2 Bewura 12:4 - EBƆRƐ BE KAWƆL

⁴ Kachako nɛ ewura Jɔash tre bɔrɛmatapoana na ŋ kaŋɛ bumo fanɛ b sɔ etoto nɛ elampo be amansherbi nɛ b chala na kikɛ n wɔtɔ bɔrɛlambu be kpanjawu na to.

2 Bewura 12:4 ပူးပေါင်းရင်းမြစ်များ

1 Bewura 3:2

Kumo be saŋɛ na nɛ b maŋ naŋ pɔr bɔrɛlambu n sa Enyɛnpe Ebɔrɛ na, ŋkpal loŋ so abee so be mboŋ ko nɛ ekama daa yɔ n ya kaa bunyaŋ Ebɔrɛ nsaa lara sarga.

1 Bewura 3:3

Ewura Sɔlɔmɔn ka daa sha Enyɛnpe Ebɔrɛ ga so, e daŋ bɛ kusɔ nɛ mo tuto ewura Deevid kaŋɛ mo so nna. Mo alɛ gba daa ta asɔbɔya nna a lara sarga nsaa chɔɔ duwu ashi abee so be kakpa nɛ baa bunyaŋ Enyɛnpe Ebɔrɛ na.

1 Bewura 7:1

Nfɛ kuduasa nɛ Sɔlɔmɔn daŋ ta m pɔr ewura be laŋ na.

2 Bewura 12:18

Ndoŋ nna nɛ Juda be ewura Jɔash ta esarga nɛ mo nananyɛnana Jehoshafat nɛ Jehoram nɛ Ahaziya daŋ ta n sa Enyɛnpe Ebɔrɛ na nɛ mo gbagba be sarga nɛ shuwa nɛ a wɔ bɔrɛlambu to nɛ ewura pe na n ya sa ewura Haziɛl fanɛ mbe kakɛ pɔɛŋ nɛ e shin nɛ mbe benapo lar Jerusalɛm to.

2 Bewura 12:5

E yɛ: “Bɔrɛmatapowura kikɛ kɔ ekpa nɛ e ta amansherbi na be ako ŋ ka bɔrɛlambu na be kelɔnɛ be kukɔ kama.”

2 Bewura 14:4

Amaziya daa maŋ bure bumo be kakpa nɛ baa shuŋ agbir na amoso ndoŋ nɛ b daa lara bumo be esarga nsaa chɔɔ eduwu.

2 Bewura 15:4

Ama e daa maŋ shin nɛ b bure nnyamase na be agbirlambuana na, amoso basa na daa lara esarga nna nsaa chɔɔ eduwu ndoŋ.

2 Bewura 16:4

Ahaz daa lara mbe esarga nsaa chɔɔ duwu mboŋ nɛ nnyamase bee shuŋ bumo be agbir ashi abee so nɛ ndibi be afito nna.

2 Bewura 17:11

B daa chɔɔ duwu mboŋ ere kikɛ nna a bunyaŋ agbir fanɛ kananɛ efuli pɔtɛana so be basa daa wora pɔɛŋ nɛ Enyɛnpe Ebɔrɛ ju bumo ashi kasawule na so na. Bumo be asheŋ lubi nɛ b daa wora na daŋ pɛ Enyɛnpe Ebɔrɛ agbo ga.

2 Bewura 22:4

“Yɔ bɔrɛmatapo nimuso Hilkiya kutɔ ashi Enyɛnpe Ebɔrɛ be bɔrɛlambu na to n ya kaŋɛ mo fanɛ e wora amansherbi nɛ bɔrɛmatapoana nɛ baa keni bɔrɛlambu na be mbunaana so na sɔ basa na kutɔ na be shiriya.

1 Kronikɛls 18:11

Ndoŋ nna nɛ ewura Deevid ta asɔ na n ti shuwa nɛ gbiti nɛ e kɔ Edɔm nɛ Mowab nɛ Ammɔn nɛ Filisti nɛ Amalɛk be efuliana n sɔ na so m bɔɔ Ebɔrɛ enɔ.

1 Kronikɛls 29:17

N nyi fo ka nyi ekama be kagbene. Ma nɛ ma basa nɛ b wɔ nfe ere kikɛ bugi ŋgbene kagbenefuliso nna m bar asɔ ere kikɛ m ba sa fo.

