2 Bewura 13:20 - EBƆRƐ BE KAWƆL

²⁰ Asheŋ ere be kaman nɛ anebi Elaisha wu nɛ b puli mo. Kafɛ kikɛ malɛ be dɔchubɔrɛ so, Mowabebi be bejuŋkparpo bee shuŋi bumo be basa nɛ baa ta kena a purgi na nna nɛ b ba Israɛl be efuli so.

2 Bewura 13:20 ပူးပေါင်းရင်းမြစ်များ

Jɛnesis 48:1

Kachako nɛ b kaŋɛ Josɛf fanɛ mo tuto bee lɔ. Ndoŋ nna nɛ e koso ŋ keta mbe bibinyɛn anyɔ na, Manase nɛ Efreim n ti mbe kumu so n yɔ nɛ e ya keni mo.

Jɛnesis 49:33

Jeekɔb ka ta le be mmalga ere kikɛ m bɔɔ mbe mbia na enɔ n loge nɛ e lɔŋɛ n dese nseŋ fute mbe lalaloge be efute n wu.

2 Bewura 24:2

Ndoŋ nna nɛ Enyɛnpe Ebɔrɛ shin nɛ Babilɔn nɛ Siriya nɛ Mowab nɛ Ammɔn be benapo be ntuŋ nɛ baa ta kena a purgi na ya kɔ Jehowakim kena nseŋ jija Juda be efuli kikɛ fanɛ kananɛ e daŋ bɔla mbe nyɛrbi anebiana so ŋ kaŋɛ fanɛ e beeŋ mur Juda na.

2 Bewura 3:5

Ama Israɛl be ewura Ahab ka wu nɛ Mɛsha kini kebaanu a sa Israɛlebi na.

2 Bewura 3:7

Nseŋ ta kubɔya n ya sa Juda be ewura Jehoshafat ŋ kaŋɛ: “Mowab be ewura kini kebaanu a sa ma. Feeŋ ba chɛ ma to ŋ kɔ bumo kena a?” Nɛ Jehoshafat kaŋɛ le: “N yil fo kaman, aloŋ e la ma basa nɛ ma egbaŋɛ gba.

2 Bewura 5:2

Jemanɛ ko nɛ Siriyaebi na ta kena n ya purgi Israɛlebi nseŋ pɛ Israɛl be kebichebi ko kena na to nɛ e ya ki Neeman be eche be kebita.

2 Bewura 6:23

Ndoŋ nna nɛ Israɛl be ewura na shin nɛ b wora kejigboŋ n sa Siriya be benapo na. B ka ji nseŋ nuu n loge na, nɛ e shin nɛ b bɛta n yɔ Siriya be ewura na kutɔ. Baŋ yili kumo be saŋɛ, nɛ Siriyaebi na yige kebaata kena a purgi Israɛl be efuli so ebi.

2 Kronikɛls 24:16

Kakpa nɛ baa puli bewura ashi ewura Deevid be kade to Jerusalɛm na, nɛ b daŋ puli mo alɛ gba ŋkpal kushuŋ lela nɛ e daŋ wora n sa Israɛl be basa nɛ kushuŋ nɛ e shuŋ ashi Ebɔrɛ be bɔrɛlambu na to so.

Zakareya 1:5

Men nanaana na nɛ anebiana na kikɛ maŋ naa wɔ ŋkpa to.

Ashuŋ Shunso 8:2

Ebɔrɛ be bebɛsopo ko e daŋ puli Stiven nseŋ boŋ to n shu mbe keeli ga.

Demujipoana 3:12

Kede be kaman, nɛ Israɛlebi na naŋ wora alubi n da Enyɛnpe Ebɔrɛ na so nɛ e kpal loŋ so n sa Ɛglɔn nɛ e la Mowab be efuli so be ewura na eleŋ nɛ e kɔ m pɔɔ Israɛl so.