2 Bewura 16:4 - EBƆRƐ BE KAWƆL

⁴ Ahaz daa lara mbe esarga nsaa chɔɔ duwu mboŋ nɛ nnyamase bee shuŋ bumo be agbir ashi abee so nɛ ndibi be afito nna.

2 Bewura 16:4 ပူးပေါင်းရင်းမြစ်များ

1 Bewura 14:23

B daŋ pɔr agbirlambuana nna nseŋ ta ajembu m pɔr eshabɔrɛ nɛ kegbirche Ashira be mpɔrduli n yili abee so nɛ ndibigboŋ nɛ a maaŋ gbaŋgbaŋ amo be afantaŋ be afito nsaa bunyaŋ amo.

2 Bewura 12:4

Kachako nɛ ewura Jɔash tre bɔrɛmatapoana na ŋ kaŋɛ bumo fanɛ b sɔ etoto nɛ elampo be amansherbi nɛ b chala na kikɛ n wɔtɔ bɔrɛlambu be kpanjawu na to.

2 Bewura 14:4

Amaziya daa maŋ bure bumo be kakpa nɛ baa shuŋ agbir na amoso ndoŋ nɛ b daa lara bumo be esarga nsaa chɔɔ eduwu.

Nshɛ 78:58

B daŋ pɔr agbirana nna n yili agurɔŋgu so a shuŋ; n shin nɛ Ebɔrɛ be kukɔrkɔ koso nɛ e nya agbo ga.

Aizaaya 65:4

Kanyɛso malɛ baa yɔ nchaŋ ase nna n ya kaa bishi so a fin abuniyoyu be kechɛto. Bumo alɛ naa we epreku be eblaŋ nna nsaa fe asɔbɔya nɛ b ta n lara esarga n sa agbir be epochu.”

Aizaaya 66:17

Menyi to be beko bee bela ase nna a yɔ adɔbi to n ya kaa shuŋ efuli pɔtɛana so be agbir cheso. Menyi alɛ bee ji epreku nɛ eshiboe nɛ asɔ damta nɛ a la ekishi n sa menyi na nna. Ma, Enyɛnpe Ebɔrɛ na beeŋ mur menyi ŋkpal loŋ so.

Jɛremaya 17:2

Menyi be basa yuu nnyamase be agbirsure nna a shuŋ kegbirche nɛ baa tre Ashira na ashi efuli na so be abeebi nɛ abeegboŋ nɛ ndibigboŋ nɛ e kɔ afantaŋ ga kikɛ be afito. Amoso meeŋ ta asɔ nɛ men kɔ kikɛ nɛ menyi be agbirsure n ti so n sa men doŋana.

Ezikɛl 43:7

“Dimɛdi pibi, Ezikɛl, ma kuwurputi be kakpa nna na. Meeŋ baa wɔ Israɛl be basa nɛ b la ma basa ere to a ji kuwura bumo so hale mbaanaayɔ. Israɛl be basa ŋko bumo be bewuraana maaŋ naŋ shuŋ agbirana ŋko n wora kanyiŋi be asɔ nɛ a bee ŋaba ma ketre cheembi na n yili nfe n sa bumo be bewura nɛ b wu na.

Ezikɛl 6:13

Jemanɛ nɛ bumo be basa beeŋ wu n dese abeebi nɛ abeegboŋ be awɔlto nɛ ndibi gboŋ be yiri nɛ a la bumo be agbirana be eshuŋkpaana nɛ baa chɔɔ duwu a sa bumo be agbirana kikɛ be afito na nɛ baaŋ pin fanɛ ma e la Enyɛnpetale Ebɔrɛ na.

Ditɛronɔmi 12:2

Men ya jija abee jeŋgreŋ nɛ agoŋgulombi nɛ ndibigboŋ nɛ basa na ta ŋ ki bumo be agbirshuŋkpa na kikɛ.