2 Bewura 18:18 - EBƆRƐ BE KAWƆL

¹⁸ Ndoŋ nɛ b yili n shuŋi ŋ kaŋɛ ewura Hɛzekaya fanɛ baa sha kemalga mo nɛ mbe benimu asa ko kutɔ. Bumo e daa la Eliakim nɛ e la Hilkiya pibinyɛn nseŋ daa la esa nɛ e bɛ ewura so na, nɛ Shɛbna nɛ e la ewura be esibɛpo na, nɛ Jowa nɛ e la Asaf pibinyɛn nseŋ daa la esa nɛ e bee keni ewurkpa be asheŋ nɛ b sibɛ n nase so na.

2 Bewura 18:18 ပူးပေါင်းရင်းမြစ်များ

2 Samuɛl 20:24

Adoniram e daa la anya nɛ baa tintiŋ nɛ baa shuŋ na be enimu; Nɛ Ahilud pibinyɛn Jehoshafat malɛ daa la esa nɛ e bee sibɛ asheŋ a nase kawɔl to.

1 Bewura 4:3

Shisha be mbinyɛnsobi Elihorɛf nɛ Abija e daa la demujikpa be nwɔlsibɛpoana, Ahilud pibinyɛn Jehoshafat malɛ e daa la esa nɛ e bee sibɛ asheŋ a nase kawɔl to a sa abane;

2 Bewura 18:26

Ndoŋ nna nɛ Eliakim nɛ Shɛbna nɛ Jowa kaŋɛ benapo be ejuŋkparpo na le: “Jande, ta Aramaik be ŋgbar to a malga anyi kutɔ. Amo nɛ anyee nu. Sa maa malga Hibruw be ŋgbar to, ŋkpal manɛ so, basa nɛ b wɔ egbalana ere so ere kikɛ beeŋ nu kusɔ nɛ anyee malga ere.”

2 Bewura 18:37

Kumo be kaman nɛ Eliakim nɛ Shɛbna nɛ Jowa kpɛa bumo be asɔbuuso to kagbenejijaso nseŋ ya kaŋɛ ewura Hɛzekaya kusɔ nɛ Asiriya be benapo be enimu na kaŋɛ na.

2 Bewura 19:2

Kumo be kaman nɛ e shuŋi Eliakim nɛ e bee keni ewurkpa so na nɛ Shɛbna nɛ e la ewura be esibɛpo nɛ bɔrɛmatapo nimusoana anebi Aizaaya nɛ e la Amɔz pibinyɛn na kutɔ. Bumo alɛ gba daŋ buu kagbenejijaso be asɔbuuso nna m ba.

2 Kronikɛls 34:8

Ewura Josaya ka ji kuwura be kafɛ kuduaburwasopo to saŋɛ so nɛ e lara asɔ lubi kikɛ ashi kasawule na so nɛ Enyɛnpe Ebɔrɛ be lambu to na, nɛ e shuŋi mbe benimuana asa fanɛ b ya shin nɛ b lɔŋɛ bɔrɛlambu na to. Benimu na e daa la Shafan nɛ e la Azaliya pibinyɛn na nɛ Gomena Maseya nɛ e shi Jerusalɛm na nɛ Jɔa nɛ e la Jɔahaz pibinyɛn nɛ e bee sibɛ gomena be asɔ a nase nwɔl to na.

Aizaaya 33:7

Benapo nɛ b kɔ kenyɛn bee kɔ a fin kechɛto ashi kadegboŋ na be agbembi so nna. Anyi be mbɔ daa tama kayurwushi nna, ama kushu nɛ b ta m ba epe.

Aizaaya 36:22

Kumo be kaman nɛ Eliakim nɛ Shɛbna nɛ Jowa ta kagbenejija ŋ kpɛa bumo be asɔbuuso to nseŋ ya bɔ kusɔ nɛ Asiriya be benapo be ejuŋkparpo kaŋɛ na be kubɔya n sa ewura Hɛzekaya.

Aizaaya 36:3

Ndoŋ nna nɛ Juda be benimu asa ko lar n ya shɛr mo to. Bumo e daa la Eliakim nɛ e la Hilkiya pibinyɛn nseŋ daa la esa nɛ e bɛ ewura so na, nɛ Shɛbna nɛ e la ewura be esibɛpo na, nɛ Jowa nɛ e la Asaf pibinyɛn nseŋ daa la esa nɛ e bee keni ewurkpa be asheŋ nɛ b sibɛ n nase so na.

Aizaaya 37:2

Kumo be kaman nɛ e shuŋi Eliakim nɛ e bee keni ewura be laŋ so na nɛ Shɛbna nɛ e la ewura be esibɛpo nɛ bɔrɛmatapo nimusoana na ma, anebi Aizaaya kutɔ. Bumo alɛ gba daŋ buu keeli be asɔbuuso nna m ba.