2 Bewura 16:8 - EBƆRƐ BE KAWƆL

⁸ Amoso ewura Ahaz daŋ ta asɔ ko nna ashi bɔrɛlambu na to nɛ ewura be laŋ to nɛ bejuŋkparpoana na pe n ya sa Asiriya be ewura na.

2 Bewura 16:8 ပူးပေါင်းရင်းမြစ်များ

2 Bewura 12:19

B daŋ sibɛ kusɔ kama nɛ ewura Jɔash wora kikɛ n wɔtɔ Juda be bewura be adrasheŋ be nwɔl to.

2 Bewura 15:19

Asiriya be ewurgboŋ Tiglaf Pilesa daŋ ba kɔ Israɛl kena nna nɛ Menahɛm sa mo shuwa kilo ŋgboŋ adesa saŋɛ na so mo nɛ mo beeŋ ba wɔ ebel nɛ e chɛ mo to n shin nɛ mbe efuli so ebi e baa nu a sa mo.

2 Bewura 17:3

Saŋɛ so nɛ Hoshiya bee ji kuwura na, Asiriya be ewurgboŋ Shalmaneesa daŋ kre kena nna n ya kɔ m pɔɔ Israɛl so nɛ ewura Hoshiya bee ka lampo a sa mo kafɛ kikɛ.

2 Kronikɛls 16:2

Ndoŋ nna nɛ ewura Asa shin nɛ b lara gbiti nɛ shuwa ashi bɔrɛlambu na to nɛ ewurkpa n ya sa ewura Bɛnhadad nɛ e la Siriya be ewura na ashi Damaskɔs na, nseŋ kaŋɛ mo le:

Aizaaya 2:6

O Ebɔrɛ, fo kplaŋ Israɛlebi nɛ b la fo basa so, ŋkpal b ka yɔ efuli pɔtɛana nɛ a wɔ epeŋilarkpa be kaba so be bekpalpo kutɔ so. B daa luri Filisti be efuli so be belejipo so nna nseŋ daŋ naa tu nnyamase a ji keteri.

Aizaaya 7:17

Ama Enyɛnpe Ebɔrɛ na beeŋ shin nɛ etɔrɔ damta nɛ a chɔ etɔrɔ kama nɛ a daŋ ba menyi so, yili jemanɛ nɛ Israɛl nɛ Juda be kuwurji barga to m ba fo kabre na, e ba fo nɛ fo basa nɛ fo tuto be laŋ to ebi kikɛ so. E beeŋ shin nɛ efuli nɛ baa tre Asiriya na be ewura gba e ba kɔ menyi kena.

Maika 1:14

Amoso menyi Judaebi e kela Moreshɛf Gaaf be kade to ebi na fanɛ menyee yɔ. Ŋkpal manɛ so Israɛl be bewura maaŋ naŋ nya kechɛto ashi Akzib be kade to.