2 Bewura 14:10 - EBƆRƐ BE KAWƆL

¹⁰ Amaziya fee wu fo kumu naniere nna, ŋkpal fo ka pɔɔ Edɔmebi so so, ama mee kaŋɛ fo nna fanɛ fo shir a wɔ laŋ to. Sa maŋ kil asheŋ nɛ a beeŋ mur fo kuwurji nɛ fo basa.”

2 Bewura 14:10 ပူးပေါင်းရင်းမြစ်များ

2 Bewura 14:7

Amaziya e daŋ mɔ Edɔmebi be benapo ŋgboŋ kudu ashi ketaŋɛ nɛ baa tre Nfɔl be ketaŋɛ na ase saŋɛ nɛ e daa la ewura na. E daŋ kɔ n sɔ kade nɛ baa tre Sɛla na gba nna nseŋ nase kumo be ketre Joktihiil. Loŋ be ketre nɛ kade na kra ji hale kabre.

2 Kronikɛls 26:16

Ewura Uziya ka nya eleŋ nɛ mbe ketre dii ga na, nɛ kamoowu luri mo to nɛ kumo be loŋ shin nɛ e tɔr. E daŋ wora kusoe kpakpaso nna n sa Enyɛnpe mbe Ebɔrɛ na nseŋ ya luri bɔrɛlambu na to nɛ e chɔɔ duwu bɔrɛsure nɛ baa chɔɔ duwu kumo so na so.

2 Kronikɛls 32:25

Ama ewura Hɛzekaya daa wu mbe kumu na ga nseŋ kini keta kechɔrɔ n sa Enyɛnpe Ebɔrɛ a laŋɛ kusɔ nɛ e wora n sa mo na so. Ŋkpal loŋ so nɛ Enyɛnpe Ebɔrɛ na nya agbo nsaa shin nɛ e gberge ewura Hɛzekaya nɛ Juda nɛ Jerusalɛm be basa kusoe.

2 Kronikɛls 35:21

nɛ ewura Neeko ta le be kubɔya ere n sa ewura Josaya. E yɛ: “Juda be ewura, fo kɔnɔ maŋ ti kena nɛ mee kɔ ere so. Mannɛ fo nɛ m ba nɛ m ba kɔ, ndoŋana nɛ m ba nɛ m ba kɔ nɛ Ebɔrɛ kaŋɛ ma fanɛ n wora loŋ manaŋ. Ebɔrɛ wɔ ma kaman, amoso sa maŋ kuŋ ma akpa, nɛ mannɛ aloŋ e beeŋ mur fo.”

Ɛksodɔs 8:9

Nɛ Mosis kaŋɛ Fɛɛro le: “Kaŋɛ ma saŋɛ nɛ fee sha fanɛ ŋ kule Enyɛnpe Ebɔrɛ n sa fo nɛ fo beyaasepo nɛ fo basa nɛ epulo na e lar menyi be elaŋana to n ya ka wɔ Nail be lɔr na to nawule?”

Aŋasa 15:18

Esa nɛ e bee nya agbo manaŋ manaŋ kikɛ bee bar kolu nna, ama enyitipo bre bee kuŋ kolu nna.

Aŋasa 16:18

Kamoowu e naa yɛr esa kemur to nɛ ŋkpensheŋ malɛ bee bar esa kaseto.

Aŋasa 17:14

Emɔrɔ be kefara du fanɛ nchu be gbi ka bee shin nɛ k futi nna. Lar kamɔrɔji to manaŋ pɔɛŋ nɛ k kurge asheŋ n sa fo.

Aŋasa 20:3

Kebaa maa sha kolu bee sa esa kemaŋkura nna. Ewulpo e naa sha kamɔrɔji.

Aŋasa 25:8

Sa maa kuse a ta asheŋ a yɔ demujikpa. Mannɛ aloŋ b baŋ ji m bri fo anishinyɔr beeŋ pɛ fo.

Aŋasa 26:17

Keta fo kɔnɔ n wɔtɔ kolu nɛ k maŋ la feya to, du nna fanɛ fo ka bee gberge jɔnɔ nɛ e maŋ nyi fo be kusoe na.

Aŋasa 3:30

Ŋko ŋ ku asheŋ n deŋi esa kama, nɛ e maŋ wora fo kulubi kikɛ.

Ezikɛl 28:5

Fo yɛ fo yawu be keji be kenyigboŋ na so nɛ fo ji yawu n nya tɔnɔ na. Fo kedama na shin nɛ kamoowu luri m bɔlɔ fo to nɛ fee puchi.

Ezikɛl 38:17

Nɛ Enyɛnpetale Ebɔrɛ na naŋ kaŋɛ le: “Fo asheŋ nɛ n daa malga dra dra jemanɛ nɛ n daŋ bɔla ma nyɛrbi, Israɛl be anebiana na so na, fanɛ kachako bee ba nɛ n shin nɛ esa ko e ba kɔ Israɛlebi kena na.

Ezikɛl 38:2

“Dimɛdi pibi, Ezikɛl, malga ŋ gbiti Gɔg nɛ e la Meshɛk nɛ Tubal be efuliana so be ewurgboŋ ashi Magɔg be kasawule so na. Malga ŋ gbiti mo

Ezikɛl 38:5

Pɛshiya nɛ Kush nɛ Libiya be efuliana so be benapo ti fo benapo na so nɛ bumo kikɛ malɛ kɔ abɛlso be asɔ kuŋamuso nɛ abɛlso be akpaŋwuro.

Danɛl 11:12

Kumo be kaman nɛ kamoowu e luri Ijipt be efuli so be ewura na to, ŋkpal mbe kekɔmpɔɔso nɛ benapo damta nɛ e mɔ na so. Ama mannɛ saŋkama nɛ e beeŋ ba kɔ a pɔɔ so.

Habakuk 2:4

Kubɔya na nde: ‘Bekama nɛ baa wora asheŋ lubi maaŋ ji efute, ama bekama nɛ bumo be kebaawɔtɔ niŋi na beeŋ baa wɔ ŋkpa to ŋkpal b ka bee ji kashenteŋ a sa Ebɔrɛ so.’ ”

Habakuk 2:5

Kedamaya bre bee fule esa nna. Kejimuniwuraana bee wu bumo be amu nna ga, bumo alɛ maa wushi kikɛ. B du fanɛ luwu nɛ k maa mɔ a moɛ nna. Amoso b baŋ kɔ m pɔɔ efuli ko so n sɔ kumo, b naa yɔ kenyɔsopo so nna.

Ditɛronɔmi 8:14

men baa da so nɛ kamoowu maaŋ luri menyi to nɛ men teŋ Enyɛnpe menyi be Ebɔrɛ nɛ e kɔ n suge menyi kenyaya to ashi Ijipt be efuli so na so.

Jeems 1:9

Ekurgepo kama nɛ e maŋ la shɛŋ basa kutɔ e shin nɛ mbe kagbene e baa fuli mo fanɛ mbe ketre dii Ebɔrɛ be anishito.

Jeems 4:6

K kɔ kifi, ama Ebɔrɛ be kuwɔr e shi ga. Abɔrɛsibɛ na malɛ e naa kaŋɛ loŋ fanɛ: “Ebɔrɛ maa shuli a sa kamoowuwuraana, basa nɛ b maŋ kɔ kamoowu nɛ e bee wu kuwɔr.”

Demujipoana 9:52

Abimelɛk ka yɔ nɛ e ya chɔɔ ketempreŋ jeŋgreŋ na nseŋ dii n yɔ kumo be kabuna to nɛ e ya nya edɛ n wɔtɔ kumo to,