2 Bewura 17:7 - EBƆRƐ BE KAWƆL

⁷ B daŋ kɔ m pɔɔ Samɛria so nna ŋkpal Israɛlebi na ka daŋ wora alubi ŋ gbiti Enyɛnpe bumo be Ebɔrɛ nɛ e mɔlga bumo ashi Ijiptebi be enɔ to nseŋ lara bumo Ijipt be kasawule so dra dra na nna. B daa shuŋ agbirana nna,

2 Bewura 17:7 ပူးပေါင်းရင်းမြစ်များ

1 Bewura 11:4

Ewura Sɔlɔmɔn ka bel nɛ mbe beche na yɛr mo kagbirshuŋ to nɛ e daa maŋ naa ji kashenteŋ a sa Enyɛnpe mbe Ebɔrɛ na fanɛ kananɛ mo tuto ewura Deevid daŋ wora na.

1 Bewura 15:3

E daa maa ji kashenteŋ a sa Enyɛnpe mbe Ebɔrɛ na fanɛ kananɛ mo nananyɛn ewura Deevid daa wora na. E daa wora alubi nɛ mo tuto ewura Rehoboam daŋ wora na nna.

2 Bewura 16:2

Nfɛ adunyɔ nɛ Ahaz daŋ ji pɔɛŋ nseŋ ki ewura, mo alɛ daŋ ji kuwura Jerusalɛm to nfɛ kuduashe nna. E daa maŋ bɛ kebaawɔtɔ lela nɛ mo nananyɛn ewura Deevid daa kɔ na so. E daŋ maŋ wora kusɔ nɛ k bee par Enyɛnpe Ebɔrɛ na.

2 Bewura 17:35

Israɛlebi na nɛ Enyɛnpe Ebɔrɛ na ka daŋ wora kɔnɔkoŋwule be ŋkre na, le nɛ e daŋ kaŋɛ bumo: “Men sa maŋ kaa shuŋ agbir; ŋko a jɔŋɛ amo ase ŋko a lara esarga a sa mo.

1 Kronikɛls 5:25

Ruben nɛ Gad nɛ Manase be epeŋilarkpa be eyiriana na daa maa ji kashenteŋ a sa bumo nananyɛnana be Ebɔrɛ na nseŋ shile mo n ya kaa shuŋ efuliana nɛ Ebɔrɛ ju ashi Keenan be kasawule so na be agbirana.

2 Kronikɛls 36:5

Jehowakim daa la nfɛ adunyɔ nɛ anu nna pɔɛŋ nseŋ ki Juda be ewura nseŋ ji kuwura Jerusalɛm to nfɛ kudukako. E daŋ wora alubi nna ŋ gbiti Enyɛnpe mbe Ebɔrɛ na.

Nehemaya 9:26

Ade kikɛ be kaman b kraŋ lar fo kaman nseŋ kini kewora fo mbra kasonu. B daŋ mɔ fo anebiana nɛ b daŋ kpele bumo kusoe fanɛ b bɛta m ba fo kutɔ na nna. Kumo be kaman nɛ b shoduu fo ketre.

Nshɛ 78:12

Bumo nanaana be anishito nɛ e daŋ wora emamachisheŋ na. Ijipt be efuli so be kebonfu nɛ baa tre Zowan na so nɛ e daŋ wora amo.

Ɛksodɔs 20:2

“Ma e la Enyɛnpe Ebɔrɛ, men be Ebɔrɛ mo nɛ e lara menyi ashi Ijipt be kasawule so, kakpa nɛ men daa wɔ kenyaya to na.

Aizaaya 57:5

Menyi ka bee shuŋ agbirana nɛ menyee fɛ fanɛ e bee sa kakurge so, men wɔtɔ nna a di abar keche nɛ kenyɛn ashi ndibigboŋ nɛ menyee shuŋ agbir na amo be afito. Menyi alɛ naa ta menyi be mbia a lara esarga ashi abeelaŋ nɛ ataŋɛ chiŋgeliŋ nɛ a wɔ abeemase na nna.

Jɛremaya 10:5

Le be agbirana ere du fanɛ asɔ nɛ b ta n yili ndɔ to a ju mbuibi nna. E kɔ nnɔ, amo alɛ maa malga; e kɔ aya amo alɛ maa nite! Amoso baa sulɔ amo nna a nite. Men sa maa ŋana amo; ŋkpal manɛ so, e maaŋ tiŋ n wora menyi shɛŋ. Amo alɛ maaŋ tiŋ n wora kesheŋ lela kikɛ n sa menyi.”

Ezikɛl 39:24

Kusɔ nɛ k daga bumo nɛ n shin nɛ b nya na. Bumo be asheŋ lubi nɛ amu kpakpaso so nɛ n daŋ pal kaman n sa bumo na.”

Hoziya 12:14

Israɛl be basa shin nɛ Enyɛnpe Ebɔrɛ na nya agbo alegaiso. B daŋ daga luwu gba nna ŋkpal bumo be alubi so. Enyɛnpe Ebɔrɛ na malɛ beeŋ gberge bumo kusoe ŋkpal anishinyɔr nɛ b ta n ji mo na so.

Hoziya 4:12

Agbir nɛ b ta ndibi n lɔŋɛ na to nɛ baa yɔ n ya kaa bishi so. Akpabi malɛ nɛ baa bɔla so a kaŋɛ bumo asheŋ. B kini ma nseŋ ta bumo be amu n ya sa agbir fanɛ kananɛ eche bee lar mo kul kaman a ji kesakalea na.

Hoziya 4:13

Abeegboŋ be esoso nɛ baa yɔ n ya ka lara bumo be esarga nsaa chɔɔ eduwu malɛ abeebi so ashi ndibi tenteŋ nɛ a purge ga a kɔ kiyoyul na be afito. Ŋkpal loŋ so nɛ menyi be mbichesobi bee ji kesakalea na, nɛ men shacheana malɛ bee lar bumo kulana be mman a sha benyɛn pɔtɛ.

Ditɛronɔmi 31:29

Ade be kaman n nyi fanɛ ma luwu be kaman, basa na be amu beeŋ ki kpakpa nɛ b kini kusɔ nɛ ŋ ŋini bumo ere n lɛ nseŋ kini kewora Enyɛnpe Ebɔrɛ na kasonu. Kumo be loŋ malɛ beeŋ shin nɛ Enyɛnpe Ebɔrɛ na e nya agbo n wora bumo n shin nɛ kumu lubi gboŋgboŋi e ba bumo so.”

Joshuwa 23:16

Nɛ men baŋ maŋ bɛ kɔnɔ naseso be ŋkre nɛ Enyɛnpe Ebɔrɛ sa menyi na so nsaa wɔtɔ a shuŋ nsaa bunyaŋ agbir bre, kumo ere e beeŋ gberge menyi kusoe agbo so nɛ men paŋ kasawule lela nɛ e ta n sa menyi ere gba.”

Demujipoana 6:10

Ma alɛ e kaŋɛ menyi na fanɛ ma e la Enyɛnpe, menyi be Ebɔrɛ na, men sa maŋ kaŋ shuŋ Amɔriebi nɛ men tase bumo be kasawule so ere be agbirana. Ama menyi maŋ nu n sa ma.”