2 Bewura 18:5 - EBƆRƐ BE KAWƆL

⁵ Hɛzekaya daŋ yirda Enyɛnpe Israɛl be Ebɔrɛ na nna. Juda be bewura nɛ b ji pɔɛŋ nɛ Hɛzekaya ji na nɛ bekama nɛ Hɛzekaya malɛ ji pɔɛŋ nɛ b ji na be ekama be kuwurji maŋ fo ewura Hɛzekaya peya so.

2 Bewura 18:5 ပူးပေါင်းရင်းမြစ်များ

2 Bewura 18:19

Kumo be kaman nɛ Asiriya be benapo be bejuŋkparpo na be eko kaŋɛ bumo fanɛ Asiriya be ewurgboŋ bee sha nɛ e pin kusɔ nɛ k shin nɛ ewura Hɛzekaya kɔ kenyɛn nseŋ yirda mbe kumu loŋ na.

2 Bewura 19:10

Kusɔ nɛ e kaŋɛ kawɔlbi na to nde: “Sa maŋ ta fo yirda n wɔtɔ fo Ebɔrɛ na to ŋko n shin nɛ mbe kekaŋɛ fanɛ Asiriya be ewura maaŋ tiŋ ŋ kɔ m pɔɔ Jerusalɛm so na e fule fo.

2 Bewura 23:25

Bewura nɛ b juŋkpar Josaya nɛ bekama nɛ b bɛ mo so na be ekama daa maŋ bɛ Mosis be mbra na so kenishipereso fanɛ mo.

2 Kronikɛls 14:11

Ndoŋ nna nɛ ewura Asa kule Enyɛnpe mbe Ebɔrɛ na ŋ kaŋɛ le: “O Enyɛnpe Ebɔrɛ, fo nawule e naa tiŋ a chɛ benapo pɔshipo to nɛ baa tiŋ a kɔ a pɔɔ benapo lempo so. Amoso, an Nyɛnpe nɛ anyi be Ebɔrɛ, ba chɛ anyi to naniere, ŋkpal manɛ so, fo nɛ anyee fute a yige so. Fo ketre be eleŋ na malɛ to nɛ an ba nɛ an ba kɔ benapo damta ere na. Enyɛnpe, fo e la anyi be Ebɔrɛ. Esa kama malɛ maŋ wɔtɔ nɛ e beeŋ tiŋ m pɔɔ fo so.”

2 Kronikɛls 20:20

Ŋklade kachipurdidi saŋɛ so nɛ ekama lar a yɔ keshishɛrsawule nɛ k mata Tekua na, nɛ ewura Jehoshafat niŋi to ŋ kaŋɛ jimaŋ na le: “Menyi Juda nɛ Jerusalɛm ebi! Men ta men be yirda n deŋi Enyɛnpe nɛ e la menyi be Ebɔrɛ na so nsaa yili to kpakpa. Men yirda kusɔ nɛ mbe anebiana na kaŋɛ menyi na saŋɛ na so asheŋ beeŋ nyalɛ n sa menyi.”

2 Kronikɛls 20:35

Jemanɛ ko, Juda be ewura Jehoshafat nɛ Israɛl be ewura Ahaziya nɛ e daŋ wora asheŋ lubi damta ga na, daŋ wora kɔnɔkoŋwule be ŋkre nna.

Job be kawɔl 13:15

Hale nɛ Ebɔrɛ bee sha kemɔ ma gba, ŋ kraa beeŋ yirda mo.

Nshɛ 13:5

Ama ma tama deŋ fo kasha nɛ k maa loge na so nna. Ma kagbene beeŋ fuli ma ŋkpal fo ka beeŋ mɔlga ma so.

Nshɛ 84:12

O Enyɛnpetale Ebɔrɛ, kagbenefuli la esa kama nɛ e yirda fo na peya nna!

Aizaaya 36:7

Kumo be kaman nɛ Asiriya be benapo be ejuŋkparpo na naŋ kaŋɛ: “Menyee sha kekaŋɛ ma fanɛ Enyɛnpe menyi be Ebɔrɛ na nawule nɛ men ta menyi be amu a to so a? Mannɛ Enyɛnpe Ebɔrɛ na be ebɔrɛsure nɛ mboŋ nɛ baa shuŋ mo na nɛ Hɛzekaya kaŋɛ fanɛ b mur nseŋ ka kakpa koŋwule n sa basa nɛ b wɔ Juda be efuli so nɛ Jerusalɛm to nɛ b baa shuŋ Ebɔrɛ ndoŋ nawule na a?

Aizaaya 38:3

“Enyɛnpe Ebɔrɛ, baa nyiŋi kananɛ n daŋ shuŋ fo kashenteŋ nɛ kagbene koŋwule so. Ma alɛ wora ania fanɛ meeŋ baa wora kusɔ kama nɛ fee sha.” Kumo be kaman nɛ e shu ga.

Matiu 27:43

E yirda Ebɔrɛ, ŋkpal manɛ so, e yɛ: ‘Ebɔrɛ Pibinyɛn e la ma.’ Amoso, nɛ Ebɔrɛ bee sha mo, e mɔlga mo.”

Ɛfesesebi 1:12

Men shin nɛ anyi nɛ an juŋkpar n nya tama ashi Kristo to na e baa la bumo nɛ bumo be kebaawɔtɔ bee di Ebɔrɛ epaŋ nsaa maŋkura mo.