2 Bewura 11:1 - EBƆRƐ BE KAWƆL

¹ Juda be ewura Ahaziya mo nio Atalia ka nu fanɛ mo pibinyɛn wu nna, nɛ e kaŋɛ fanɛ b mɔ basa nɛ b shi Juda be ewura be kanaŋ to na kikɛ.

2 Bewura 11:1 ပူးပေါင်းရင်းမြစ်များ

Jɛnesis 9:5

Esa kama nɛ e lara men be ŋkpaana ere k baŋ fuli nna fanɛ ma alɛ beeŋ bishi amodoŋwura na kumo be kuwule. Nɛ kusɔbɔya malɛ e lara dimɛdi be ŋkpa, meeŋ bishi kumo kuwule. Nɛ dimɛdi malɛ e lara mo barkasa be ŋkpa, meeŋ bishi mo mo barkasa dimɛdi na be ŋkpa na be kelara be kuwule.

Jɛnesis 9:6

Esa kama nɛ e mɔ dimɛdi, baaŋ mɔ amodoŋwura gba n tal to, ŋkpal manɛ so, Ebɔrɛ pɔr dimɛdi nna fanɛ mbe kaduli.

1 Bewura 1:12

Nɛ fee sha kumɔlga fo kumu nɛ fo pibinyɛn Sɔlɔmɔn bre, kumo ere meeŋ ji fo asoeto nna

1 Bewura 2:44

Fo gbagba ere nyi kulubi nɛ fo wora n tuto ewura Deevid. Enyɛnpe Ebɔrɛ na malɛ beeŋ gberge fo kusoe n tal to.

2 Bewura 10:36

Nfɛ adunyɔ nɛ aburwa nɛ Jehu daŋ ji kuwura Samɛria be kade to ashi Israɛl be efuli so.

2 Bewura 10:7

B ka kraŋ ewura Jehu be kawɔl na nɛ Samɛria be bejuŋkparpoana na mɔ Ahab be kaman to ebi adushunu na nseŋ ku bumo be amu n wɔtɔ nlantaŋɛ to n ya sa Jehu ashi Jizreel.

2 Bewura 12:1

Jehu ka ji Israɛl be kuwura be nfɛ ashunu nɛ Jɔash ki Juda be efuli so be ewura nseŋ ji kuwura nfɛ adena ashi Jerusalɛm to. Mo nio e daa la Zibia nɛ e shi Bɛshiba be kade to na.

2 Bewura 25:25

Kumo be kufɔl shunusopo to nɛ Ishmaɛl nɛ e la Netaniya pibinyɛn nɛ Ɛlshama mo nanabi nseŋ shi kuwurji be kanaŋ to na nɛ basa kudu ko yɔ Mizpa n ya mɔ Gɛdaliya nɛ mbe benimu nɛ b shi Juda nɛ Babilɔn na kikɛ. Ishmaɛl daŋ mɔ Israɛlebi nɛ Babilɔnebi be benapo nɛ b daa wɔ Gedaliya kutɔ ashi Mizpa ndoŋ na nna n ti so.

2 Bewura 8:26

Ahaziya daŋ fo nfɛ adunyɔ nɛ anyɔ nna pɔɛŋ nseŋ ki ewura. Mo alɛ daŋ ji kuwura Jerusalɛm to kafɛ koŋwule nna. Atalia nɛ e la Israɛl be Ewura Ahab pibiche nsaa la ewura Omri mo nanabi na, e daa la Ahaziya mo nio.

2 Bewura 9:27

Ewura Ahaziya ka wu kusɔ nɛ k wora na, nɛ e luri mbe gbaŋɛturko to a shile a yɔ Bɛf Hegan nɛ Jehu ju m buu mo so nsaa kaŋɛ le: “Men mɔ mo alɛ gba!” Ndoŋ nna nɛ Jehu be benapo doro mo saŋɛ so nɛ e wɔ Guur nɛ k mata Iblim be kade to be ekpa to a yɔ na. Nɛ e keta doro na n ya fo kade nɛ baa tre Mɛjido na pɔɛŋ nseŋ wu.

2 Kronikɛls 24:7

Ewurche Atalia nɛ e la kumu kpakpasowura na be mbinyɛnsobi e daŋ jija bɔrɛlambu na nseŋ ta kumo to be asɔ cheembi na a shuŋ kegbir nɛ baa tre Baal na.

Jɛremaya 41:1

Kafɛ nɛ Johanan ya ji Gɛdaliya asoe to a laŋɛ kemɔ Ishmaɛl be kaplɛa so na be kufɔl shunusopo to nɛ Ishmaɛl nɛ e la Netaniya pibinyɛn nɛ Ɛlshama mo nanabi nseŋ shi kuwurji be kanaŋ to a la ewura be ekrachi na to be eko na yɔ Mizpa. Mo nɛ basa kudu ko e daŋ yɔ ndoŋ nɛ b ya wu Gɛdaliya nɛ e la gomena na. Jemanɛ nɛ bumo kikɛ daŋ chena a ji na

Matiu 2:13

Basa na ka yɔ nɛ Enyɛnpe be malaika lar Josɛf so edare to ŋ kaŋɛ mo le: “Niŋi to n ta kebia na nɛ mo nio n shile n yɔ Ijipt be efuli so n ya kaa wɔ ndoŋ hale nɛ m ba kaŋɛ fo fanɛ fo naŋ lar ndoŋ. Ŋkpal manɛ so Ewura Hɛrɔd bee fin kebia na nɛ e mɔ.”

Matiu 2:16

Ewura Hɛrɔd ka pin fanɛ epeŋilarkpa be kasawule so be befɔ na fule mo nna nɛ agbo pɛ mo ga nɛ e sa ekpa ŋ kaŋɛ fanɛ b mɔ Bɛtlɛhɛm to nɛ ndoŋ be kasawule na so kikɛ to be mbinyɛnsobi nɛ b daŋ fo nfɛ anyɔnyɔ nɛ bumo nɛ b daa maŋ naŋ fo loŋ na kikɛ nyam. Ewura Hɛrɔd daŋ sa le be mbra ere nna fanɛ b mɔ mbia nɛ b fo nɛ bumo nɛ b daa maŋ naŋ fo nfɛ anyɔnyɔ na nna ŋkpal e ka daŋ bishi befɔ na wulo to m pin saŋɛ nɛ kechɛkpabi na daŋ lar na so.

Demujipoana 9:5

Ndoŋ nna nɛ Abimelɛk nɛ mbe benapo na yɔ Ofra nɛ k la mo tuto be kade to n ya pɛ mo tuto be mbinyɛnso adushunu na m mɔ kejembu koŋwule so. Ama Jotam nɛ e daa la Gidiɔn be kaluge na bre daŋ tiŋ ŋ ŋana bumo so nɛ b maŋ nya mo m mɔ.