2 Bewura 14:3 - EBƆRƐ BE KAWƆL

³ Amaziya daŋ wora kusɔ nɛ k par Ebɔrɛ, ama mo alɛ daa maŋ wora kumo nɛ kagbene koŋwule fanɛ kananɛ mo nananyɛn ewura Deevid bre daa wora na. Kusɔ nɛ mo tuto Jɔash daŋ wora na gbagba nɛ mo alɛ gba daŋ wora.

2 Bewura 14:3 ပူးပေါင်းရင်းမြစ်များ

1 Bewura 11:4

Ewura Sɔlɔmɔn ka bel nɛ mbe beche na yɛr mo kagbirshuŋ to nɛ e daa maŋ naa ji kashenteŋ a sa Enyɛnpe mbe Ebɔrɛ na fanɛ kananɛ mo tuto ewura Deevid daŋ wora na.

1 Bewura 15:11

Ewura Asa daŋ wora kusɔ nɛ k niŋi nsaa walɛ Enyɛnpe mbe Ebɔrɛ na be anishito nna fanɛ kananɛ mo nananyɛn ewura Deevid daŋ wora na.

1 Bewura 15:3

E daa maa ji kashenteŋ a sa Enyɛnpe mbe Ebɔrɛ na fanɛ kananɛ mo nananyɛn ewura Deevid daa wora na. E daa wora alubi nɛ mo tuto ewura Rehoboam daŋ wora na nna.

1 Bewura 3:3

Ewura Sɔlɔmɔn ka daa sha Enyɛnpe Ebɔrɛ ga so, e daŋ bɛ kusɔ nɛ mo tuto ewura Deevid kaŋɛ mo so nna. Mo alɛ gba daa ta asɔbɔya nna a lara sarga nsaa chɔɔ duwu ashi abee so be kakpa nɛ baa bunyaŋ Enyɛnpe Ebɔrɛ na.

2 Bewura 12:2

E daa wora kusɔ nɛ k walɛ Enyɛnpe Ebɔrɛ be anishito nna ŋkpal manɛ so bɔrɛmatapo Jehowada e daŋ bela mo.

2 Bewura 14:2

Amaziya ka ki ewura, nɛ e la nfɛ adunyɔ nɛ anu nna nseŋ ji kuwura Jerusalɛm to nfɛ adunyɔ nɛ akpanu. Mo nio be ketre e daa la Jehɔadin nɛ e shi Jerusalɛm.

2 Bewura 14:4

Amaziya daa maŋ bure bumo be kakpa nɛ baa shuŋ agbir na amoso ndoŋ nɛ b daa lara bumo be esarga nsaa chɔɔ eduwu.

2 Bewura 18:3

E daŋ bɛ mo nananyɛn ewura Deevid be aya so nna nseŋ wora kusɔ nɛ keniŋi Enyɛnpe Ebɔrɛ na be anishito.

2 Bewura 22:2

E daa wora asheŋ nɛ a niŋi ashi Enyɛnpe Ebɔrɛ be anishito nna nsaa bɛ mo nananyɛn ewura Deevid be aya so nɛ Ebɔrɛ be mbra na kikɛ so dede.

2 Kronikɛls 24:17

Ewura Jehowada ka wu na be kaman nɛ Juda be bejuŋkparpoana na ya bunyaŋ ewura Jɔash nseŋ lɔlɔ mo nɛ e bee bɛ bumo be kasotoji so.

2 Kronikɛls 24:2

E daa wora kusɔ nɛ k walɛ Enyɛnpe Ebɔrɛ be anishito saŋɛ so nɛ bɔrɛmatapo Jehowada daa wɔ ŋkpa to na nna.

Jɛremaya 16:19

Enyɛnpe Ebɔrɛ, kewora fanɛ fo ka ta ma nna n wɔtɔ kakpa lempo a kuŋ ma nsaa sa ma eleŋ, a chɛ ma to ashi tɔrɔ be jemanɛ. Efuli pɔtɛana be basa beeŋ shi durnya to be mboŋ wɔfɔ m ba fo kutɔ m ba kaŋɛ le: “An nananyɛnana daŋ lɔŋɛ agbirana nɛ e maa ji kashenteŋ nsaa maa kɔ tɔnɔ kikɛ n sa bumo na nna.”

1 Pita 1:18

Ŋkpal manɛ so, men nyi fanɛ mannɛ asɔ nɛ a beeŋ tiŋ n jija fanɛ egbiti nɛ eshuwa nɛ b daŋ ta n sɔ menyi ashi men be kebaawɔtɔ fuloŋ mo nɛ men nya ashi men nanaana kutɔ na n yige.