2 Bewura 16:10 - EBƆRƐ BE KAWƆL

¹⁰ Ade kikɛ be kaman ewura Ahaz ka yɔ Damaskɔs n ya tu ewurgboŋ Tiglaf Pilesa na, nɛ e wu bɔrɛsure ko ndoŋ. Kumo be kaman nɛ e shin nɛ b ta kumo be foto n ya sa bɔrɛmatapo Uriya fanɛ e keni so m pɔr kumo be kaduli.

2 Bewura 16:10 ပူးပေါင်းရင်းမြစ်များ

2 Bewura 15:29

Saŋɛ so nɛ Pɛka daa ji Israɛl be kuwura na, nɛ Asiriya be ewurgboŋ nɛ baa tre Tiglaf Pilesa na kɔ n sɔ Ijɔn nɛ Abel Bɛf Maaka nɛ Janua nɛ Kadɛsh nɛ Hazɔɔ nɛ Giliad nɛ Galili nɛ Naftali be nsawuleana nseŋ pɛ Israɛlebi nɛ b wɔ ndoŋ na n yɔ Asiriya n ya ti ebu.

2 Bewura 16:11

Ndoŋ nna nɛ Uriya pɔr bɔrɛsure na be kaduli gbagba n loge pɔɛŋ nɛ Ahaz bɛta m ba.

2 Bewura 21:4

E daŋ pɔr agbir be ebɔrɛsure ashi bɔrɛlambu nɛ Enyɛnpe Ebɔrɛ kaŋɛ fanɛ ndoŋ nɛ baaŋ baa shuŋ mo mbaanaayɔ na to nna.

1 Kronikɛls 28:19

Kumo be kaman nɛ ewura Deevid naŋ kaŋɛ Sɔlɔmɔn le: “Kananɛ Enyɛnpe Ebɔrɛ ŋini ma bɔrɛlambu na be kananɛ k daga fanɛ b pɔr kumo nna na.”

Nshɛ 106:39

Kusɔ nɛ b daŋ wora na shin nɛ b wora eyurpi daŋkare be ekpa so nna. B daa maŋ ji kashenteŋ n sa Ebɔrɛ.

Ɛksodɔs 24:4

Ndoŋ nna nɛ Mosis sibɛ Enyɛnpe Ebɔrɛ be mmalga na kikɛ n nase. Kare ka chɛ kachipurdidi nɛ e wule ŋ koso n ya yuu bɔrɛsure ashi kebee na be kaseto nseŋ ta ajembu tenteŋ kuduanyɔ n yuu nɛ a yili n sa Israɛlebi be eyiri kuduanyɔ na.

Ɛksodɔs 39:43

Mosis ka keni asɔ nɛ basa na lɔŋɛ na kikɛ n loge na nɛ e wu fanɛ b wora kushuŋ na kananɛ Enyɛnpe Ebɔrɛ daŋ kaŋɛ na gbagba chap. Ndoŋ nna nɛ Mosis nɛfa bumo.

Aizaaya 8:2

Meeŋ kaŋɛ Yuriya nɛ e la bɔrɛmatapo na nɛ Zakareya nɛ e la Jeberekiya pibinyɛn na nɛ b baa la eshɛdajipo nɛ esa beeŋ tiŋ n yirda bumo a laŋɛ kumo be kaplɛa so.”

Jɛremaya 10:2

E yɛ: “Men sa maa kute efuli pɔtɛana na be basa to a wora asheŋ. Menyi alɛ e sa maŋ shin nɛ asheŋ nɛ e bee wora awɔlpa so a ta kufu a da efuli pɔtɛana na be basa na, e baa ta kufu a da menyi alɛ gba.

Ezikɛl 16:28

Ŋkpal benyɛn nɛ fo kɔ na ka maa kukwe fo so fo kra naŋ ya tu Asiriya be basa malɛ gba nna n ji kesakalea. Bumo alɛ gba maŋ kukwe fo.

