2 Bewura 2:5 - EBƆRƐ BE KAWƆL

⁵ Nɛ anebiana be katuŋ ko nɛ b wɔ Jɛriko na yɔ Elaisha kutɔ n ya bishi mo le: “Fo nyi Enyɛnpe Ebɔrɛ ka beeŋ ta fo nyɛnpe ere ŋ ka fo kabre a?” Nɛ Elaisha kaŋɛ: “Mm n nyi, ama men sa maŋ kaŋ naŋ malga kumo be asheŋ.”

2 Bewura 2:5 ပူးပေါင်းရင်းမြစ်များ

Jɛnesis 48:19

Ndoŋ nna nɛ mo tuto kini nseŋ kaŋɛ: “N nyi, m pibi n nyi. Mo alɛ gba beeŋ ki basa ko be kumuwura, mo alɛ gba beeŋ ba ki esagboŋ, ama mo sipo e naaŋ ba kaa chɔ mo eleŋ nɛ mbe kanaŋ to ebi e ba ki efuli damtaana be basa.”

1 Bewura 20:35

Loŋ be jemanɛ na so nɛ Enyɛnpe Ebɔrɛ kaŋɛ anebi ko fanɛ e kaŋɛ mo barkasa le: “Ŋmɛa ma.” Nɛ anebi na kini.

2 Bewura 2:3

B ka fo Bɛtɛl nɛ anebiana be katuŋ ko nɛ b wɔ Bɛtɛl na ya bishi Elaisha le: “Fo nyi Enyɛnpe Ebɔrɛ ka beeŋ ta fo nyɛnpe ere ŋ ka fo kabre a?” Nɛ Elaisha kaŋɛ: “Mm n nyi, ama sa maŋ kaŋ malga kumo be asheŋ.”

2 Bewura 4:1

Kachako nɛ ekulpoche nɛ e la anebiana na be katuŋ to be eche na yɔ Elaisha kutɔ n ya kaŋɛ mo le: “N nyɛnpe, ma kul wu nna. Fo alɛ nyi e ka daa la esa nɛ e kɔ kabɔrɛŋana ga. Naniere esa ko nɛ e paŋ amansherbi a maŋ tiŋ ŋ ka na, ba nɛ e ba keta ma mbinyɛnsobi anyɔ.”

2 Bewura 5:22

Nɛ Gehazi kaŋɛ: “N nyɛnpe e shuŋi ma fanɛ ŋ kaŋɛ fo fanɛ anebiana be katuŋ ko be basa anyɔ e shi Efrayim be kebee be efuli so m ba. Amoso e bee sha fanɛ fo sa bumo gbiti be ndarbi ŋgboŋ asa nɛ ewajɛ lela malɛ be yiri yiri mpɔ anyɔ.”

2 Bewura 6:1

Kachako nɛ anebiana be katuŋ nɛ Elaisha bee keni so na fubel ŋ kaŋɛ mo le: “Kakpa nɛ anyi nɛ fo bee shɛr ere du fimbi ga!

2 Bewura 9:1

Kachako nɛ anebi Elaisha tre anebiana be katuŋ na to be eko ŋ kaŋɛ mo le: “Bela ase n ta ɔlif be ŋku kɔlba ere n yɔ Ramɔf nɛ k wɔ Giliad na.

Kaŋinichiŋgeliŋ 3:7

mo e naa yili saŋɛ nɛ k daga kekpɛa to nɛ saŋɛ nɛ k daga kebaa m mata abar so, mo e naa yili saŋɛ nɛ k daga kekaŋ kusoe n nu, nɛ saŋɛ nɛ k daga kemalga.

Aizaaya 41:1

Ebɔrɛ yɛ: “Menyi basa nɛ men wɔ mplasawule so kikɛ e wora shruum n nu nfe! Men wora shiriya m ba kute menyi be asheŋ nɛ men wora be asheŋ ashi demujikpa. Meeŋ sa menyi ekpa nɛ men malga. Men shin nɛ ma nɛ menyi e ba abar so, n fin emo nɛ e kɔ kashenteŋ.

Eemɔs 7:14

Nɛ Eemɔs malɛ kaŋɛ Amaziya le: “Ma ere maŋ la anebi, ŋko anebi pibi. N la mbolpɔkpapo nna nsaa keni efigidibi be ndɔ so.”

Habakuk 2:20

Enyɛnpe Ebɔrɛ na bre wɔ mbe bɔrɛlambu cheembi to nna, amoso ekama e wora shruum mbe anishito ashi kasawule ere so.

Luuk 24:51

E ka bee nɛfa bumo nɛ e fara a yige bumo a yɔ ebɔrɛso.

Ashuŋ Shunso 1:11

nseŋ bishi bumo: “Galiliebi, manɛ e ba nɛ men yil a keni esoso loŋ? Yesu koŋwule nɛ Ebɔrɛ shin nɛ e lar menyi kutɔ a yɔ ebɔrɛso ere beeŋ naŋ bɛta loŋ gbagba chap m ba kananɛ men wu mo nɛ e bee yɔ ebɔrɛso ere.”

Ashuŋ Shunso 1:2

Ama pɔɛŋ nɛ Ebɔrɛ shin nɛ e yɔ ebɔrɛso na, Yesu daŋ bɔla Kiyoyu Cheeŋ na so nna ŋ ŋini basa nɛ e daŋ lara nɛ b baa la mbe beshuŋipo na ŋ kaŋɛ bumo asɔ nɛ a daga fanɛ b baa wora.

Ashuŋ Shunso 26:25

Nɛ Pɔɔl kaŋɛ: “Yiramu, m maa lɔ nna. Ma nɛ ma nfɛra lela nɛ kashenteŋ be mmalga nɛ mee malga na.

1 Samuɛl 10:5

Kumo be kaman nɛ fo yɔ Gibia, kakpa nɛ Filistiebi be benapo be keeyi to wɔ na. Fo baa luri kade na to, feeŋ tu anebiana be katuŋ ko nɛ b bɛ abar so n shi kakpa nɛ baa bunyaŋ Ebɔrɛ na a gbelge to a ba nɛ b juŋkpar bumo a laŋ ejaŋjilaŋ nɛ ŋkure nɛ egoji nsaa foŋ nlopi nɛ bumo alɛ bee wu asheŋ a kaŋɛ.