wora a sa bɔrɛlambu ere nɛ basa nɛ baa bunyaŋ mo kumo to na so.

Nehemaya 13:22

Kumo be kaman nɛ ŋ kaŋɛ Livaiebi na fanɛ b baa wora bumo be amu cheembi nsaa kuŋ Jerusalɛm be kadegboŋ na be mbuna na Kewushiachɛ kikɛ, saŋɛ na so basa beeŋ ta kumo ŋ ki kachɛ cheembi nsaa sa kumo bunyaŋ. Ebɔrɛ la ewɔrwupo nna, mee kule mo fanɛ e wu ma kuwɔr nseŋ nɛfa ma ŋkpal kusɔ nɛ mee wora ere so.

Nehemaya 13:31

Ma alɛ daŋ naŋ yili kumo nna fanɛ basa na beeŋ baa bar ndibi puga edɛ bɔrɛsure na ase karechɛ kikɛ nseŋ naa bar bumo be adɔjibi nɛ baaŋ teŋi sososo na bɔrɛlambu na to. Mee kule Ebɔrɛ nna fanɛ e nɛfa ma ŋkpal asɔ lela nɛ mee wora ere so.

Nehemaya 5:19

O Ebɔrɛ, mee kule fo nna nɛ fo nyiŋi kusɔ nɛ n wora n sa basa ere nseŋ nɛfa ma.

Job be kawɔl 1:1

Kanyɛn ko e daa wɔ Uz be kasawule so nɛ baa tre mo Job. Job daa la esa nɛ esa kikɛ maŋ tiŋ n wu mo kulubi nna. E daa la esa nɛ e bee bunyaŋ Ebɔrɛ nseŋ kishi kulubi be kewora nna.

Job be kawɔl 1:8

Kumo be kaman nɛ Enyɛnpe Ebɔrɛ na naŋ bishi Setani le: “Manɛ nɛ fee fɛ a laŋɛ ma kayɛrbi Job be kaplɛa so? Durnya kikɛ to, esa kikɛ maŋ du fanɛ mo. Ŋkpal manɛ so, e la esa nɛ esa maaŋ tiŋ n wu mo kulubi nna. Mo alɛ bee bunyaŋ Ebɔrɛ nseŋ kishi kulubi be kewora nna.”

Job be kawɔl 16:20

N nekpaana bre kini ma nna n lɛ, ama Ebɔrɛ nɛ mee shu a ŋini.

Job be kawɔl 4:6

Fo la esa nɛ e bee shuŋ Ebɔrɛ a wɔ kebaawɔtɔ niŋiso to nna, amoso nya kagbene nsaa maŋ paŋ tama!

Nshɛ 102:9

Ŋkpal fo ka nya agbo ga nseŋ ta ma n lɛ so, nsunɔ e ki ma ajibi jiso, nɛ anishichubi malɛ ki ma nchu nuuso.

Nshɛ 119:26

Ŋ ka kaŋɛ fo ma etɔrɔbi kikɛ na, fo nu ma kabɔrɛkule nna. Naniere ŋini ma fo atande.

Nshɛ 119:49

Baa nyiŋi kɔnɔ nɛ fo nase n sa ma, fo kayɛrbi na; ŋkpal manɛ so, ma tama deŋ kumo so nna.

Nshɛ 145:18

E wɔ bekama nɛ baa tre mo kagbene koŋwule so na kutɔ nna.

Nshɛ 25:7

Ta ma kebiato be alubi nɛ kusoe kpakpaso be asheŋ woraso m paŋ ma, nseŋ nyiŋi ma ŋkpal fo kasha nɛ fo alelasheŋ so.

Nshɛ 26:1

Enyɛnpe shin nɛ n ji n lar; ŋkpal manɛ so, ma kebaawɔtɔ maŋ kɔ mpulɔ kikɛ. Ma yirda kikɛ deŋ fo so nna, ma alɛ maa wora shikashika kikɛ.

Nshɛ 26:3

M maaŋ teŋ fo kasha nɛ k maa loge na so kikɛ. Fo kashenteŋji e naa juŋkpar ma saŋkikɛ.

Nshɛ 32:2

Kagbenefuli la esa nɛ Enyɛnpe Ebɔrɛ maŋ naa nyiŋi mbe alubi na peya nna. Mo e maŋ ta kulubi kikɛ ŋ ŋana mbe kagbene to na.

