2 Bewura 10:30 - EBƆRƐ BE KAWƆL

³⁰ Ade kikɛ be kaman nɛ Enyɛnpe Ebɔrɛ na kaŋɛ Jehu le: “Fo wora kusɔ kama nɛ mee sha fanɛ fo wora Ahab be kaman to ebi na. Amoso mee nase kɔnɔ a sa fo nna fanɛ baŋ yili fo kenana ko m ba fo fo kenana gbiramuli be jemanɛ so be basa e naaŋ baa ji Israɛl be efuli so be kuwura.”

2 Bewura 10:30 ပူးပေါင်းရင်းမြစ်များ

1 Bewura 20:42

Nɛ anebi na kaŋɛ ewura na fanɛ Enyɛnpe na yɛ: “Ŋkpal ŋ ka kaŋɛ fo fanɛ fo mɔ ewura Bɛnhadad nɛ fo shin nɛ e shile so, fo alɛ gba beeŋ paŋ fo ŋkpa nɛ fo benapo malɛ kikɛ e wu ŋkpal bumo alɛ gba ka shin nɛ mbe basa shile ŋ ŋana so.”

1 Bewura 21:22

Kananɛ n wora Nebat pibinyɛn ewura Jeroboam nɛ Ahija pibinyɛn ewura Baasha na, nɛ mee shin nɛ n wora fo alɛ gba, ŋkpal fo ka wɔtɔ ma agbo to nseŋ shin nɛ ma basa Israɛlebi luri kulubi to so.’

1 Bewura 21:29

“Fo gbagba ere wu kananɛ Ahab bar mbe kumu kaseto n sa ma nna na, amoso, m maaŋ shin nɛ jɛrbi e tu mo ama mo pibi be jemanɛ so nɛ meeŋ shin nɛ jɛrbi e ba mbe kanaŋ kikɛ so.”

2 Bewura 10:35

Jehu ka wu, Samɛria nɛ b puli mo nɛ mo pibinyɛn Jehowahaz sɔ mo so n ji kuwura.

2 Bewura 13:1

Ahaziya pibinyɛn Jɔash ka ji Juda be kuwura be nfɛ adunyɔ nɛ asa to, nɛ Jehu pibinyɛn Jehowahaz malɛ ki Israɛl be ewura nseŋ ji kuwura Samɛria be kade to nfɛ kudu ashunu.

2 Bewura 13:10

Juda be ewura Jɔash ka ji kuwura be nfɛ adesa nɛ ashunu to, nɛ Jehowahaz pibinyɛn Jehɔash ki Israɛl be ewura nseŋ ji kuwura Samɛria to nfɛ kuduashe.

2 Bewura 14:23

Jɔash pibinyɛn Amaziya ka ji Juda be kuwura be nfɛ kuduanu to, nɛ Jehɔash malɛ pibinyɛn Jeroboam nyɔsopo ki Israɛl be ewura nseŋ chena Samɛria n ji kuwura nfɛ adena nɛ kako.

2 Bewura 14:29

Ewura Jeroboam nyɔsopo ka wu, kakpa nɛ baa puli bewura na nɛ b puli mo nɛ mo pibinyɛn Zakareya sɔ mo so n ji kuwura.

Hoziya 1:4

Ndoŋ nna nɛ Enyɛnpe Ebɔrɛ kaŋɛ Hoziya le: “Nase fo kebia na be ketre Jizreel, ŋkpal manɛ so k maaŋ chɛr ko nɛ m ba gberge Jehu nɛ e la Israɛl be ewura na be kanaŋ to ebi kusoe, ŋkpal basa nɛ b mɔ ashi Jizreel be ketaŋɛ to na so. Meeŋ mur mbe kuwurji be kanaŋ,

Levitikɔs 26:25

Meeŋ shin bedoŋ e kɔ menyi kena ŋ gberge menyi kusoe ŋkpal men ka wora n da ma nɛ menyi be kɔnɔkoŋwule be ŋkre na so, nseŋ gama abar so ashi menyi be ndegboŋana to a fin kumɔlga menyi be amu so. Ma alɛ beeŋ naaŋ shin nɛ alɔ nɛ a maŋ kɔ kechɛ e tɔr menyi so n nyaŋ menyi nɛ men gbagba a ta menyi be amu m bɔɔ men doŋana enɔ.