2 Bewura 12:3 - EBƆRƐ BE KAWƆL

³ Ama Jɔash daa maŋ jija kakpa nɛ b daa shuŋ bumo be agbir na bre. Amoso basa na daa wɔtɔ nna a lara bumo be esarga nsaa chɔɔ eduwu ndoŋ.

2 Bewura 12:3 ပူးပေါင်းရင်းမြစ်များ

1 Bewura 15:11

Ewura Asa daŋ wora kusɔ nɛ k niŋi nsaa walɛ Enyɛnpe mbe Ebɔrɛ na be anishito nna fanɛ kananɛ mo nananyɛn ewura Deevid daŋ wora na.

1 Bewura 15:14

Kashenteŋ nna fanɛ ewura Asa daa maŋ tiŋ m mur agbir nɛ mboŋ nɛ baa shuŋ amo na ashi Israɛl be kasawule so kikɛ, ama e daŋ ji kashenteŋ nna n sa Enyɛnpe Ebɔrɛ na mbe ŋkpa to kikɛ.

1 Bewura 22:43

Ewura Jehoshafat daŋ bɛ mo tuto Asa be aya so nna n wora kusɔ nɛ k walɛ Enyɛnpe Ebɔrɛ be anishito. Ama e daŋ maŋ jija mboŋ nɛ baa shuŋ nnyamase be agbirana na nɛ basa na kraŋ nya ekpa a lara esarga nsaa chɔɔ eduwu ndoŋ.

2 Bewura 12:2

E daa wora kusɔ nɛ k walɛ Enyɛnpe Ebɔrɛ be anishito nna ŋkpal manɛ so bɔrɛmatapo Jehowada e daŋ bela mo.

2 Bewura 14:4

Amaziya daa maŋ bure bumo be kakpa nɛ baa shuŋ agbir na amoso ndoŋ nɛ b daa lara bumo be esarga nsaa chɔɔ eduwu.

2 Bewura 15:3

E daŋ bɛ mo tuto be aya so nna nseŋ wora kusɔ nɛ k bee par Enyɛnpe Ebɔrɛ na.

2 Bewura 15:35

B daa maŋ mur agbirlambu be mboŋana nɛ b daa shuŋ bumo be agbir ndoŋ na bre amoso basa na daa lara esarga nna nsaa chɔɔ eduwu ndoŋ. Jotam e daŋ pɔr bɔrɛlambu na be kelargato to be esoso be kaba so be kabunagboŋ na.

2 Bewura 15:4

Ama e daa maŋ shin nɛ b bure nnyamase na be agbirlambuana na, amoso basa na daa lara esarga nna nsaa chɔɔ eduwu ndoŋ.

2 Bewura 18:3

E daŋ bɛ mo nananyɛn ewura Deevid be aya so nna nseŋ wora kusɔ nɛ keniŋi Enyɛnpe Ebɔrɛ na be anishito.

2 Bewura 18:4

E daŋ mur nnyamase be mboŋ nɛ baa bunyaŋ Ebɔrɛ na nna nseŋ bure ndoŋ be ajembu be eshabɔrɛ na nɛ kegbirche Ashira be mpɔrduli be ndibi n lɛ. E daŋ bɛa danyaŋ be kuwɔ nɛ baa tre Nehushtan nɛ bumo nananyɛn Mosis daŋ lɔŋɛ nɛ Israɛlebi na bee bunyaŋ kumo m ba fo loŋ be jemanɛ na to nna.

2 Bewura 22:2

E daa wora asheŋ nɛ a niŋi ashi Enyɛnpe Ebɔrɛ be anishito nna nsaa bɛ mo nananyɛn ewura Deevid be aya so nɛ Ebɔrɛ be mbra na kikɛ so dede.

2 Kronikɛls 31:4

E daŋ kaŋɛ Jerusalɛm be basa nna fanɛ b baa ta esarga nɛ baa lara a sa bɔrɛmatapoana nɛ Livaiebi na n sa bumo, saŋɛ na so baaŋ nya saŋɛ nɛnɛ a shuŋ Enyɛnpe Ebɔrɛ be kushuŋ na.

Jɛremaya 2:20

Kumo be kaman nɛ Enyɛnpetale Ebɔrɛ naŋ kaŋɛ le: “Israɛlebi, dra na kikɛ nɛ men kini ma kebaawɔ wɔ menyi. Menyi alɛ kini fanɛ men maaŋ wora ma kasonu ŋko n shuŋ ma. Men daa shuŋ agbirana ashi abeebi so nɛ ndibigboŋ nɛ e kɔ afantaŋ ga be afito nna, a fɛ fanɛ amo e naa sa menyi mbia.