2 Bewura 17:17 - EBƆRƐ BE KAWƆL

¹⁷ B daa ta bumo be mbia nna a chɔɔ a lara esarga nnyamase be agbir so nseŋ ki belejipo a kpal. Kusɔ nɛ Enyɛnpe Ebɔrɛ kishi na nɛ baa wora nɛ mbe agbo nyaŋɛ to.

2 Bewura 17:17 ပူးပေါင်းရင်းမြစ်များ

1 Bewura 14:15

Enyɛnpe Ebɔrɛ beeŋ gberge Israɛlebi kusoe nɛ b baa chicha fanɛ kananɛ nchu bee shile a bɛr nchu to be afitiri nɛ a bee yigbuŋ to na. E beeŋ nya agbo nseŋ lara Israɛlebi ashi kasawule lela nɛ e ta n sa bumo nananyɛnana na so nseŋ shin nɛ b pesaŋ to n ya baŋ Yufreetes be lɔrgboŋ be epeŋilarkpa be kaba so kufɔ kufɔ ŋkpal b ka bee shuŋ kegbir nɛ baa tre Ashira na so so.

1 Bewura 21:20

Ewura Ahab ka wu Elaija nɛ e kaŋɛ le: “Ma doŋ, fo wu ma a?” Nɛ anebi Elaija malɛ kaŋɛ le: “Mm, n wu fo. Fo kebaawɔtɔ to kikɛ fee wora alubi nna a gbiti Enyɛnpe Ebɔrɛ na.

1 Bewura 21:25

Esa kama daa maŋ wɔtɔ loŋ be jemanɛ na nɛ kulubi bee wora mo ebel a chɔ ewura Ahab. Mbe eche Jɛzebel malɛ e daŋ shin nɛ e ki loŋ.

2 Bewura 16:3

E daŋ bɛ Israɛl be bewura be kebaawɔtɔ lubi so nna. E daŋ ta mo gbagba pibinyɛn nna n lara sarga chɔɔso n sa agbir. Mo alɛ daa kute basa nɛ b daa wɔ Israɛl be efuli so nɛ Enyɛnpe Ebɔrɛ ju bumo saŋɛ so nɛ Israɛlebi daa ba kasawule na so na to nna.

2 Bewura 17:11

B daa chɔɔ duwu mboŋ ere kikɛ nna a bunyaŋ agbir fanɛ kananɛ efuli pɔtɛana so be basa daa wora pɔɛŋ nɛ Enyɛnpe Ebɔrɛ ju bumo ashi kasawule na so na. Bumo be asheŋ lubi nɛ b daa wora na daŋ pɛ Enyɛnpe Ebɔrɛ agbo ga.

2 Bewura 17:31

nɛ Iwa malɛ be basa pɔr Nibhaaz nɛ Taatak be kegbir na be mpɔrduli; ama Sefavaim bre be basa ta bumo be mbia nna m mɔ n lara sarga chɔɔso n sa bumo be agbir Adramalɛk nɛ Anamalɛk.

2 Bewura 21:6

E daŋ ta mo gbagba pibinyɛn nna n lara sarga chɔɔso ashi ketaŋɛ nɛ baa tre Hinnɔm na to. E daa wora kegbaya nɛ ŋkilgisheŋ nna nsaa yɔ belejipoana kutɔ n ya ka kpal nsaa shuŋ bubuni gba a ti so. E daŋ wora alubi damta nna ŋ gbiti Enyɛnpe Ebɔrɛ n shin nɛ mbe agbo kaa ga.

2 Kronikɛls 28:3

E daa chɔɔ duwu ashi kepla nɛ baa tre Hinnɔm na so nna hale n ta mo gbagba be mbinyɛnsobi n lara sarga chɔɔso n sa agbir. Mo alɛ daa kute basa nɛ b daa wɔ Israɛl be efuli so nɛ Enyɛnpe Ebɔrɛ ju bumo saŋɛ so nɛ Israɛlebi daŋ ba kasawule na so sososo na be asheŋ woraso lubi nɛ Ebɔrɛ kishi ga na to nna.

