2 Bewura 10:6 - EBƆRƐ BE KAWƆL

⁶ Nɛ Jehu naŋ sibɛ bumo kawɔl nyɔsopo le: “Nɛ men baa wɔ ma kaba so nsaa nu a sa ma bre, kumo ere men ku ewura Ahab be kaman to ebi na be amu m ba Jizreel echefo saŋɛ ere so m ba sa ma.” Basa nɛ b la bunyaŋwuraana ashi Samɛria na e daa keni ewura Ahab be kaman to ebi adushunu na so.

2 Bewura 10:6 ပူးပေါင်းရင်းမြစ်များ

2 Bewura 10:5

Ndoŋ nna nɛ krachi nɛ e bee keni ewura be laŋ to ebi so na nɛ enimu nɛ mo alɛ bee keni kade na so na nɛ benimuana na nɛ bumo kurgepoana na, ta le be kubɔya ere n ya sa Jehu. B yɛ: “An la fo nyɛrbi nna, anyi alɛ wora shiriya nɛ an wora kusɔ kama nɛ fo kaŋɛ anyi. Anyi maaŋ buu ekama kuwura, amoso wora kusɔ kama nɛ fee fɛ fanɛ k walɛ.”

2 Bewura 10:7

B ka kraŋ ewura Jehu be kawɔl na nɛ Samɛria be bejuŋkparpoana na mɔ Ahab be kaman to ebi adushunu na nseŋ ku bumo be amu n wɔtɔ nlantaŋɛ to n ya sa Jehu ashi Jizreel.

2 Bewura 10:9

Kumo be ŋklade kachipurso, nɛ Jehu lar n yɔ kabunagboŋ na ase n ya kaŋɛ basa nɛ b wɔ ndoŋ na le: “Ma e daŋ wu ewura Joram kulubi nseŋ mɔ mo na, mannɛ menyi e mɔ mo; nɛ wanɛ e mɔ bede malɛ?

2 Bewura 9:32

Ndoŋ nna nɛ Jehu maŋ kumu so ŋ keni tokuro na ase m ponte ŋ kaŋɛ: “Wanɛ e bɛ ma so?” Nɛ ewura be laŋ to be benimuana yili tokuro na ase a jule a keni mo.

Job be kawɔl 21:19

Menyi kaa kaŋɛ le: ‘Ebɔrɛ beeŋ gberge alubiworapoana be mbia kusoe ŋkpal bumo kurgepoana be asheŋ lubi so.’ Ama le nɛ ma ere kaŋɛ: ‘Ebɔrɛ e gberge alubiworapoana na gbagba kusoe nɛ b pin fanɛ bumo gbagba be alubi so nɛ e wora loŋ.’

Nɔmbɛs 25:4

nseŋ kaŋɛ Mosis le: “Keta Israɛl be bejuŋkparpo kama nɛ baa yɔ kegbir na to na m ba mɔ bumo kapiidi ma anishito, saŋɛ na so, ma agbo maaŋ ba Israɛlebi na kikɛ so.”

Matiu 12:30

Esa kama nɛ e maŋ la n teri la n doŋ nna nɛ ekama malɛ nɛ e maa chɛ ma to a chala, bee gboŋi asɔ nɛ mee chala nna.

Luuk 9:50

Nɛ Yesu kaŋɛ Jɔn: “Men sa maa fin keju mo, ŋkpal manɛ so, ekama nɛ e maŋ la men doŋ la men teri nna.”

Ditɛronɔmi 5:9

Men sa maŋ kaŋ gbir m bunyaŋ kegbir kikɛ ŋko n shuŋ kumo, ŋkpal manɛ so, ma e la Enyɛnpe, menyi be Ebɔrɛ nɛ m maa sha echamana na. Ma e naa gberge bekama nɛ b kishi ma nɛ bumo be kamanebi kusoe hale n ya fo bumo be kenanafofo nɛ kenana gbiramuli.