2 Bewura 19:6 - EBƆRƐ BE KAWƆL

⁶ nɛ e kaŋɛ bumo le: “Enyɛnpe Ebɔrɛ na bee kaŋɛ fanɛ men sa maŋ shin nɛ kusɔ nɛ Asiriyaebi na bee kaŋɛ fanɛ e maaŋ tiŋ m mɔlga menyi na e baa da menyi kufu.

2 Bewura 19:6 ပူးပေါင်းရင်းမြစ်များ

2 Bewura 18:17

Ndoŋ nna nɛ Asiriya be ewura na kaŋɛ mbe benapo be ejuŋkparpo fanɛ e lar kade nɛ baa tre Lackish na nseŋ keta benapo damta n yɔ Jerusalɛm n ya kɔ ewura Hɛzekaya kena. Benapo be bejuŋkparpogboŋ asa na e daŋ yɔ n ya yili ekpa nɛ k mata ewajɛluepoana be eshuŋkpa nɛ k dese ŋ kra kuchubɔr nɛ b kur nɛ nchu bee shi esoso be Kepa na to a bɔla a yɔ kade na to na.

2 Bewura 18:30

E kaŋ kaŋɛ menyi fanɛ Enyɛnpe Ebɔrɛ na beeŋ kɔ m mɔlga menyi ashi Asiriya be ewurgboŋ be enɔ to, men sa maŋ yirda kusɔ nɛ e kaŋɛ na.

2 Bewura 18:35

Saŋɛ mo nɛ efuliana be agbirana daŋ mɔlga bumo be efuliana ashi anyi be ewura be enɔ to? Amoso manɛ bre so nɛ menyee fɛ fanɛ menyi be Ebɔrɛ na beeŋ tiŋ m mɔlga Jerusalɛm?”

2 Bewura 19:22

Wanɛ nɛ fo daa fɛ fanɛ fee tege nsaa wora eyurto na? Ma, Israɛl be Ebɔrɛ cheembi na nɛ fo daa maa sa bunyaŋ na.

2 Bewura 19:5

Ewura Hɛzekaya be benimu nɛ e shuŋi na ka ba anebi Aizaaya kutɔ

2 Bewura 6:16

Nɛ Elaisha kaŋɛ mo: “Sa maa lɔ kufu, benapo nɛ b wɔ an kutɔ chɔ bumo nɛ wu ere.”

2 Kronikɛls 20:15

Ndoŋ nna nɛ Jahaziil kaŋɛ le: “Enyɛnpe Ebɔrɛ yɛ, fo nɛ Juda nɛ Jerusalɛm be basa kikɛ e sa maa lɔ kufu ŋko a pɔ aba ŋkpal benapo damta ere so. Mannɛ men gbagba e naŋ kɔ kena ere. Ebɔrɛ e naŋ kɔ n sa menyi.

2 Kronikɛls 20:17

Mannɛ menyi e naŋ kɔ kena ere. Menyi ere e bela ase a yil. Menyeeŋ wu kananɛ Enyɛnpe Ebɔrɛ na beeŋ kɔ m pɔɔ so n sa menyi. Juda nɛ Jerusalɛmebi, men sa maa lɔ kufu. Men lar n yɔ kena na to, Enyɛnpe Ebɔrɛ beeŋ ba wɔ menyi kutɔ!”

Nshɛ 74:18

Enyɛnpe Ebɔrɛ, baa nyiŋi kananɛ fo doŋana wora fo eyurto a mushe fo na, nɛ kananɛ bewulpo keni fo ketre jiga na.

Nshɛ 74:23

Sa maŋ teŋ awɔr nɛ fo doŋana wora na so, awɔr nɛ b baa wora jemanɛ kikɛ na so.

Ɛksodɔs 14:13

Ndoŋ nna nɛ Mosis kaŋɛ basa na: “Men sa maa lɔ kufu, men leŋ men be amu to. Menyeeŋ wu kumɔlga nɛ Enyɛnpe Ebɔrɛ beeŋ bar menyi kabre. Ijiptebi mo nɛ men wu kabre ere, men maaŋ naŋ wu bumo kikɛ.

Aizaaya 10:24

Ade kikɛ be kaman nɛ Enyɛnpetale Ebɔrɛ na kaŋɛ mbe basa nɛ b wɔ Jerusalɛm to na le: “Asiriya be basa na beeŋ kɔrfɛ menyi fanɛ kananɛ Ijiptebi daŋ wora na. Ama men sa maa ŋana bumo.

Aizaaya 51:7

Menyi nɛ men nyi kusɔ nɛ k daga kewora na e nu nfe! Menyi nɛ men kɔ ma keŋini menyi be ŋgbene to na gba e nu nfe! Men sa maa ŋana basa nɛ baa tege menyi nsaa kaŋɛ menyi asheŋbesaso na.

Jɛremaya 42:9

nseŋ kaŋɛ bumo le: “Kusɔ nɛ Enyɛnpe, Israɛl be Ebɔrɛ nɛ men shuŋi ma mo kutɔ fanɛ n ya kule mo n sa menyi na kaŋɛ nde.

Nfabel 3:57

Nseŋ kaŋɛ ma fanɛ n sa maa lɔ kufu.

Levitikɔs 26:8

Menyi to be basa anu beeŋ kɔ m pɔɔ basa kalfa so, nɛ basa kalfa e kɔ m pɔɔ basa ŋgboŋ kudu so.

Ditɛronɔmi 20:1

Nɛ men kaŋ yɔ nɛ men ya kɔ men doŋana kena nseŋ wu fanɛ bumo be egbaŋɛ nɛ egbaŋɛturko nɛ benapo shi a chɔ menyeya, men sa maa ŋana bumo. Ŋkpal manɛ so, Enyɛnpe menyi be Ebɔrɛ nɛ e kɔ n suge menyi ashi Ijipt be efuli so na beeŋ chɛ menyi to ŋ kɔ.

Joshuwa 11:6

Nɛ Enyɛnpe Ebɔrɛ kaŋɛ Joshuwa le: “Men sa maa ŋana bumo ŋkpal manɛ so, echefo saŋɛ ere so, meeŋ ta bumo m bɔɔ menyi Israɛlebi enɔ nɛ men mɔ bumo kikɛ. Men wora m buri bumo be egbaŋɛ na be aya nseŋ chɔ bumo be egbaŋɛturko na.”

Kelaraŋŋini 13:6

Ndoŋ nna nɛ e bugi mbe kɔnɔ a malga a gbiti Ebɔrɛ nseŋ ta mmalga lubi n jija mbe ketre nɛ kakpa nɛ e wɔ nɛ bumo nɛ b wɔ ebɔrɛso na kikɛ.