2 Bewura 17:20 - EBƆRƐ BE KAWƆL

²⁰ Amoso Enyɛnpe Ebɔrɛ daŋ kplaŋ Israɛlebi nɛ Judaebi na so nna nseŋ gberge bumo kusoe n ju bumo mbe anishito, n yige bumo n sa bumo doŋana nɛ b tɔrɔ bumo ga.

2 Bewura 17:20 ပူးပေါင်းရင်းမြစ်များ

2 Bewura 13:23

Enyɛnpe Ebɔrɛ na daa wu Israɛlebi kuwɔr nna nsaa maa sha b ka mur ŋkpal mo nɛ bumo nananyɛnana Eebraham nɛ Aizek nɛ Jeekɔb be kɔnɔkoŋwule be ŋkre na so.

2 Bewura 13:3

Ŋkpal loŋ so, Enyɛnpe Ebɔrɛ na daŋ nya agbo nna n wɔtɔ Israɛl nseŋ shin nɛ Siriya be ewura Haziɛl nɛ mo pibinyɛn Bɛnhadad kɔ m pɔɔ Israɛl so n ji bumo so kuwura saŋɛ tenteŋ.

2 Bewura 13:7

Ŋkpal Siriya be ewura Haziɛl ka kɔ m pɔɔ Israɛl so nseŋ nɔkɔr bumo ga so, ewura Jehowahaz daa maŋ naa kɔ benapo damta, she egbaŋɛdiipo adunu nɛ egbaŋɛturko kudu nɛ benapo nɛ baa nite ayaso ŋgboŋ kudu nawule.

2 Bewura 15:29

Saŋɛ so nɛ Pɛka daa ji Israɛl be kuwura na, nɛ Asiriya be ewurgboŋ nɛ baa tre Tiglaf Pilesa na kɔ n sɔ Ijɔn nɛ Abel Bɛf Maaka nɛ Janua nɛ Kadɛsh nɛ Hazɔɔ nɛ Giliad nɛ Galili nɛ Naftali be nsawuleana nseŋ pɛ Israɛlebi nɛ b wɔ ndoŋ na n yɔ Asiriya n ya ti ebu.

2 Bewura 17:15

B daa maa bɛ Enyɛnpe Ebɔrɛ na be keŋini so, nseŋ kini kebɛ kɔnɔkoŋwule be ŋkre nɛ mo nɛ bumo nananyɛnana daŋ kre na gba so. B daa maŋ ta mbe kasokpele na gba n tre shɛŋ. B daa wɔtɔ nna a shuŋ agbir fuloŋ nseŋ ki basa fuloŋ. Efuli pɔtɛana nɛ a kulti bumo na be edaŋkaresheŋ nɛ Ebɔrɛ maa sha na nɛ b daa bɛ so.

2 Bewura 17:18

Amoso Enyɛnpe Ebɔrɛ daŋ nya agbo nna ga n wɔtɔ Israɛlebi na nseŋ shin nɛ b pɛ bumo n yɔ kenyaya to efuli wɔfɔ so ŋ ka Judaebi na nawule.

2 Bewura 18:9

Hɛzekaya ka ji kuwura be kafɛ nasopo to, nɛ Ela pibinyɛn Hoshiya malɛ ka ki Israɛl be ewura be kafɛ shunusopo nɛ Shalmaneesa nɛ e la Asiriya be ewurgboŋ na yɛr benapo n ya kɔ Israɛl nseŋ kulti Samɛria be kade n wɔtɔ.

2 Bewura 21:14

Meeŋ kplaŋ basa nɛ b maŋ wu na so nseŋ shin nɛ bumo doŋana e kɔ m pɔɔ bumo so m muu bumo be kasawule na so be asɔ kikɛ.

2 Bewura 23:27

Amoso le nɛ Enyɛnpe Ebɔrɛ na daŋ kaŋɛ: “Meeŋ wora Juda gba kusɔ nɛ n wora Israɛl na. Meeŋ ju Juda be basa ashi ma anishito nseŋ kini Jerusalɛm nɛ k la ma kade na nɛ bɔrɛlambu nɛ baa bunyaŋ ma kumo to ere.”

