2 Bewura 18:12 - EBƆRƐ BE KAWƆL

¹² B daŋ kɔ m pɔɔ Samɛria so nna ŋkpal Israɛlebi na ka daŋ wora alubi ŋ gbiti Enyɛnpe bumo be Ebɔrɛ na so. B daŋ kplaŋ kɔnɔkoŋwule be ŋkre nɛ bumo nɛ Enyɛnpe Ebɔrɛ na daŋ wora na so nna nseŋ kini kebɛ mbra nɛ e bɔla mbe kayɛrbi Mosis so n sa bumo na kikɛ so. B daa maa sha kenu b ka malga mbra na be asheŋ gba a bishi nɛ b bɛ amo so.

2 Bewura 18:12 ပူးပေါင်းရင်းမြစ်များ

1 Bewura 9:6

Ama nɛ fo ŋko fo kaman to ebi be beko kini kebɛ ma mbra so nsaa shuŋ efuli pɔtɛana so be agbir bre,

2 Bewura 21:8

Nɛ ma basa Israɛlebi beeŋ bɛ ma mbra nɛ ma keŋini nɛ ma kayɛrbi Mosis ta n sa bumo dra dra na so bre, kumo ere m maaŋ shin nɛ b ju bumo ashi kasawule nɛ n ta n sa bumo nananyɛnana na so.”

Nshɛ 107:17

Menyi to be beko wora alubi kawuliso nna nsaa ji awurfoŋ.

Nshɛ 78:10

B daa maŋ wora m bɔlɔ bumo nɛ Ebɔrɛ be kɔnɔkoŋwule be ŋkre na so. B daŋ kini kewora mbe mbraana kasonu nna.

Nshɛ 81:12

Ŋkpal loŋ so nɛ n yige bumo n sa bumo be ŋkpensheŋ be kebaawɔtɔ nɛ b wɔtɔ a wora asheŋ nɛ baa sha.

Aizaaya 1:19

Nɛ menyeeŋ baa wora ma kasonu bre, menyeeŋ baa nya asɔ lela kasawule ere so a ji.

Jɛremaya 3:8

Juda daŋ wu ŋ ka kini Israɛl n lɛ fanɛ eche nɛ mo kul kini mo nseŋ ju mo n lɛ na, ŋkpal b ka shuŋ agbirana so. Ama kufu daa maŋ pɛ Juda be efuli so be basa. Kumo be kaman nɛ bumo alɛ gba shuŋ agbir ŋ ki fanɛ ebojua

Jɛremaya 7:23

N daŋ kaŋɛ bumo nna fanɛ b baa wora ma kasonu, saŋɛ na so meeŋ baa la bumo be Ebɔrɛ nɛ bumo alɛ e baa la ma basa. N daŋ kaŋɛ bumo nna fanɛ b baa wɔ kebaawɔtɔ nɛ n yili n sa bumo na to, saŋɛ na so asheŋ beeŋ baa nite nɛnɛ a sa bumo.

Ezikɛl 11:12

Ndoŋ nɛ menyeeŋ pin fanɛ ma e la Enyɛnpe Ebɔrɛ nɛ men kini k bɛ ma mbraana so nseŋ ya kaa bɛ efuli pɔtɛana nɛ a kulti menyi na be mbraana so na.”

Danɛl 9:5

an wora alubi nsaa kɔ alubi ashi anyi be ŋgbene to. An wora amu kpakpaso n ya baŋ so nseŋ kini kebɛ fo mbra nɛ fo keŋini so.

Eemɔs 2:6

Enyɛnpe Ebɔrɛ yɛ: “Israɛl be basa wora alubi n ya baŋ so, amoso abaanaaworashɛŋ meeŋ gberge bumo kusoe. Baa fa beshenteŋjipo a sɔ amansherbi nna, nsaa fa betirpo malɛ asɛbta katuŋ koŋwuleso be yawu.

Maika 3:4

Kachako menyeeŋ shu ŋ kule Enyɛnpe Ebɔrɛ na, ama e maaŋ nu menyi be kekule. Ŋkpal menyi be alubi so, e beeŋ kpele mbe anishi nsaa maaŋ tuge menyi gba kuraa.

Nɔmbɛs 12:7

Ama kananɛ mee malga ma kayɛrbi Mosis bre kutɔ kɔr. Mo nɛ n ta ŋ ki ma basa Israɛlebi be ejuŋkparpo.

Ditɛronɔmi 11:28

ama nɛ fanɛ menyi maa wora mbe mbraana ere kasonu nseŋ ya kaa shuŋ agbirana nɛ men maŋ naŋ shuŋ ŋ ku so bre, kɔnɔsho beeŋ ba menyi so.

Ditɛronɔmi 31:16

Kumo be kaman nɛ Enyɛnpe Ebɔrɛ na kaŋɛ Mosis le: “Fo maaŋ naŋ chɛr nseŋ wu. Fo alɛ be luwu be kaman basa na maaŋ naa ji kashenteŋ a sa ma nseŋ lar kɔnɔkoŋwule be ŋkre nɛ ma nɛ bumo kre na to. Baaŋ lar ma kaman n ya kaa shuŋ nnyamase be agbirana nɛ a wɔ kasawule nɛ baa yɔ na so.

Ditɛronɔmi 31:17

Nɛ b kaŋ wora loŋ malɛ, meeŋ nya agbo ga n wora bumo nseŋ kplaŋ bumo so nɛ b mur. Kumu lubi gboŋgboŋi beeŋ ba bumo so nɛ b pin fanɛ asheŋ ere kikɛ bee wora nna ŋkpal ma, bumo be Ebɔrɛ na, ka maŋ naa wɔ bumo kutɔ so.

Ditɛronɔmi 34:5

Ndoŋ nna nɛ Enyɛnpe Ebɔrɛ na be kayɛrbi, Mosis, wu ashi Mowab be kasawule so ndoŋ fanɛ kananɛ Enyɛnpe Ebɔrɛ kaŋɛ na.

2 Tɛsalɔnikaebi 1:8

m ba gberge basa nɛ b maŋ nyi Ebɔrɛ nɛ bumo nɛ b maa bɛ an Nyɛnpe Yesu be baru lela na so kusoe.

2 Timoti 2:24

A maŋ daga Enyɛnpe malɛ be kenya ka bee kɔ nlu. A daga fanɛ e baa la esa basa kikɛ kutɔ nseŋ naa la eŋinipo lela nɛ e kɔ kanyiti

Joshuwa 1:1

Enyɛnpe Ebɔrɛ be kayɛrbi Mosis ka wu be kaman, nɛ Enyɛnpe Ebɔrɛ na kaŋɛ Nun pibi Joshuwa nɛ b daa bela mo ase nɛ e sɔ Mosis so na le:

1 Pita 2:8

Baa fiti a tɔr nna ŋkpal b ka maŋ yirda kamalga na so, kusɔ nɛ Ebɔrɛ malɛ yili bumo nna na.

1 Pita 4:17

Demu be kejiachɛ na taga to, Ebɔrɛ malɛ be kowu to ebi to nɛ k bee fara. Nɛ k baŋ fara anyi to bre, nuso nɛ asheŋ beeŋ ba kaa du n sa basa nɛ b maa nu a sa Ebɔrɛ be baru lela na?