2 Bewura 17:32 - EBƆRƐ BE KAWƆL

³² Le be basa koŋwule ere kraŋ naa shuŋ Enyɛnpe Ebɔrɛ nna ama b daŋ lara bumo gbagba to b basa ko nna fanɛ b baa yili bumo be katelamu to a lara esarga a sa nnyamase be agbirana.

2 Bewura 17:32 ပူးပေါင်းရင်းမြစ်များ

1 Bewura 12:31

Ewura Jeroboam gba daŋ wora kakpa nɛ baa shuŋ agbir nna ashi abee so nseŋ lara basa nɛ b maŋ shi Livai be kanaŋ to nɛ b ki bɔrɛmatapoana.

1 Bewura 12:33

Kufɔl burwasopo be kachɛ kuduanusopo nɛ mo gbagba lara n yili fanɛ k baa la kachɛgboŋ na nɛ e yɔ Bɛtɛl n ya lara sarga bɔrɛsure na so n ji loŋ be kachɛgboŋ na nseŋ kaŋɛ Israɛlebi na fanɛ b baa ji kumo kanyiŋi so.

1 Bewura 13:31

B ka puli mo n loge na nɛ anebi na kaŋɛ mbe mbinyɛnsobi le: “Ŋ kaŋ baŋ wu, men ta ma kebuni m puli m mata mo.

1 Bewura 13:33

Ade kikɛ be kaman ewura Jeroboam maŋ yige alubi be kewora. E daa wɔtɔ nna a lara basa nɛ b maŋ shi Livai be kanaŋ to a ki bɔrɛmatapoana nɛ b baa shuŋ agbirlambu nɛ e pɔr na to. E daa ta esa kama nɛ e bee sha kabɔrɛmata be kushuŋ nna a ki bɔrɛmatapo.

2 Bewura 17:25

B ka yɔ ndoŋ sososo na, b daa maa shuŋ Enyɛnpe Ebɔrɛ, ŋkpal loŋ so, e daŋ shin nna nɛ ebuluŋ mɔ basa na be beko.

2 Bewura 17:29

Ama basa nɛ b yɛr n ya chena Israɛl na bre daŋ pɔr bumo gbagba be efuli so be agbirana nna nseŋ ta amo n yili n yili Israɛlebi na be mboŋ nɛ b daa shuŋ bumo be agbirana na.

2 Bewura 17:33

B daa shuŋ Enyɛnpe Ebɔrɛ nna nseŋ naa shuŋ bumo be efuliana so be agbirana n ti so.

2 Bewura 17:41

B kraŋ kini nna a shuŋ Ebɔrɛ nsaa shuŋ bumo be agbir a ti so. Hale m ba fo kabre, loŋ nɛ bumo be kaman to ebi gba kraa wora.

2 Bewura 23:19

Ewura Josaya daŋ jija agbir be mboŋ nɛ Israɛl be bewura daŋ lɔŋɛ n yili Israɛl be efuli so be nde to nɛ a kaa Enyɛnpe Ebɔrɛ agbo na kikɛ nna fanɛ kananɛ e daŋ wora Bɛtɛl na gbagba.

Ɛzra 4:2

nɛ b yɔ Zerubabel nɛ mbuna mbuna be benimuana na kutɔ n ya kaŋɛ le: “Men shin nɛ an chɛ menyi to n pɔr. Ŋkpal manɛ so, anyi nɛ menyi kikɛ bee shuŋ Ebɔrɛ koŋwule nna. Yili jemanɛ nɛ Asiriya be ewura, Esahadɔn, bar anyi kasawule ere so hale m ba fo kabre; menyi be Ebɔrɛ ere nɛ anyi alɛ gba bee shuŋ nsaa lara sarga a sa.”

Zefanaiya 1:5

Ma alɛ beeŋ mur bekama nɛ baa dii achoŋi so n ya kaa jɔŋɛ epeŋi nɛ kufɔl nɛ achɛkpabi ase a bunyaŋ amo na. Kumo be kaman nɛ n mur bekama nɛ baa bunyaŋ ma a kaŋɛ fanɛ ma e wɔ bumo, ama nsaa ta kegbir nɛ baa tre Mɔlɛk na be ketre a bɔ ntaŋ na gba.