2 Bewura 24:3

Asheŋ ere daŋ wora nna ŋkpal ewura Manase be alubi damta nɛ e daŋ wora ŋ gbiti Enyɛnpe Ebɔrɛ na nseŋ shin nɛ basa damta wu nɛ

Nehemaya 9:2

B daŋ barga bumo amu ashi befɔ na kutɔ nna nseŋ ya yili m bugi to ŋ kaŋɛ bumo nɛ bumo nanaana be alubi nɛ b wora.

Nshɛ 51:13

Nɛ n ŋini alubiworapoana fo mbra nɛ b bɛta m ba fo kutɔ.

Nshɛ 53:5

Kufu beeŋ pɛ menyi a chɔ kananɛ k daŋ pɛ menyi dra na. Ebɔrɛ beeŋ farnyaŋ mo doŋana be awibi to nɛ anishinyɔr e pɛ menyi ŋkpal Ebɔrɛ ka kini menyi so.

Nshɛ 80:13

Kupuŋ to be asɔbɔya alubi gba bee nya amo be asɔrso a ji.

Aizaaya 2:6

O Ebɔrɛ, fo kplaŋ Israɛlebi nɛ b la fo basa so, ŋkpal b ka yɔ efuli pɔtɛana nɛ a wɔ epeŋilarkpa be kaba so be bekpalpo kutɔ so. B daa luri Filisti be efuli so be belejipo so nna nseŋ daŋ naa tu nnyamase a ji keteri.

Aizaaya 45:25

Ma, Enyɛnpe Ebɔrɛ na e naaŋ mɔlga Israɛl be basa kikɛ, nɛ bumo alɛ e maŋkura ma.”

Jɛremaya 15:1

Ndoŋ nna nɛ Enyɛnpe Ebɔrɛ na kaŋɛ ma le: “Nɛ Mosis nɛ Samuɛl nɛ b daa la anebiana gba ti fo so nfe a kule ma fanɛ n wu basa ere kuwɔr, m maaŋ nu bumo be kekule nseŋ wu bumo kuwɔr. Amoso shin nɛ Juda be basa e lar ma anishi to a yɔ.”

Jɛremaya 46:28

Meeŋ ba menyi kutɔ m ba mɔlga menyi. Ma alɛ beeŋ mur efuliana nɛ n daŋ pesaŋ menyi to n yɔ amo so na, ama m maaŋ mur menyi ere. M maaŋ shin nɛ men wora kulubi nɛ m maŋ gberge menyi kumo be kusoe; ama meeŋ gberge menyi kusoe na nɛ kumo be ekpa so nna. Ma, Enyɛnpe Ebɔrɛ e kaŋɛ na.”

Jɛremaya 52:3

Ewura Zɛdikaya daŋ lar Babilɔn be Ewura Nebukadneeza kaman nna nseŋ wora mo kusoe kpakpaso. Enyɛnpe Ebɔrɛ na daŋ nya agbo ga nna n wɔtɔ Juda nɛ Jerusalɛm be basa nseŋ kilgi kaman n sa bumo. Amoso nɛ e shin nɛ asheŋ lubi bee tu bumo na.

Jɛremaya 7:15

Meeŋ ju menyi n lar ma anishi to fanɛ kananɛ n daŋ ju men kurgepoana, Israɛl be nnaŋ kudu nɛ b daa wɔ kelargato be esoso be kaba so na. Ma Enyɛnpe Ebɔrɛ na e kaŋɛ.”

Hoziya 1:6

Gooma ka naŋ di kedampo nɛ e kurge ebiche. Nɛ Enyɛnpe Ebɔrɛ kaŋɛ Hoziya le: “Nase kebia na be ketre Lo-Ruhaama, kumo be kifito e la m maaŋ naŋ ŋini kasha; ŋkpal manɛ so maaŋ naŋ ŋini Israɛlebi ma kasha ŋko n ta bumo be alubi gba m paŋ bumo.

Hoziya 12:3

Bumo nananyɛn Jeekɔb nɛ mo da Isɔɔ nɛ b daa la mborobi na daŋ kɔ emaŋ nna ashi bumo nio be epunto. Ama Jeekɔb ka ba daŋ nɛ mo nɛ Ebɔrɛ

Jona 1:10

B ka nu loŋ nɛ kufu pɛ bumo ga, ŋkpal manɛ so, Jona teŋ kaŋɛ bumo fanɛ e bee shile Enyɛnpe Ebɔrɛ na nna.

