2 Bewura 17:25 - EBƆRƐ BE KAWƆL

²⁵ B ka yɔ ndoŋ sososo na, b daa maa shuŋ Enyɛnpe Ebɔrɛ, ŋkpal loŋ so, e daŋ shin nna nɛ ebuluŋ mɔ basa na be beko.

2 Bewura 17:25 ပူးပေါင်းရင်းမြစ်များ

1 Bewura 13:24

E ka bee yɔ nɛ buluŋ ya tu mo ekpa to m mɔ mo. E daa dese kubɔrbi na so nna nɛ kurma na nɛ buluŋ na yil mbe kebuni ase.

1 Bewura 20:36

Ndoŋ nna nɛ anebi na kaŋɛ mo le: “Ŋkpal fo ka kini kebɛ Enyɛnpe Ebɔrɛ be kɔnɔ so so, fo baŋ lar ŋ kutɔ nfe, buluŋ beeŋ mɔ fo.” E ka lar malɛ, epul na to nɛ buluŋ mɔ mo.

2 Bewura 17:26

Ndoŋ nna nɛ b shuŋi ŋ kaŋɛ Asiriya be ewura na fanɛ basa nɛ e shin nɛ b ba chena Samɛria na maŋ nyi kasawule na so be edaŋkaresheŋ, amoso nɛ ndoŋ be agbir shuŋi ebuluŋ nɛ b baa kaa mɔ bumo na.

2 Bewura 17:28

Amoso b daŋ lara Israɛl be bɔrɛmatapo ko ashi kabuti to nna nɛ e yɔ Bɛtɛl n ya kaa ŋini basa na kananɛ baa shuŋ Enyɛnpe Ebɔrɛ.

2 Bewura 17:32

Le be basa koŋwule ere kraŋ naa shuŋ Enyɛnpe Ebɔrɛ nna ama b daŋ lara bumo gbagba to b basa ko nna fanɛ b baa yili bumo be katelamu to a lara esarga a sa nnyamase be agbirana.

2 Bewura 17:34

B kraa kɔ loŋ be edaŋkaresheŋ na to hale kabre. B maa shuŋ Enyɛnpe Ebɔrɛ na; bumo alɛ maŋ naa bɛ mbe mbra nɛ e ta n sa Jeekɔb nɛ e chɛrga mbe ketre ŋ ki Israɛl na nɛ mbe kaman to ebi na so.

2 Bewura 17:41

B kraŋ kini nna a shuŋ Ebɔrɛ nsaa shuŋ bumo be agbir a ti so. Hale m ba fo kabre, loŋ nɛ bumo be kaman to ebi gba kraa wora.

2 Bewura 2:24

Elaisha ka gbɛ ŋ keni n wu bumo nɛ e gbɛlɛ bumo nseŋ sho bumo kɔnɔ ashi Enyɛnpe Ebɔrɛ be ketre to. Epul to nɛ eshishiri cheso anyɔ lar kupuŋ to ŋ kpɛa mbia na be adena nɛ anyɔ to chɛbarchɛbarbi.

Aizaaya 15:9

Lɔr nɛ k wɔ kade nɛ baa tre Dibɔn na be nchu kikɛ kilgi ŋ ki ŋklaŋ nna. Ebɔrɛ malɛ kraa kɔ kusɔ nɛ k chɔ loŋ nɛ e wora basa nɛ b wɔ ndoŋ nna. Kashenteŋto, luwu kraa wɔtɔ a jo basa kama nɛ b ka a wɔ Mowab be efuli so na.

Jɛremaya 10:7

Fo e naa ji efuliana na kikɛ so kuwura. Ekama daga fanɛ e maŋkura fo ga nna. Ashi durnya ere to be kaplɛkama, dimɛdi kikɛ maŋ nyi asheŋ a chɔ fo.

Jɛremaya 15:3

Ma, Enyɛnpe Ebɔrɛ na teŋ yili kumo nna fanɛ asheŋ lubi ana ko e naŋ wora bumo. Baaŋ wu kena to nɛ njɔnɔ e baa gbeye bumo be eyurana a kulti nɛ mbuibi e ji bumo be beko nɛ kupuŋ to be asɔbɔya malɛ e we bumo nɛ baŋ ka na.

Jɛremaya 5:6

Amoso bedoŋ beeŋ ba bumo so fanɛ kupo to be ebuluŋ, ŋko keshishɛrsawule so be ekuntuŋ m ba pɛ bumo ŋ kpɛa to n we, nɛ ekarmɛ e sɔ bumo be ndeana to be abɔrbi so a nite a kulti. Nɛ basa na kaŋ lar kowu asɔbɔya na beeŋ pɛ bumo n ji ŋkpal b ka wora alubi damta nseŋ lar Ebɔrɛ kaman na so.

Ezikɛl 14:15

“Ŋko nɛ n shin nɛ asɔbɔya lubi yɔ efuli na so n ya mɔ kumo so be basa nna nɛ kasawule na ki kakpa ŋana so n sa bekama nɛ baa bɔla ndoŋ a choŋ ŋkpal asɔbɔya lubi na so,

Ezikɛl 14:21

Ŋkpal ade kikɛ so, kusɔ nɛ ma Enyɛnpetale Ebɔrɛ na bee kaŋɛ e la fanɛ ekpa nɛ meeŋ bɔla kumo so ŋ gberge Jerusalɛm to be basa kusoe kenishipere so nde: “Meeŋ shin nɛ kena nɛ akoŋgboŋ nɛ asɔbɔya lubi nɛ kulɔ mɔso e ba mɔ basa nɛ asɔbɔya kikɛ.

Danɛl 6:26

N yili mbra ashi ma efuli so kikɛ nna fanɛ ekama e baa ŋana Danɛl be Ebɔrɛ na nsaa sa mo bunyaŋ. Mo e la Ebɔrɛ nɛ e wɔ ŋkpa to na. Mo alɛ bee ji kuwura nna hale mbaanaayɔ. Mbe kuwurji maa ba nɛ kemur kikɛ. Mo alɛ be eleŋ maa loge kikɛ.

Levitikɔs 26:22

Meeŋ shin nɛ asɔbɔya lubi e luri menyi to m mɔ menyi be mbia nseŋ mur menyi be asɔbɔya. Menyi be basa gbrɛbi ko e naaŋ ka, saŋɛ na so nɛ menyi be agbembi e dese fuloŋ.

Jona 1:9

Ndoŋ nna nɛ Jona kaŋɛ le: “N la Hibruw be esa nna. Enyɛnpe Ebɔrɛ nɛ e wɔ ebɔrɛso nseŋ to teku nɛ kasawule kikɛ na nɛ mee shuŋ.”

Joshuwa 22:25

E daŋ shin nna nɛ Jɔɔdan be lɔr na ki anyi Israɛlebi nɛ menyi be egbaŋ to. Enyɛnpe Ebɔrɛ na la Israɛlebi nawule be Ebɔrɛ nna.’ Nɛ kumo be loŋ e shin nɛ an nanabiana e yige kebaabunyaŋ Enyɛnpe na.