2 Bewura 16:3 - EBƆRƐ BE KAWƆL

³ E daŋ bɛ Israɛl be bewura be kebaawɔtɔ lubi so nna. E daŋ ta mo gbagba pibinyɛn nna n lara sarga chɔɔso n sa agbir. Mo alɛ daa kute basa nɛ b daa wɔ Israɛl be efuli so nɛ Enyɛnpe Ebɔrɛ ju bumo saŋɛ so nɛ Israɛlebi daa ba kasawule na so na to nna.

2 Bewura 16:3 ပူးပေါင်းရင်းမြစ်များ

1 Bewura 14:24

B daa kɔ beche nɛ benyɛn be esakale kakpa nɛ baa shuŋ agbir na nna, nɛ Judaebi na daa wora ekishi be asheŋ nɛ basa nɛ Enyɛnpe Ebɔrɛ daŋ ju kasawule na so dra dra, saŋɛ so nɛ Israɛlebi na daa ba nɛ b ba chena kumo so na, daa wora na nna.

2 Bewura 17:16

Israɛlebi na daŋ kini kebɛ Enyɛnpe bumo be Ebɔrɛ na be mbra so nna nseŋ ta shuwa n lɔŋɛ egbolu fɔlbi anyɔ a shuŋ amo. B daŋ naŋ lɔŋɛ kegbirche Ashira gba be kapɔrduli nna nsaa shuŋ kumo nɛ achɛkpabi nɛ kegbir nɛ baa tre Baal na.

2 Bewura 17:17

B daa ta bumo be mbia nna a chɔɔ a lara esarga nnyamase be agbir so nseŋ ki belejipo a kpal. Kusɔ nɛ Enyɛnpe Ebɔrɛ kishi na nɛ baa wora nɛ mbe agbo nyaŋɛ to.

2 Bewura 17:19

Judaebi na gba daa maŋ naa bɛ Enyɛnpe bumo be Ebɔrɛ na be mbra so nɛnɛ. Kusɔ nɛ Israɛlebi na daŋ wora na gbagba nɛ bumo alɛ gba daa wora.

2 Bewura 17:8

nsaa bɛ basa nɛ Enyɛnpe Ebɔrɛ ju kasawule na so na be edaŋkaresheŋ nɛ asheŋ lubi nɛ Israɛl be bewura bar Israɛl be efuli so na kikɛ so nna.

2 Bewura 21:11

“Ewura Manase be asheŋ nɛ e daŋ wora na daŋ lubi a chɔ kusɔ nɛ Keenanebi na daŋ wora gba. E daŋ shuŋ agbir nna nseŋ shin nɛ Juda be efuli so ebi gba luri kulubi to.

2 Bewura 21:2

Manase daŋ kini kenu n sa Enyɛnpe Ebɔrɛ nna nseŋ bɛ efuliana nɛ Enyɛnpe Ebɔrɛ ju kasawule na so, saŋɛ so nɛ e ta kasawule na n sa mbe basa Israɛlebi sososo na be asheŋ nɛ Ebɔrɛ kishi ga na so.

2 Bewura 21:6

E daŋ ta mo gbagba pibinyɛn nna n lara sarga chɔɔso ashi ketaŋɛ nɛ baa tre Hinnɔm na to. E daa wora kegbaya nɛ ŋkilgisheŋ nna nsaa yɔ belejipoana kutɔ n ya ka kpal nsaa shuŋ bubuni gba a ti so. E daŋ wora alubi damta nna ŋ gbiti Enyɛnpe Ebɔrɛ n shin nɛ mbe agbo kaa ga.

2 Bewura 21:9

Ewura Manase daŋ shin nɛ Juda nɛ Jerusalɛm be basa wora alubi a chɔ amo nɛ efuliana nɛ Enyɛnpe Ebɔrɛ ju kasawule na so saŋɛ so nɛ mbe basa daa ba kumo so sososo na daa wora na nna.

2 Bewura 23:10

Ewura Josaya daŋ bɔla daŋkare be ekpa so nna n jija Tofɛf nɛ k wɔ Bɛnhinnɔm be ketaŋɛ to be bɔrɛsure na, saŋɛ na so b maaŋ naa ta bumo be bibinyɛn ŋko bibiche a lara sarga a sa Mɔlɛk be kegbir na.

2 Bewura 8:18

Ewura Jehoram daŋ ta ewura Ahab pibiche nna, amoso e daa wora asheŋ nna fanɛ ewura Ahab be kanaŋ to ebi nɛ Israɛl be bewura nseŋ wora alubi ŋ gbiti Enyɛnpe Ebɔrɛ na.

2 Kronikɛls 33:2

E daŋ kini kenu n sa Enyɛnpe Ebɔrɛ nna nseŋ bɛ efuliana nɛ Enyɛnpe Ebɔrɛ ju kasawule na so, saŋɛ so nɛ mbe basa Israɛlebi bee ba kumo so sososo na be asheŋ nɛ Ebɔrɛ kishi ga na so.

