2 Bewura 19:4 - EBƆRƐ BE KAWƆL

⁴ Asiriya be ewurgboŋ e shuŋi mbe benapo be enimu nɛ e ba tege Ebɔrɛ nɛ e wɔ ŋkpa to na. Enyɛnpe fo Ebɔrɛ na e naŋ nu katege ere kikɛ nseŋ gberge basa nɛ baa tege mo na kusoe. Amoso kule Ebɔrɛ n sa anyi be basa nɛ b kraa wɔ ŋkpa to.”

2 Bewura 19:4 ပူးပေါင်းရင်းမြစ်များ

Jɛnesis 22:14

Sarga ere be kaman nɛ Eebraham nase kaboŋ na ketre: “Enyɛnpe beeŋ sa.”

2 Samuɛl 16:12

Ashere Enyɛnpe Ebɔrɛ beeŋ wu kagbenejija nɛ k tɔr ma so ere nseŋ shin nɛ kɔnɔsho ere e ki nɛfa n sa ma.”

2 Bewura 18:13

Ewura Hɛzekaya ka bee ji Juda be efuli so be kuwura be kafɛ kuduanasopo to nɛ Sennakerɛb nɛ e la Asiriya be efuli so be ewurgboŋ na ba kɔ Juda be ndegboŋ nɛ b pɔr egbal ŋ kulti na n sɔ amo.

2 Bewura 19:16

Baŋ keni kananɛ Asiriya be ewura, Sennakerɛb tege fo, Ebɔrɛ nɛ fee sa ŋkpa na.

2 Bewura 19:22

Wanɛ nɛ fo daa fɛ fanɛ fee tege nsaa wora eyurto na? Ma, Israɛl be Ebɔrɛ cheembi na nɛ fo daa maa sa bunyaŋ na.

2 Bewura 19:23

Fo daŋ shuŋi fo mbɔ nna nɛ b ba kaa puchi menyi ka daŋ ta menyi be egbaŋɛturko n dii n yɔ Lebanɔn be kebeegboŋ na be esoso n ya kɔ m pɔɔ so nna ashi ma Enyɛnpe Ebɔrɛ na be anishito. Menyee puchi fanɛ men daŋ tiŋ ŋ kuya sida be ndibi tenteŋ nɛ seprɛs be ndibi lelaana n lɛ nna ashi kebee na so hale n ya fo kupo na be nferinto.

2 Bewura 19:3

Kubɔya nɛ ewura Hɛzekaya ta n shuŋi bumo fanɛ b ya sa anebi Aizaaya nde: “Kabre la awurfoŋ be kachɛ nna n sa anyi, an wɔ kasogberge nɛ ŋaba to nna. An du fanɛ eche nɛ e bee kurge nsaa maŋ naa kɔ eleŋ nɛ e kento ŋ kurge nna.

2 Bewura 19:30

Basa nɛ baaŋ ji efute ashi Juda be efuli so na beeŋ purge fanɛ aduuso nɛ amo be achin yɔ nchiŋ kasawule to nɛ wora ga na.

2 Bewura 19:31

Basa ko beeŋ ji efute ashi Jerusalɛm to nɛ Zayɔn be kebee so, ŋkpal manɛ so, Enyɛnpetale Ebɔrɛ na gbagba e naŋ shin nɛ loŋ a wora.

2 Bewura 19:5

Ewura Hɛzekaya be benimu nɛ e shuŋi na ka ba anebi Aizaaya kutɔ

2 Kronikɛls 32:20

Ndoŋ nna nɛ ewura Hɛzekaya nɛ Amɔz pibinyɛn, anebi Aizaaya kule Ebɔrɛ n shu n fin kechɛto mo kutɔ.

Nshɛ 50:15

Men shu n tre ma ashi men be etɔrɔ to nɛ n mɔlga menyi, nɛ men bunyaŋ ma.

Nshɛ 50:21

Men ka wora ade kikɛ, m maŋ bugi kɔnɔ, nɛ men fɛ fanɛ ma Ebɔrɛ gba du fanɛ menyi nna. Ama naniere bre meeŋ malga ŋ gbiti menyi ashi men be anishito.

Nshɛ 74:18

Enyɛnpe Ebɔrɛ, baa nyiŋi kananɛ fo doŋana wora fo eyurto a mushe fo na, nɛ kananɛ bewulpo keni fo ketre jiga na.

Aizaaya 1:9

Nɛ Enyɛnpetale Ebɔrɛ na daŋ maŋ shin nɛ basa na be beko ji efute, ndafanɛ Jerusalɛm gba mur cheche fanɛ kananɛ nde nɛ baa tre Sodɔm nɛ Gomɔra mur na.

Aizaaya 10:6

N shuŋi Asiriyaebi nna fanɛ b ya kɔ efuli nɛ b kini ma n shin nɛ n nya agbo na kena. Ma e shuŋi bumo fanɛ b ya suge, nseŋ fuu bumo be asɔ eleŋso nsaa chichi bumo be basa so fanɛ agbembi so be depɔ na.”

