2 Bewura 11:19 - EBƆRƐ BE KAWƆL

¹⁹ Ade kikɛ be kaman nɛ benapo be benimuana nɛ Jerusalɛm be kade to be benimuana nɛ ekrachiana nɛ basa nɛ b ka na kikɛ ba Jehowada kutɔ nɛ b bɛ abar so n ya keta ewura na bɔrɛlambu na to m ba ewura be laŋ to. Kabunagboŋ na to nɛ b daŋ bɔla n luri laŋ na to nɛ ewura na ya chena mbe kuwurputi so.

2 Bewura 11:19 ပူးပေါင်းရင်းမြစ်များ

Jɛnesis 37:36

Loŋ be saŋɛ malɛ nɛ Ishmaɛlebi nɛ b daŋ tɔ Josɛf na malɛ ta mo n ya fa n sa kanyɛn ko nɛ baa tre Potifa ashi Ijipt be efuli so. Potifa e daa la ewura Fɛɛro be esoji nɛ baa kuŋ mo na be enimu.

1 Bewura 1:13

nɛ fo yɔ ewura Deevid kutɔ n ya bishi mo le: ‘Yiramu, fo maŋ nase kɔnɔ n sa ma fanɛ fo kaman m pibinyɛn Sɔlɔmɔn e naaŋ ba ji kuwura a? Nɛ manɛ e ba nɛ Adonija teŋ ta mbe kumu ŋ ki ewura naniere?’

1 Bewura 14:27

Ewura Rehoboam daŋ wora danyaŋ be asɔkuŋso nɛ baa keta a yɔ kena to na nna n tal shuwa peya na to nseŋ ta amo m bɔɔ bekumpo nɛ baa keni ewura be laŋ to be kabunagboŋ na so na enɔ.

1 Kronikɛls 29:23

Amoso Sɔlɔmɔn e daŋ sɔ mo tuto so n ji kuwura nɛ Enyɛnpe Ebɔrɛ yili n sa bumo na, nɛ asheŋ nite nɛnɛ nɛ Israɛl be efuli na so ebi kikɛ bee nu a sa mo.

2 Kronikɛls 23:19

Ewura Jehowada daŋ ta bekumpo nna nɛ baa keni bɔrɛlambu na be mbunaana so saŋɛ na so basa kama nɛ b kɔ eyurpi daŋkare be ekpa so na, maaŋ luri kumo to.

2 Kronikɛls 23:20

Ade kikɛ be kaman nɛ benapo be benimuana nɛ Juda be kade to be benimuana nɛ ekrachiana nɛ basa nɛ b ka na kikɛ ba ewura Jehowada kutɔ nɛ b bɛ abar so n ya keta ewura na bɔrɛlambu na to m ba ewura be laŋ to. Kabunagboŋ na to nɛ b daŋ bɔla n luri laŋ na to nɛ ewura na ya chena mbe kuwurputi so.

2 Kronikɛls 23:5

nɛ katuŋ koŋwule malɛ e baa keni ewura be laŋ to so nɛ katuŋ koŋwule nɛ k ka na malɛ e baa keni kabuna nɛ baa tre Gbaltɔlase be kabuna na so. Nɛ menyi nɛ men ka na a yili a keni bɔrɛlambu na be kelɔnɛ na so.

Jɛremaya 17:25

Saŋɛ na so ewura Deevid be kanaŋ to ebi beeŋ baa ji kuwura ashi Juda be efuli so nɛ Jerusalɛm to. Kumo be kaman, Juda be efuli so nɛ Jerusalɛm to be basa kikɛ beeŋ baa dii egbaŋɛ nɛ egbaŋɛturko. Basa damta malɛ beeŋ ba bɔlɔ Jerusalɛm be kadegboŋ na to a wɔtɔ.

Jɛremaya 22:30

“Kpra Ewura Jehowachin be mbia be atre ashi Juda be kuwurji be nwɔl to. E maŋ tiŋ n wora shɛŋ mbe kuwurji to, amoso mbe kebia kama maaŋ chena mo nananyɛn Deevid be kuwurputi so n ji kuwura ashi Juda be efuli so. Ma, Enyɛnpe Ebɔrɛ e malga na.”

Jɛremaya 22:4

Nɛ menyee wora kusɔ nɛ ŋ kaŋɛ menyi ere kenishipereso, kumo ere ewura Deevid be kaman to ebi beeŋ baa kraa ji kuwura ashi efuli na so. Kayurwushi beeŋ baa wɔtɔ nɛ bumo nɛ benimuana nɛ bumo be basa e baa luri egbaŋɛturko to a bɔla ewurkpa be mbunagboŋ to a luri a lar.

Matiu 19:28

Nɛ Yesu kaŋɛ bumo: “Ma e kaŋɛ menyi kashenteŋto na fanɛ durnya popɔr na to jemanɛ nɛ ma, Nyiŋgbasa Pibinyɛn beeŋ chena ma kemaŋkura be kuwurputi na so na, menyi nɛ men bɛ ma so na malɛ gba beeŋ chena nwurputi kuduanyɔ so a ji Israɛlebi be nnaŋ kuduanyɔ na demu.

Matiu 25:31

Nɛ Yesu naŋ kaŋɛ: “Saŋɛ nɛ ma, Nyiŋgbasa Pibinyɛn beeŋ shi ma kemaŋkura to nɛ emalaika kikɛ e ba na, meeŋ ba chena ma kemaŋkura be kuwurputi na so.