2 Bewura 11:20 - EBƆRƐ BE KAWƆL

²⁰ Basa na kikɛ be ŋgbene daŋ fuli bumo nna ga nɛ kade na kikɛ wora shruum ŋkpal ewurche Atalia ka wu na so.

2 Bewura 11:20 ပူးပေါင်းရင်းမြစ်များ

Jɛnesis 9:6

Esa kama nɛ e mɔ dimɛdi, baaŋ mɔ amodoŋwura gba n tal to, ŋkpal manɛ so, Ebɔrɛ pɔr dimɛdi nna fanɛ mbe kaduli.

2 Bewura 11:14

E ka ya wu ewura popɔr na nɛ e yili eshabɔrɛana na akpa ashi bɔrɛlambu na be kabuna be anishito be kakpa nɛ bewura bee chena na, nɛ benapo be benimu nɛ mbelfompoana yili ŋ kulti mo, nɛ basa na kikɛ bee cha awɔr kagbenefuli so nsaa foŋ mbel nɛ bɔrɛlambu to be beshɛbompoana bee juŋkpar kasheŋ wora na kikɛ, nɛ e kpɛa mbe asɔbuuso to kagbenejijaso nseŋ boŋto ŋ kaŋɛ le: “Menyi bedebɔrpo ere!”

2 Kronikɛls 23:21

Basa na kikɛ be ŋgbene daŋ fuli bumo nna ga nɛ kade na kikɛ wora shruum ŋkpal ewurche Atalia ka wu na so.

Aŋasa 11:10

Beshenteŋjipo baŋ dii dama, bumo be kade to ebi kikɛ be ŋgbene bee fuli bumo nna. Alubiworapo malɛ baŋ wu mbe kade to ebi be ŋgbene bee fuli bumo nna.

Aŋasa 29:2

Asheŋ baa nyala a sa basa niŋiso basa kikɛ be ŋgbene bee fuli nna, ama basa lubi baa ji kuwura basa bee shuto nna.