2 Bewura 13:7 - EBƆRƐ BE KAWƆL

⁷ Ŋkpal Siriya be ewura Haziɛl ka kɔ m pɔɔ Israɛl so nseŋ nɔkɔr bumo ga so, ewura Jehowahaz daa maŋ naa kɔ benapo damta, she egbaŋɛdiipo adunu nɛ egbaŋɛturko kudu nɛ benapo nɛ baa nite ayaso ŋgboŋ kudu nawule.

2 Bewura 13:7 ပူးပေါင်းရင်းမြစ်များ

2 Samuɛl 22:43

N nɔkɔr ma doŋana nɛ b ki fanɛ kasawule so be shishɛr, nseŋ chichi bumo so nɛ b ki fanɛ ekpa to be depɔ.

1 Bewura 20:15

Ndoŋ nna nɛ ewura Ahab tre benapo fɔlbi nɛ b wɔ mbonfu mbonfu na m ba shɛr. B daa wɔ benapo alfa anyɔ nɛ adesa nɛ anyɔ. Bumo be kaman nɛ e naŋ tre Israɛl be benapo ŋgboŋ ashunu na malɛ m ba ti so.

1 Bewura 20:27

Nɛ Israɛlebi na gba bela ase nɛ b ya tu bumo ŋ kɔ. Ndoŋ nna nɛ bumo kikɛ ya wora bumo be nyi to ŋ kilgi amo be anishito n shoŋi abar. Siriya be benapo daa shibi nna n sɔ kaplɛkama pɛlɛlɛ ama Israɛlebi be benapo na bre daa du nna fanɛ mboe be ntuŋ wurbi anyɔ ka yil m mata abar.

2 Bewura 10:32

Jemanɛ nɛ Enyɛnpe Ebɔrɛ fara n shin nɛ Israɛl be kasawule bee duga so na, nɛ Siriya be ewura Haziɛl kɔ m pɔɔ Israɛlebi na so nseŋ sɔ bumo be kasawule

2 Bewura 13:8

B sibɛ kusɔ kama nɛ ewura Jehowahaz wora nɛ kenyɛn nɛ e ji n wɔtɔ Israɛl be bewura be adrasheŋ be nwɔl to.

2 Bewura 8:12

Nɛ Haziɛl bishi mo: “Manɛ nna nɛ fee shu n nyɛnpe?” Nɛ Elaisha kaŋɛ: “Ŋkpal ŋ ka wu asheŋ lubi nɛ feeŋ wora Israɛlebi so. Feeŋ chɔɔ bumo be kumɔlga be mboŋ lempo nseŋ mɔ bumo be mbrantiɛ, m bure bumo be mbi popɔrbi be amu to nseŋ baŋɛ bumo be bedampoche be epunana to.”

Nshɛ 18:42

Nɛ n nɔkɔr bumo fanɛ kepumpuŋ nɛ afu bee ta na, nseŋ chichi bumo so fanɛ ekpa to be depɔ na.

Aizaaya 36:8

To, meeŋ yili Asiriya be ewura be aya to nna nɛ ma nɛ menyi e ji n yili. Nɛ menyeeŋ tiŋ n nya egbaŋɛ be bediipo, ma alɛ beeŋ sa menyi egbaŋɛ ŋgboŋ anyɔ.

Aizaaya 41:2

Wanɛ e daŋ shi epeŋilarkpa m bar esa nɛ e kɔ m pɔɔ so na, nseŋ shin nɛ e daŋ kɔ m pɔɔ so kaplɛkama nɛ e yɔ na? Wanɛ e shin nɛ e tiŋ ŋ kɔ m pɔɔ bewura nɛ efuliana na so na? Mbe tokobi daa ŋele bumo nna a lɛ nɛ baa wu a ki shishɛrpumpuŋ. Nɛ mbe atanyembi malɛ daa pesaŋ bumo to fanɛ kananɛ afu bee kaa ber amimi a lɛ na.

Jowɛl 3:14

Nɛ Anebi Jowɛl kaŋɛ: “Basa ŋgboŋto ŋgboŋto beeŋ ba wɔ ketaŋɛ na to nɛ Enyɛnpe Ebɔrɛ na e ji bumo demu. Enyɛnpe Ebɔrɛ na be kachɛ na be saŋɛ na maaŋ naŋ chɛr nseŋ ba.

Levitikɔs 26:17

Ma alɛ beeŋ lar menyi kaman, saŋɛ na so, men doŋana beeŋ pɔɔ menyi so. Basa nɛ b kishi menyi beeŋ ji menyi so kuwura nɛ kufu e pɛ menyi nɛ men baa chicha a shile jemanɛ nɛ ekama maŋ ju a buu menyi so.

Eemɔs 1:3

Enyɛnpe Ebɔrɛ na yɛ: “Damaskɔs be basa wora alubi n ya baŋ so. Amoso a ba naa wora shɛŋ, meeŋ gberge bumo kusoe ŋkpal b ka kɔrfɛ Giliad be basa fanɛ kananɛ gbaŋɛ bee gberge ŋgbuliŋ nyɛrɛnyɛrɛ a bri ayu na so.

Eemɔs 4:10

Kulɔ lubi nɛ k bee mɔ nɛ n daŋ shin nɛ k ba Ijipt be efuli so ebi so dra dra na gbagba nɛ n shin nɛ k ba menyi alɛ gba so. Ma e mɔ men be mbifɔlbi kena to n shin nɛ b pɛ bumo be egbaŋɛ n choŋ, nɛ bubuni be efɛa sɔ menyi be echenakpa a dufɛ pumpuŋ a mɔ menyi. Ama amo nɛ amo kikɛ, men kraŋ kini kebɛ ma so.

1 Samuɛl 13:15

Kumo be kaman nɛ Samuɛl lar Gilgaal m pɛ mbe ekpa n choŋ. Ndoŋ nna nɛ basa na be beko bɛ Sɔɔl so n ya ti benapo nɛ b ka na so. Gilgaal nɛ b daŋ fara n nite hale n ya fo Gibia nɛ k wɔ Bɛnjamin be efuli so na. Sɔɔl ka karga benapo nɛ b ka na, b daa wɔ basa alfa ashe.