2 Bewura 2:2 - EBƆRƐ BE KAWƆL

² B ka wɔ ekpa to a yɔ na, nɛ anebi Elaija kaŋɛ Elaisha le: “Enyɛnpe Ebɔrɛ na kaŋɛ fanɛ n yɔ Bɛtɛl, amoso fo ere e baa jo nfe.” Nɛ Elaisha kaŋɛ le: “Enyɛnpe Ebɔrɛ ka baa wɔ ŋkpa to nɛ fo ere gba wɔ ŋkpa to ere bre, meeŋ tu fo n yɔ.” Amoso bumo kikɛ daŋ bɛ abar so nna n yɔ Bɛtɛl.

2 Bewura 2:2 ပူးပေါင်းရင်းမြစ်များ

Jɛnesis 28:19

Kumo be kaman nɛ e nase kakpa na ketre Bɛtɛl. Kade nɛ k daa wɔ ndoŋ na nɛ b daa tre Luz pɔɛŋ nɛ e nase kumo Bɛtɛl na.

1 Bewura 12:28

E ka fɛ loŋ n loge, nɛ e ta shuwa n lɔŋɛ egbolu fɔlbi anyɔ nseŋ kaŋɛ mbe basa na le: “Menyi be kebaayɔ Jerusalɛm n ya ka bunyaŋ Enyɛnpe Ebɔrɛ na wora kufɔ ga. Israɛlebi menyi be agbir nɛ a lara men nananyɛnana ashi Ijipt be kasawule so na nde!”

1 Bewura 12:29

E daŋ ta egbolufɔlbi nɛ e ta shuwa n lɔŋɛ na be kuko nna n yɔ Bɛtɛl be kade to nseŋ ta kuko malɛ n yɔ Dan be kasawule so.

1 Bewura 12:33

Kufɔl burwasopo be kachɛ kuduanusopo nɛ mo gbagba lara n yili fanɛ k baa la kachɛgboŋ na nɛ e yɔ Bɛtɛl n ya lara sarga bɔrɛsure na so n ji loŋ be kachɛgboŋ na nseŋ kaŋɛ Israɛlebi na fanɛ b baa ji kumo kanyiŋi so.

2 Bewura 2:23

Elaisha ka lar Jɛriko a yɔ Bɛtɛl, nɛ mbinyɛnsobi ko lar kade ko to m ba kaa wora mo eyurto a kaŋɛ awɔrso le: “Kumu nyiɛso wura, lar nfe!”

2 Bewura 2:4

Ndoŋ nna nɛ Anebi Elaija naŋ kaŋɛ Elaisha le: “Enyɛnpe Ebɔrɛ na yɛ n yɔ Jɛriko, amoso ba jo nfe.” Nɛ Elaisha malɛ kaŋɛ le: “Enyɛnpe Ebɔrɛ ka baa wɔ ŋkpa to nɛ fo ere gba wɔ ŋkpa to ere bre, maaŋ bɛta fo so kikɛ.” Ndoŋ nna nɛ b yɔ Jɛriko.

2 Bewura 2:6

Kumo be kaman nɛ Elaija naŋ kaŋɛ Elaisha le: “Enyɛnpe Ebɔrɛ na yɛ n yɔ Jɔɔdan be Lɔr na to, amoso baa jo ma nfe.” Nɛ Elaisha yɛ: “Enyɛnpe Ebɔrɛ ka baa wɔ ŋkpa to nɛ fo ere gba wɔ ŋkpa to ere bre, maaŋ bɛta fo so kikɛ.” Ndoŋ nna nɛ b bɛ abar so a yɔ.

2 Bewura 4:30

Ndoŋ nna nɛ kebia na mo nio kaŋɛ Elaisha le: “Ŋkpal Ebɔrɛ ka la ma shɛdajipo nɛ menyi alɛ gba la so, maaŋ naŋ bɛta n yɔ epe ama fo baŋ bɛ ma so nna.” Nɛ Elaisha koso m bɛ mo so n yɔ.

Jɛremaya 4:2

kumo ere menyeeŋ tiŋ n ta ma ketre n nase nnɔ. Kumo be kaman nɛ efuliana na be basa e kpaŋ ma nɛ ma alɛ e nɛfa bumo.”

1 Jɔn 2:19

Le be basa ere daŋ shi anyi be katuŋ to nna, ama kashenteŋto, b daa maŋ la anyi to be basa, amoso nɛ b lar anyi to n yɔ na. Nɛ b daa la anyi to be basa nna b daa maaŋ lar. Ama bumo be kelar anyi to na e naa ŋini fanɛ mannɛ bumo be ekama e la anyi to be eko.

1 Samuɛl 1:26

Nɛ Haana kaŋɛ mo le: “N nyɛnpe fo pin ma a? Ma e la kache nɛ e daŋ ba yili nfe jemanɛ ko a kule Enyɛnpe Ebɔrɛ na.

1 Samuɛl 17:55

Saŋɛ nɛ Deevid daa yɔ nɛ e ya kɔ Goliɛf na, nɛ Sɔɔl bishi mbe benapo be enimu Abna le: “Abna, wanɛ pibinyɛn nde?” Nɛ Abna yɛ: “Yiramu, m maŋ nyi.”

1 Samuɛl 25:26

Enyɛnpe Ebɔrɛ na e shin nɛ fo maŋ wora n tal fo doŋana to m mɔ bumo, ama Enyɛnpe Ebɔrɛ nɛ e la ma shɛdajipo na be ketre to, fo doŋana nɛ basa nɛ baa sha ketɔrɔ fo na kikɛ beeŋ nya kasogberge fanɛ kananɛ fee sha kegberge Nabaal kusoe ere.