Nshɛ 39:13

Sa maŋ naŋ nya agbo n wɔtɔ ma, saŋɛ na so meeŋ nya kagbenefuli gbrɛbi pɔɛŋ nseŋ lar durnya ere to.

Nshɛ 6:6

Kebɔltofinfin e naa mɔ ma. Kanyɛso kikɛ, ma anishichubi bee pɔ ma gedo nɛ kaputi nna.

Nshɛ 6:7

N doŋana shin nɛ kagbenejija pɛ ma, nɛ n shu nɛ ma anishi puŋi a maŋ naa wu nɛnɛ.

Nshɛ 89:47

Baa nyiŋi fanɛ ma ŋkpa maŋ wɔ nteŋ. Fo to anyi nna nɛ an baa wɔ ŋkpa to gbrɛbi nseŋ wu!

Nshɛ 89:50

Enyɛnpe Ebɔrɛ baa nyiŋi kananɛ basa tege ma nseŋ wora fo kayɛrbi eyurto, nɛ n ta amo kikɛ n wɔtɔ kagbene to na be asheŋ.

Aizaaya 38:14

N daa shu nna fanɛ kabɔrɛpɔpɔbi, nseŋ daa naa shu kuwɔr so fanɛ lepɔ na. N daŋ dese nna a keni fo Enyɛnpe Ebɔrɛ na anishito, hale nɛ ma anishi gben, a maŋ naa wu nɛnɛ. Jande, Enyɛnpe Ebɔrɛ, mɔlga ma ashi etɔrɔ ere kikɛ to.

Aizaaya 63:11

Ama Enyɛnpe Ebɔrɛ na be basa naŋ nyiŋi asheŋ nɛ e wora bumo nananyɛn Mosis be jemanɛ nseŋ bishi le: “Nnɛ nɛ Enyɛnpe Ebɔrɛ nɛ e daŋ mɔlga mbe basa be bejuŋkparpoana ashi teku peper na to dra dra na wɔ? Nnɛ nɛ Ebɔrɛ nɛ e ta mbe Kiyoyu n sa Mosis na wɔ?

Jɛremaya 4:2

kumo ere menyeeŋ tiŋ n ta ma ketre n nase nnɔ. Kumo be kaman nɛ efuliana na be basa e kpaŋ ma nɛ ma alɛ e nɛfa bumo.”

Eemɔs 5:4

Le nɛ Enyɛnpe Ebɔrɛ kra kaŋɛ Israɛl be basa: “Israɛlebi, men bɛta m ba ŋ kutɔ saŋɛ na so menyeeŋ nya ŋkpa.

Luuk 1:6

Bumo benyɔ kikɛ daa bɛ Enyɛnpe be mbraana na nɛ mbe asheŋ ŋinisoana na kikɛ so nna nɛnɛ a maa foe ekpa kikɛ nsaa wɔ kebaawɔtɔ cheembi nɛ k bee par Ebɔrɛ to.

Baru lela nɛ Jɔn kute na 1:47

Yesu ka wu Nataniɛl ka bee ba mo kutɔ nɛ e kaŋɛ mo le: “Kashenteŋto, Israɛl be esa gbagba nde nɛ efɛsheŋ kikɛ maŋ wɔ mo to.”

2 Kɔrintebi 1:12

Naniere le be kesheŋ ere so nɛ anyee puchi fanɛ: Anyi be ŋgbene bee kaŋɛ anyi fanɛ an tiŋ ŋ keta anyi be amu nɛnɛ ashi durnya ere to, fɔnfɔŋ anyi nɛ menyi be kebaawɔtɔ be kaplɛa so. Ŋgbene mo nɛ a shi Ebɔrɛ kutɔ a maŋ kɔ kulubi nseŋ niŋi na nɛ an ta n wora asheŋ. Amoso, mannɛ durnya ere be kanyiasheŋ so nɛ an ta n wora loŋ. Ebɔrɛ be kuwɔr be kakɛ so nɛ loŋ be asheŋ tiŋ n wora.

Hibruwebi 5:7

Yesu ka daa wɔ ŋkpa to durnya ere to na e daa ta kushu nɛ anishichubi nna a wɔ kabɔrɛkule to nseŋ daa kaŋɛ Ebɔrɛ nɛ e daa beeŋ tiŋ m mɔlga mo ashi luwu to na mbe asheŋ tirso. Ebɔrɛ malɛ daŋ nu mbe kekule na ŋkpal mbe kabɔrɛŋana so.