Jɛremaya 23:36

Amoso b sa maŋ naa malga a kaŋɛ le: ‘Baru nɛ k shi Enyɛnpe Ebɔrɛ na kutɔ nde.’ Ŋkpal manɛ so, nɛ bumo to be ekama kaŋ kaŋɛ loŋ, meeŋ shin nɛ ma kubɔya e baa la awurfoŋ kashenteŋto n sa bumo. Basa na chɛrga bumo be Ebɔrɛ nɛ e bee sa ŋkpa nsaa la Enyɛnpetale na be mmalga nna kashenteŋto.”

Jɛremaya 33:3

Men kule ma nɛ n nu menyi be kekule nseŋ kaŋɛ menyi asheŋgboŋ nɛ menyi maŋ nyi nsaa maaŋ tiŋ m pin amo to na.

Jɛremaya 42:9

nseŋ kaŋɛ bumo le: “Kusɔ nɛ Enyɛnpe, Israɛl be Ebɔrɛ nɛ men shuŋi ma mo kutɔ fanɛ n ya kule mo n sa menyi na kaŋɛ nde.

Ezikɛl 36:37

Ade kikɛ be kaman, nɛ Enyɛnpetale Ebɔrɛ na naŋ kaŋɛ le: “Meeŋ naŋ shin nɛ Israɛlebi na e kule ma kechɛto nɛ n shin nɛ b wora keshi n ti so fanɛ mbolpɔ na.

Romebi 11:5

Naniere be jemanɛ ere gba, loŋ koŋwule nna fanɛ mo ere Ebɔrɛ lara basa gbrɛbi ko nna n sa mbe kumu ŋkpal mbe kuwɔr be kakɛ so.

Romebi 9:27

Le nɛ anebi Aizaaya bee kaŋɛ Israɛlebi be asheŋ awɔrso: “Nɛ Israɛlebi baa shi fanɛ teku ase be ajembubi gba, bumo to be gbrɛbi e naaŋ nya kumɔlga.

Ditɛronɔmi 32:36

Enyɛnpe Ebɔrɛ na beeŋ kɔ n sɔ mbe basa, jemanɛ nɛ e beeŋ wu fanɛ bumo be eleŋ loge na. E beeŋ wu bumo nɛ baa shuŋ mo na kuwɔr, jemanɛ nɛ e beeŋ wu fanɛ b maaŋ tiŋ n wora shɛŋ n sa bumo be amu na.

Joshuwa 14:12

Naniere ta kebeeso be efuli nɛ Enyɛnpe Ebɔrɛ nase kɔnɔ kamɔnchɛ afanɛ e beeŋ sa ma na n sa ma. An teŋ kaŋɛ fo fanɛ basa tenteŋ gboŋgboŋi nɛ baa tre Anakebi na e wɔ ndegboŋ nɛ b pɔr egbal ŋ kulti na to ashi efuli na kikɛ so. Ashere Enyɛnpe Ebɔrɛ beeŋ yili ma kaman nɛ n ju bumo n lar fanɛ kananɛ Enyɛnpe Ebɔrɛ kaŋɛ na gbagba chap.”

Joshuwa 3:10

Kananɛ menyeeŋ pin fanɛ Enyɛnpe Ebɔrɛ nɛ e wɔ ŋkpa to na wɔ menyi kutɔ nde. E beeŋ ju Keenanebi nɛ Hitebi nɛ Hivebi nɛ Pɛrizebi nɛ Gɛgashebi nɛ Amɔriebi nɛ Jebusiebi nɛ b wɔ Jɔɔdan be lɔr be kaba ndoŋ na kikɛ.

1 Samuɛl 14:6

Nɛ Jonatan kaŋɛ kabrantiɛbia nɛ e bee sulɔ mbe akɔsɔ na le: “Ba nɛ an yɔ Filistiebi, nnyamase na, be keeyi to. Ashere Enyɛnpe Ebɔrɛ na beeŋ chɛ anyi to. Nɛ e baŋ shuli fanɛ e beeŋ chɛ anyi to nɛ an kɔ m pɔɔ so bre, shɛŋ shɛŋ maaŋ tiŋ ŋ kuŋ mo ekpa. K maŋ tir fanɛ an shibi ŋko anyi maŋ shibi.”

1 Samuɛl 17:10

Menyi Israɛlebi be benapo fupo ere nɛ mee to emaŋ na. Men lara esa ko nɛ ma nɛ mo e kɔ abar!”

1 Samuɛl 17:26

Nɛ Deevid bishi benapo nɛ b yili n taga mo to na le: “Manɛ nɛ baaŋ sa esa kama nɛ e beeŋ mɔ Filisti be esa ere nseŋ lara Israɛl ashi le be anishinyɔr ere to? Kanyamase jiga ere malɛ e la wanɛ nɛ e bee keni Ebɔrɛ nɛ e wɔ ŋkpa to na be benapo jiga?”

1 Samuɛl 17:45

Nɛ Deevid kaŋɛ mo le: “Fo ere ta tokobi nɛ kekpa nɛ chutre nna m ba nɛ fo ba kɔ ma, ama ma ere ba nna nɛ m ba kɔ fo ashi Enyɛnpetale nɛ e la Israɛl be benapo be Ebɔrɛ mo nɛ fee keni jiga na be ketre to.