Ezikɛl 43:11

Nɛ fanɛ bumo be asheŋ woraso kaŋ pɛ bumo nyɔmɔ nɛ bumo be ŋgbene jija bumo, fo bugi kananɛ bɔrɛlambu na du na be asheŋ to n sa bumo. Kute kumo be mbuna nɛ kananɛ k dese nɛ kumo to be asɔ be asheŋ nɛ mbraana nɛ a wɔtɔ a laŋɛ kumo be kaplɛa so be asheŋ n sa bumo. Fo alɛ e sibɛ ade kikɛ n nase n sa bumo saŋɛ na so baaŋ wu kananɛ kusɔ kama dese nseŋ tiŋ n wora m bɛ mbraana na so.

Ezikɛl 43:8

Israɛl be bewura daŋ pɔr bumo be ewurkpaana nna m mata ma bɔrɛlambu cheembi na ga. Egbal e daa wɔ ma nɛ bumo be nferinto. B daa wora asheŋ jiga nna a ŋaba ma ketre cheembi na, amoso nɛ n daŋ nya agbo m mur bumo na.

Ezikɛl 44:12

Ama ŋkpal Livaiebi ere ka chɛ Israɛl be basa na to jemanɛ nɛ b daa shuŋ agbirana na so, ma, Enyɛnpetale Ebɔrɛ na bee nase kɔnɔ nna fanɛ Livaiebi na beeŋ nya kasogberge.

Matiu 15:6

To, kananɛ menyee keni Ebɔrɛ be kamalga na jiga nsaa bɛ menyi gbagba be edaŋkaresheŋ so nna na.

Matiu 15:9

Bumo be kebunyaŋ ma la bunyaŋ fuloŋ nna, ŋkpal manɛ so, nyiŋgbasa be mbra nɛ b ta ŋ ki Ebɔrɛ peya a ŋini.’ ”

Romebi 12:2

Men sa maa ta menyi be ŋgbene a wɔtɔ durnya ere to ebi be asheŋ to, men shin nɛ Ebɔrɛ e chɛrga menyi be ŋgbene n sa menyi nɛ men nya nfɛra popɔr. Saŋɛ na so nɛ menyeeŋ tiŋ m pin kusɔ nɛ Ebɔrɛ bee sha, kumo e la fanɛ alelasheŋ, mbe aparsheŋ nɛ asɔ nɛ a daga.

Ditɛronɔmi 12:30

Enyɛnpe menyi be Ebɔrɛ na kaŋ mur efuliana na be kaman, men baa da so nɛ menyi maaŋ kute bumo be kabɔrɛshuŋ to. Ŋkpal manɛ so, k beeŋ baa la luwu nna n sa menyi. Men sa maŋ kaa fin kepin kananɛ baa shuŋ bumo be agbirana to gba, saŋɛ na so nɛ men baa bɔla loŋ be ekpa so a shuŋ Enyɛnpe Ebɔrɛ na.

Joshuwa 22:28

Anyi alɛ be nfɛra e la fanɛ, nɛ loŋ kaŋ wora, an nanabiana beeŋ tiŋ ŋ kaŋɛ le: ‘An nananyɛnana daŋ pɔr bɔrɛsure fanɛ kumo nɛ k wɔ Enyɛnpe Ebɔrɛ be wajɛbu na be anishito ashi Jerusalɛm na nna. K daa maŋ la esarga chɔɔso nɛ sarga be kelara be bɔrɛsure nna, ama k daa la shɛda nna n sa anyi be basa nɛ menyi be basa.’

1 Pita 1:18

Ŋkpal manɛ so, men nyi fanɛ mannɛ asɔ nɛ a beeŋ tiŋ n jija fanɛ egbiti nɛ eshuwa nɛ b daŋ ta n sɔ menyi ashi men be kebaawɔtɔ fuloŋ mo nɛ men nya ashi men nanaana kutɔ na n yige.