2 Bewura 2:24 - EBƆRƐ BE KAWƆL

²⁴ Elaisha ka gbɛ ŋ keni n wu bumo nɛ e gbɛlɛ bumo nseŋ sho bumo kɔnɔ ashi Enyɛnpe Ebɔrɛ be ketre to. Epul to nɛ eshishiri cheso anyɔ lar kupuŋ to ŋ kpɛa mbia na be adena nɛ anyɔ to chɛbarchɛbarbi.

2 Bewura 2:24 ပူးပေါင်းရင်းမြစ်များ

Jɛnesis 9:25

“Kɔnɔsho e baa wɔ Keenan so. E beeŋ baa la mo daana be kenya.”

2 Samuɛl 17:8

Fo gbagba na nyi fo tuto Deevid nɛ mbe basa ka bee pere kenishi a kɔ kena ga, bumo alɛ nseŋ naŋ lubi a chɔ shishiri nɛ b mɔ kumo be mbia. Fo tuto nyi kena to nɛnɛ ga amoso e maaŋ tu mbe benapo n dese kakpa koŋwule kanyɛ ere.

1 Bewura 13:24

E ka bee yɔ nɛ buluŋ ya tu mo ekpa to m mɔ mo. E daa dese kubɔrbi na so nna nɛ kurma na nɛ buluŋ na yil mbe kebuni ase.

1 Bewura 19:17

Meeŋ shin nɛ ewura Haziɛl e mɔ basa nɛ baa shuŋ kegbir nɛ baa tre Baal na kikɛ. Bumo alɛ be ekama nɛ e shile ŋ ŋana nɛ ewura Haziɛl maŋ nya mo m mɔ, ewura Jehu bre beeŋ mɔ mo. Ekama nɛ ewura Jehu malɛ maŋ nya m mɔ, anebi Elaisha bre beeŋ nya mo m mɔ.

1 Bewura 20:36

Ndoŋ nna nɛ anebi na kaŋɛ mo le: “Ŋkpal fo ka kini kebɛ Enyɛnpe Ebɔrɛ be kɔnɔ so so, fo baŋ lar ŋ kutɔ nfe, buluŋ beeŋ mɔ fo.” E ka lar malɛ, epul na to nɛ buluŋ mɔ mo.

2 Bewura 2:25

Kede be kaman nɛ Elaisha dii n yɔ kebee nɛ baa tre Kaamɛl na so, nseŋ yili ndoŋ m bɛta n yɔ Samɛria be kade to.

Ɛksodɔs 20:5

nsaa jɔŋɛ amo ase ŋko a shuŋ amo, ŋkpal manɛ so, ma e la Enyɛnpe Ebɔrɛ men be Ebɔrɛ na. Ma alɛ maa sha kechamana. Ma e naa kpal betuto nɛ benio be alubi so e gberge bumo be mbia kusoe hale n ya fo bumo be kenanafofo nɛ kenana gbiramuli na.

Aŋasa 17:12

Fo ka purgi buluŋ cheso nɛ k bee yɛla kenishi to a fin kumo pibi bɔ fo ka tu ewulpo a wora kawulisheŋ.

Aŋasa 19:29

Kasogberge wɔtɔ nna ŋkpal basa kpeŋso so. Ewulpo kikɛ bee nya kebri nna.

Aŋasa 28:15

Ewura lubi nɛ e bee tɔrɔ betirpo du nna fanɛ buluŋ nɛ e bee ponte to na, ŋko shishiri nɛ akoŋ kɔ.

Jɛremaya 28:16

Amoso kusɔ nɛ Enyɛnpe Ebɔrɛ na bee kaŋɛ e la fanɛ e beeŋ lara fo ashi durnya to. Pɔɛŋ nɛ kafɛ ere e fo ekar feeŋ wu, ŋkpal fo ka ku efɛ n sa basa ere nɛ b lar Enyɛnpe Ebɔrɛ na kaman nseŋ kini mo so.”

Nfabel 3:65

Shoduu bumo nseŋ shin nɛ b ji awurfoŋ!

Hoziya 13:8

Meeŋ kɔ menyi nseŋ kpɛa menyi to cheche fanɛ shishiri nɛ kumo be bibi foe na. Meeŋ tɛ n yuu menyi so epul to fanɛ buluŋ na, nseŋ kpɛa menyi to m min fanɛ kupuŋ to be kusɔbɔya na.

Levitikɔs 26:22

Meeŋ shin nɛ asɔbɔya lubi e luri menyi to m mɔ menyi be mbia nseŋ mur menyi be asɔbɔya. Menyi be basa gbrɛbi ko e naaŋ ka, saŋɛ na so nɛ menyi be agbembi e dese fuloŋ.

Eemɔs 7:17

Kusɔ nɛ Enyɛnpe Ebɔrɛ bee kaŋɛ fo Amaziya nde: “Fo eche beeŋ ki sakaleche ashi kade ere to nɛ b mɔ fo mbia kikɛ kena to. Baaŋ karga fo kasawule m barga kumo to n sa abar, nɛ fo gbagba malɛ e wu efuli pɔtɛ so. Nɛ b tintiŋ Israɛl be basa malɛ n yɔ efuli pɔtɛana so kufɔ kufɔ.” Kumo be kaman nɛ Eemɔs yige mo nseŋ yɔ.

Maak 11:14

Nɛ Yesu kaŋɛ figi be kedibi na: “Ekama maaŋ naŋ ji efigi fo so kikɛ.” Nɛ mbe bebɛsopo na nu kusɔ nɛ e kaŋɛ na.

Maak 11:21

Nɛ Pita nyiŋi kusɔ nɛ k wora na nseŋ kaŋɛ Yesu: “Keni Eŋinipo, figi be kedibi nɛ fo so kɔnɔ na wu.”

Ashuŋ Shunso 5:5

Ananiyas ka baŋ nu kesheŋ ere nɛ e tɔr n wu epul na to nɛ kufu pɛ bekama nɛ b nu kumo be asheŋ na ga.

Ashuŋ Shunso 5:9

Nɛ Pita bishi mo: “Manɛ e ba nɛ fo nɛ fo kul wora kɔnɔkoŋwule a sha kewora Enyɛnpe be Kiyoyu na ŋ keni? Basa nɛ b puli fo kul e wɔ kabuna to na, bumo alɛ beeŋ ta fo alɛ gba loŋ.”

Ashuŋ Shunso 8:20

Nɛ Pita kaŋɛ mo: “Fo nɛ fo amansherbi ere beeŋ mur, ŋkpal fo ka bee fɛ ketɔ Ebɔrɛ be kakɛ so.

2 Kɔrintebi 10:6

Nɛ men baa maa tɔr kasonu be kaplɛa so, anyi alɛ gba wora shiriya fanɛ anyeeŋ gberge kasomaanuwuraana kama kusoe.

Demujipoana 9:20

Ama nɛ fanɛ kusɔ nɛ men wora Gidiɔn nɛ mbe kanaŋ ere maŋ daga, kumo ere edɛ e shi Abimelɛk kutɔ m ba chɔɔ menyi, Shɛkɛm be benimu nɛ bɔrɛmatapoana nɛ benapo nimusoana na m mur. Kumo be kaman nɛ edɛ e shi menyi alɛ gba kutɔ n chɔɔ Abimelɛk m mur!”

Demujipoana 9:57

Ebɔrɛ daŋ naŋ shin nɛ Shɛkɛmebi na gba nya bumo be alubi be kakɔka fanɛ kananɛ Gidiɔn pibinyɛn, Jotam, daŋ melgi bumo na nna, ŋkpal b ka daŋ chɛ Abimelɛk to so so.