2 Bewura 11:14 - EBƆRƐ BE KAWƆL

¹⁴ E ka ya wu ewura popɔr na nɛ e yili eshabɔrɛana na akpa ashi bɔrɛlambu na be kabuna be anishito be kakpa nɛ bewura bee chena na, nɛ benapo be benimu nɛ mbelfompoana yili ŋ kulti mo, nɛ basa na kikɛ bee cha awɔr kagbenefuli so nsaa foŋ mbel nɛ bɔrɛlambu to be beshɛbompoana bee juŋkpar kasheŋ wora na kikɛ, nɛ e kpɛa mbe asɔbuuso to kagbenejijaso nseŋ boŋto ŋ kaŋɛ le: “Menyi bedebɔrpo ere!”

2 Bewura 11:14 ပူးပေါင်းရင်းမြစ်များ

Jɛnesis 37:29

Ruben ka laŋɛ m ba ketirbu na ase m ba wu fanɛ Josɛf maŋ naa wɔtɔ nɛ e kpɛa mbe asɔbuuso to ŋkpal kagbenejijaso

Jɛnesis 44:13

Ndoŋ nna nɛ b kpɛa bumo be asɔbuusoana to ŋkpal kagbenejijaso nseŋ naŋ bɛta ŋ kre bumo be esulɔana n deŋi bumo be ekurma so m bɛta n yɔ kade na to.

1 Bewura 1:25

Kabre chipur ere e ta egbolu nɛ mbolpɔ nɛ ana nɛ b daŋ a walɛ eyurto damta n ya lara sarga nseŋ tre fo mbinyɛnsobi kikɛ nɛ fo benapo be enimu Jɔab nɛ bɔrɛmatapo Abiata nɛ bumo kikɛ wɔ ndoŋ a ji bumo be eyur nsaa cha awɔr a kaŋɛ le: ‘Ebɔrɛ e sa ewura Adonija ŋkpa tenteŋ!’

2 Bewura 11:15

Jehowada daa maa sha b ka mɔ ewurche Atalia bɔrɛlambu na ase, ŋkpal loŋ so, e daŋ tre benapo be benimuana na nna ŋ kaŋɛ bumo le: “Men ta mo m bɔla bekumpo na to n yɔ. Esa kama malɛ nɛ e kaŋ pɛl a sha kesɔ mo n yige, men mɔ amodoŋwura.”

2 Bewura 23:3

Kumo be kaman nɛ e yili shabɔrɛ na be kakpa nɛ bewura bee chena na n nase kɔnɔ n sa Enyɛnpe Ebɔrɛ na fanɛ e beeŋ bugi mbe kagbene kikɛ n wora kasonu n sa mo nseŋ bɛ mbe mbra nɛ asheŋ nɛ e yili n sa bumo na, kɔnɔ naseso be ŋkre be asheŋ nɛ b sibɛ n wɔtɔ kawɔl na to na kikɛ so.

2 Bewura 9:13

Epul to nɛ Jehu mo braana benimu na parga bumo be epiŋi to n deŋi ketempreŋ na so nɛ Jehu dii n yili so. Nɛ b foŋ mbel nseŋ cha awɔr ŋ kaŋɛ: “Jehu e la ewura!”

2 Bewura 9:23

Ahaziya ka ta mbe gbaŋɛturko nɛ Joram kilgi nɛ e shile nseŋ kaŋɛ: “Ahaziya, an yɔ, kejigbelɛ nɛ b sho anyi na.”

1 Kronikɛls 12:40

Isaaka nɛ Zɛbyulɔn nɛ Naftali be eyiri nɛ b wɔ kufɔ na daŋ sulɔ ajibi nɛ nyifu nɛ asɔrso nɛ baa tre greep na be awɔlso nɛ asɔnuuso nɛ ɔlif be ŋku, ekurma nɛ enyɔma nɛ egbolufɛlso so nna. B daŋ bar ana nɛ mbolpɔ gba ndoŋ m ba mɔ n ji. Ade kikɛ daa ŋini kagbenefuli nɛ b nya efuli na so nna.

2 Kronikɛls 34:31

Kumo be kaman nɛ e yili shabɔrɛ na be kakpa nɛ bewura bee chena na n nase kɔnɔ n sa Enyɛnpe Ebɔrɛ na fanɛ e beeŋ bugi mbe kagbene kikɛ n wora kasonu n sa mo nseŋ bɛ mbe mbra nɛ asheŋ nɛ e yili n sa bumo na nɛ kɔnɔ naseso be ŋkre be asheŋ nɛ b sibɛ n wɔtɔ kawɔl na to na kikɛ so.

Aŋasa 29:2

Asheŋ baa nyala a sa basa niŋiso basa kikɛ be ŋgbene bee fuli nna, ama basa lubi baa ji kuwura basa bee shuto nna.

Luuk 19:37

E ka ba taga to Ɔlifs be kebee so be kegbelge na nɛ mbe bebɛsopo kikɛ fara a di Ebɔrɛ epaŋ awɔrso nɛ kagbenefuliso, ŋkpal emamachisheŋ damta nɛ b daŋ wu na kikɛ so.