Jona 1:3

Nɛ Jona kini nseŋ shile Enyɛnpe Ebɔrɛ na. E daŋ yɔ kade ko nɛ baa tre Jɔpa nna n ya luri nchu so be kuloŋgboŋ ko nɛ k bee yɔ kadegboŋ ko nɛ baa tre Tashish ashi Speen be efuli so na to.

Matiu 25:41

Ade be kaman nɛ ŋ kaŋɛ bumo nɛ b wɔ ma bena so na le: ‘Basa lubi ere, men shile ma so n yɔ edɛ nɛ b puga n yili Setani nɛ mbe emalaika na to. Edɛ na maa duŋ kikɛ.

Ditɛronɔmi 11:12

Enyɛnpe menyi be Ebɔrɛ na gbagba e naa keni kasawule na so kafɛ kikɛ.

Ditɛronɔmi 32:20

Kumo be kaman nɛ e kaŋɛ le: ‘M maaŋ naŋ chɛ bumo to kikɛ, nseŋ keni kusɔ nɛ k beeŋ wora ŋgbene kpakpasowuraana nɛ b maa ji kashenteŋ ere.

2 Tɛsalɔnikaebi 1:9

Baaŋ nya kemur be kasogberge mbaanaayɔ nɛ Ebɔrɛ e barga bumo ashi mo kutɔ nɛ mbe eleŋ be kemaŋkuragboŋ na to.

Joshuwa 23:13

kumo ere men baa nyi fanɛ Enyɛnpe Ebɔrɛ na maaŋ naŋ ju basa ere saŋɛ nɛ menyee ba ere. Kumo be loŋ malɛ beeŋ shin nɛ b lubi ŋ ki fanɛ kejigbelɛ ŋko kejamaŋ nsaa besa fanɛ kramɔsha ka duŋ esa be kaman ŋko ewi ka da esa be kenishito na. Loŋ malɛ beeŋ baa wora nna hale nɛ men kikɛ e ya mur kasawule lela nɛ Enyɛnpe Ebɔrɛ na sa menyi ere so.

Demujipoana 18:30

Ade be kaman nɛ Dan be yiri to be basa na yuu agbirana na a shuŋ amo nɛ Jonatan nɛ mbe kaman to ebi ki bumo be bɔrɛmatapoana hale n ya fo jemanɛ nɛ bumo doŋana ba kɔ m pɔɔ bumo so nseŋ tintiŋ bumo n yɔ efuli pɔtɛ wɔfɔ ko so. Jonatan ere daa la Mosis pibinyɛn nɛ baa tre Gɛshɔm na be kenana nna.

Demujipoana 2:14

Enyɛnpe Ebɔrɛ na daŋ nya agbo nna n wɔtɔ bumo n shin nɛ beyu ba kɔ bumo n suge bumo be asɔ kikɛ n shile. Kumo be kaman, nɛ Enyɛnpe Ebɔrɛ na naŋ shin nɛ bedoŋ ba kulti bumo n wɔtɔ ŋ kɔ m pɔɔ bumo so. Israɛlebi na daa maŋ naŋ tiŋ ŋ kuŋ bumo be amu ashi bumo doŋana kutɔ.

1 Samuɛl 15:23

Kekini kenu n sa Enyɛnpe Ebɔrɛ du fanɛ kegbaya nna. Nɛ kamoowu malɛ du fanɛ kagbirshuŋ. Ŋkpal fo ka kini kenu n sa Enyɛnpe Ebɔrɛ na so, mo alɛ gba kini fo fanɛ ewura.”

1 Samuɛl 15:26

Nɛ Samuɛl yɛ: “M-m, Fo maaŋ naŋ bɛ ma so n yɔ. Ŋkpal fo ka kini Enyɛnpe Ebɔrɛ be mbra na be kebɛso na so, mo alɛ gba kini fo fanɛ ewura.”

1 Samuɛl 16:1

Nɛ Enyɛnpe Ebɔrɛ kaŋɛ Samuɛl le: “Nchɛ afanɛ nɛ fo shin nɛ fo chena kagbenejijaso a fɛ Sɔɔl be asheŋ? M maŋ naŋ shuli fanɛ e baa la Israɛl be ewura, amoso ta ɔlif be ŋku n yɔ kanyɛn nɛ baa tre Jɛsi nɛ e wɔ Bɛtlɛhɛm na pe. N lara mbe mbia na be eko nɛ e ki Israɛl be ewura.”