2 Kronikɛls 15:18

E daŋ ta asɔ nɛ mo tuto Abija daŋ ta m bɔɔ Enyɛnpe Ebɔrɛ enɔ na nna, nɛ gbiti nɛ shuwa be asɔ nɛ mo alɛ gbagba ta m bɔɔ Ebɔrɛ enɔ na kikɛ n wɔtɔ bɔrɛlambu na to.

2 Kronikɛls 31:12

nsaa ta ŋkɛ na nɛ kudukudusopo na n yili ndoŋ, saŋɛ na so shɛŋ shɛŋ maaŋ tiŋ n ta amo. B daŋ ta Livainyɛn nɛ baa tre Konaniya na nna fanɛ e baa keni amo so nseŋ ta mo sipo Shimei malɛ m bɛ mo so.

2 Kronikɛls 35:2

E daŋ sa bɔrɛmatapoana na kushuŋ nɛ k daga fanɛ b baa shuŋ bɔrɛlambu na to nna, nseŋ leŋ bumo to fanɛ b baa shuŋ kumo nɛnɛ.

Ɛzra 1:6

Basa nɛ b tu bumo n chena na kikɛ daŋ ta shuwa nɛ gbiti nɛ asɔ lela be yiri kikɛ nɛ asɔbɔya be yiri kikɛ nna n chɛ bumo enɔ so. Yawu kpakpaso be asɔ nɛ asɔ nɛ baaŋ ta n ya lara sarga ashi bɔrɛlambu na to nɛ b daŋ sa bumo.

Ɛzra 2:69

Kananɛ ekama daa beeŋ tiŋ nɛ e daŋ sa nɛ amo kikɛ koso shuwa be ndarbi alfa anu nɛ gbiti be ndarbi ŋgboŋ anyɔ nɛ alfa aburwa, nɛ bɔrɛmatapoana be epiŋi malɛ kalfa.

Ɛzra 7:16

Ta shuwa nɛ egbiti nɛ baaŋ sa fo ashi Babilɔn be efuli so na nɛ esarga nɛ basa na nɛ bɔrɛmatapoana na beeŋ lara a laŋɛ bɔrɛlambu na be kaplɛa so na gba n ti so.

Ɛksodɔs 35:22

Beche nɛ benyɛn kikɛ, daŋ bar shuwa be akonde nɛ mpinibi nɛ abɔtoshembi nɛ abitasɔ be yiri yiri kikɛ nna m ba sa Enyɛnpe Ebɔrɛ na.

Ɛksodɔs 35:29

Israɛlebi na be benyɛn nɛ beche nɛ b daa sha nɛ b chɛ kushuŋ na to na, daa bar bumo be ŋkɛ nna fanɛ b ta n shuŋ Enyɛnpe Ebɔrɛ na be kushuŋ nɛ e ta n sa Mosis na.

Ɛksodɔs 35:5

‘Men lara kusɔ kama be kakɛ m bar Enyɛnpe Ebɔrɛ na. Esa kama nɛ e yili kumo mbe kagbene to fanɛ e beeŋ bar Enyɛnpe Ebɔrɛ kakɛ, e bar shuwa ŋko gbiti ŋko danyaŋ

Ɛksodɔs 36:3

Ndoŋ nna nɛ Mosis ta ŋkɛ nɛ Israɛlebi na bugi ŋgbene n lara m ba fanɛ b ta n shuŋ wajɛbu cheembi na be kushuŋ na kikɛ m bɔɔ bumo enɔ. Ama karechɛ kikɛ, Israɛlebi na daŋ baa bar ŋkɛ nna m ba kaa sa Enyɛnpe Ebɔrɛ.

Levitikɔs 27:31

Nɛ esa bee sha kelaŋɛ n tɔ amo be kekama, a daga fanɛ e ka kumo be yawu na nɛ kumo be ntuŋ anu so be katuŋ koŋwule n ti so.

Luuk 21:4

Ŋkpal manɛ so, bekama nɛ b wɔtɔ na kikɛ lara bumo be kedama to be gbrɛgbrɛ nna m ba wɔtɔ, ama mo ere etirpo ta kusɔ nɛ e kɔ kikɛ nna m ba wɔtɔ. E wɔtɔ mbe kusɔ jiso kikɛ.”