2 Kronikɛls 33:6

E daŋ ta mbe mbia nna n lara sarga chɔɔso ashi ketaŋɛ nɛ baa tre Hinnɔm na to. E daa wora kegbaya nɛ ŋkilgisheŋ nna nsaa yɔ belejipo kutɔ n ya ka kpal nsaa shuŋ bubuni gba a ti so. E daŋ wora alubi damta nna ŋ gbiti Enyɛnpe Ebɔrɛ n shin nɛ mbe agbo kaa ga.

Aizaaya 47:9

Ama kachɛ koŋwule pati nɛ asheŋ ntuŋ anyɔ ere kikɛ beeŋ tu menyi. Kegbaya damta nɛ men ta yirda n to so ere be kaman, menyeeŋ ki fanɛ esa nɛ e paŋ mo kul nɛ mbia kikɛ.

Aizaaya 50:1

Enyɛnpe Ebɔrɛ na yɛ: “Menyee fɛ fanɛ ŋ kini ma basa nna nseŋ ju bumo n lɛ fanɛ kananɛ enyɛn bee kini mbe eche nsaa ju mo a lɛ na. To, nnɛ nɛ kakilgboŋi be nwɔl na wɔ? Menyee fɛ nna fanɛ ma e fa menyi fanɛ anya ŋ ka kukɔ fanɛ kananɛ esa bee fa mbe mbia fanɛ anya a ka kukɔ na a? Ama mannɛ aloŋ nna, menyi be alubi so nɛ b pɛ menyi anya n yɔ. Menyi be aworandeso so nɛ b sulɔ menyi n yɔ efuli pɔtɛana so.

Aizaaya 8:19

Ama basa beeŋ kaŋɛ menyi fanɛ men yɔ bekpalpo nɛ belejipo nɛ baa gbar a jugeto na kutɔ n ya bishi so n nu abɔya nɛ a wɔtɔ. Baaŋ kaŋɛ le: “Basa bee yili bumo nɛ b wɔ ŋkpa to be katelamu to nna a bishi abɔya ashi ayoyu nɛ bubuni kutɔ.”

Jɛremaya 19:5

nseŋ pɔr agbirsure n yili abeebi so n sa kegbir nɛ baa tre Baal na, saŋɛ na so baaŋ baa chɔɔ bumo be mbia a lara esarga amo so a sa kegbir na. Ma alɛ maŋ yili kumo loŋ n sa bumo. Loŋ maŋ naŋ ba ma nfɛra to gba kuraa.

Jɛremaya 25:7

Ama Enyɛnpe Ebɔrɛ na gbagba kaŋɛ fanɛ men kini kenu n sa mo nsaa shuŋ agbirana nɛ mbe kagbene kaa. Amoso men gbagba e bar kasogberge na menyi be amu so.

Jɛremaya 27:9

Men sa maa nu a sa menyi be anebiana ŋko basa nɛ baa kaŋɛ fanɛ bumo ere bee tiŋ a bɔla edare so ŋko a tre basa nɛ b wu be ayoyu a bishi so ŋko a kpal a wu echefoso be asheŋ a kute na. Ŋkpal manɛ so, bumo kikɛ bee kaŋɛ menyi nna fanɛ men sa maa nu a sa Babilɔn be ewura Nebukadneeza.

Jɛremaya 7:31

Bumo alɛ naŋ pɔr kegbirsure nɛ baa tre Tofɛf na ashi Hinnɔm be ketaŋɛ to, saŋɛ na so baaŋ baa chɔɔ bumo be mbia edɛ to a lara esarga kumo so. N daŋ maŋ yili loŋ n sa bumo fanɛ b baa wora. M maŋ naŋ fɛ kumo be asheŋ gba kuraa.

Ezikɛl 16:21

Fo mɔ ma mbia n lara sarga n sa agbirana.