2 Kronikɛls 33:6

E daŋ ta mbe mbia nna n lara sarga chɔɔso ashi ketaŋɛ nɛ baa tre Hinnɔm na to. E daa wora kegbaya nɛ ŋkilgisheŋ nna nsaa yɔ belejipo kutɔ n ya ka kpal nsaa shuŋ bubuni gba a ti so. E daŋ wora alubi damta nna ŋ gbiti Enyɛnpe Ebɔrɛ n shin nɛ mbe agbo kaa ga.

Nshɛ 106:35

Ama b daŋ ji bumo keteri nna hale a wora asheŋ nnyamase na be edaŋkare be ekpa so.

Aizaaya 57:5

Menyi ka bee shuŋ agbirana nɛ menyee fɛ fanɛ e bee sa kakurge so, men wɔtɔ nna a di abar keche nɛ kenyɛn ashi ndibigboŋ nɛ menyee shuŋ agbir na amo be afito. Menyi alɛ naa ta menyi be mbia a lara esarga ashi abeelaŋ nɛ ataŋɛ chiŋgeliŋ nɛ a wɔ abeemase na nna.

Jɛremaya 32:35

Bumo alɛ daŋ naŋ pɔr agbirsure nna n yili Hinnɔm be Ketaŋɛ to n sa Baal be kegbir nsaa ta bumo be mbia a lara esarga a sa kegbir nɛ baa tre Mɔlɛk na. N daŋ maŋ yili bumo fanɛ b ba wora loŋ. K daŋ maŋ ba ma nfɛra to gba fanɛ baaŋ wora le be ekishisheŋ ere n shin nɛ Juda be basa e luri kulubi to.”

Ezikɛl 16:21

Fo mɔ ma mbia n lara sarga n sa agbirana.

Ezikɛl 16:47

Fo baa maŋ kute bumo be kebaawɔtɔ to nna n wora ekishisheŋ nɛ b wora na nawule, ama fo wora amo nɛ a chɔ bumo peya na gba kuraa.”

Ezikɛl 20:26

B daŋ naŋ bɔla bumo gbagba be esarga so n jija bumo be kebaawɔtɔ nna. B daa ta bumo be ewurkoŋ nna a lara esarga. N daŋ shin nɛ loŋ wora nna nɛ kufu e pɛ bumo nɛ b pin fanɛ ma e la Enyɛnpe na.

Ezikɛl 20:31

Jemanɛ nɛ menyee ta menyi be mbia a lara esarga a sa agbirana na hale nɛ mbre na, menyee jija menyi be amu nɛ menyi be kebaawɔtɔ nna na. O Israɛlebi, a daga ŋ ka naŋ sa menyi ekpa nɛ men bishi ma kusɔ ko a? Ma, Enyɛnpetale Ebɔrɛ e naa kaŋɛ menyi kashenteŋto na fanɛ m maaŋ sa menyi ekpa nɛ men bishi ma shɛŋ.

Levitikɔs 18:21

Sa maŋ kaŋ ta fo pibi kama n sa nɛ b lara sarga n sa kegbir nɛ baa tre Mɔlɛk na, ŋkpal manɛ so, k beeŋ ŋaba men Nyɛnpe Ebɔrɛ na be ketre.

Levitikɔs 20:2

fanɛ e kaŋɛ Israɛlebi na le: “Israɛl be esa kama ŋko efɔ kama nɛ e wɔ Israɛl be efuli so nseŋ ta mbe kebia n lara sarga n sa kegbir Mɔlɛk, daga fanɛ kade na to ebi kikɛ ka kpa mo ajembu m mɔ.

Maika 6:7

N ta mbolpɔ ŋgboŋto ŋgboŋto ŋko ɔlif be ŋku nɛ e du fanɛ lɔr be bɔlɔ m ba mo kutɔ, k beeŋ par mo a? N ta ma wurkoŋnyɛn n lara sarga n sa mo ŋkpal ma alubi so a?

Ditɛronɔmi 12:31

Men sa maŋ kaa shuŋ Enyɛnpe menyi be Ebɔrɛ na ekpa nɛ baa bɔla so a shuŋ bumo be agbirana na. Ŋkpal manɛ so, ashi bumo be kagbirshuŋ to baa kaa wora ekishisheŋ nɛ Enyɛnpe Ebɔrɛ na kishi nna. Bumo alɛ bee kaa mɔ bumo mbia a chɔɔ a lara esarga bumo be agbirsureana so nna.

Ditɛronɔmi 18:10

Men sa maŋ kaa chɔɔ menyi be mbia ebɔrɛsure so a lara esarga. Menyi alɛ e sa maŋ shin nɛ menyi be basa e baa kpal ŋko a kɔ mputi ŋko a to akprambi ŋko a kre mbre. Kumo be kaman men sa maŋ kaa malga bubuni kutɔ a bishi so a fin kenu kusɔ ko bumo kutɔ.