Ezikɛl 20:26

B daŋ naŋ bɔla bumo gbagba be esarga so n jija bumo be kebaawɔtɔ nna. B daa ta bumo be ewurkoŋ nna a lara esarga. N daŋ shin nɛ loŋ wora nna nɛ kufu e pɛ bumo nɛ b pin fanɛ ma e la Enyɛnpe na.

Ezikɛl 20:31

Jemanɛ nɛ menyee ta menyi be mbia a lara esarga a sa agbirana na hale nɛ mbre na, menyee jija menyi be amu nɛ menyi be kebaawɔtɔ nna na. O Israɛlebi, a daga ŋ ka naŋ sa menyi ekpa nɛ men bishi ma kusɔ ko a? Ma, Enyɛnpetale Ebɔrɛ e naa kaŋɛ menyi kashenteŋto na fanɛ m maaŋ sa menyi ekpa nɛ men bishi ma shɛŋ.

Ezikɛl 23:37

B bɔla kagbirshuŋ so n ji kubojua, kumo e la fanɛ b maŋ ji kashenteŋ n sa ma nseŋ ta ma mbia n m mɔ n lara esarga n sa agbirana.

Ezikɛl 23:39

Kachɛ nɛ b mɔ ma mbia n lara esarga n sa agbirana na nɛ b ba ma bɔrɛlambu na to nɛ kumo be loŋ shin nɛ k ki kakpa nɛ k maŋ naŋ daga fanɛ b shuŋ ma ndoŋ.

Levitikɔs 18:21

Sa maŋ kaŋ ta fo pibi kama n sa nɛ b lara sarga n sa kegbir nɛ baa tre Mɔlɛk na, ŋkpal manɛ so, k beeŋ ŋaba men Nyɛnpe Ebɔrɛ na be ketre.

Levitikɔs 19:26

Men sa maŋ kaŋ ji eblaŋ nɛ ŋklaŋ kraa wɔ kumo to. Men sa maŋ kaa kpal ŋko a wora kegbaya be asheŋ kikɛ.

Levitikɔs 19:31

Men sa maa yɔ basa nɛ baa tre abuniyoyu a kpal na kutɔ n ya kaa fin kepin asheŋ to, ŋkpal manɛ so, baaŋ shin nɛ men luri eyurpi to. Ma e la Enyɛnpe, men be Ebɔrɛ na.

Maika 5:12

Meeŋ naŋ jija kegba be adur nɛ men kɔ na nɛ men maaŋ naa tiŋ a to abar akprambi ashi menyi be kasawule so.

Ashuŋ Shunso 16:16

Kachako an ka bee yɔ kabɔrɛkulekpa nɛ kebichebi ko nɛ kiyoyu lubi ko daa wɔ mo to a shin nɛ e daa wu asheŋ a kaŋɛ na tu anyi. Mbe kewu asheŋ ŋ kaŋɛ na daa shin nɛ e daa nya amansherbi damta ga nna a sa mo nyɛnpeana.

Romebi 7:14

An nyi mbra na ka la abɔrɛsheŋ, ama ma ere la nyiŋgbasa nna nɛ alubi kɔ ma fanɛ kenya.

Galeeshaebi 5:26

Men sa maŋ shin nɛ an baa kɔ kamoowu ŋko a ta abar a wɔtɔ agbo to ŋko a besa abar eyur.

Ditɛronɔmi 32:16

Bumo be kagbirshuŋ daŋ shin nɛ Enyɛnpe Ebɔrɛ na be kukɔrkɔ koso nna; nɛ bumo be asheŋ lubi shin nɛ mbe kagbene kaa.

Ditɛronɔmi 4:25

Nɛ men ka ya chena kasawule na so n chɛr nseŋ kurge mbia nɛ benanabi gba, men sa maŋ kaŋ lɔŋɛ kegbir be yiri kikɛ m bɔla kumo so n wora kulubi. K la kulubi nɛ Enyɛnpe Ebɔrɛ na kishi nna nɛ kumo alɛ bee wɔtɔ mo agbo to.