2 Bewura 10:23 - EBƆRƐ BE KAWƆL

²³ Ade kikɛ be kaman, nɛ Jehu nɛ Rekab pibinyɛn Jonadab luri Baal be kegbirlambu na to n ya kaŋɛ basa nɛ b wɔ ndoŋ na le: “Men sa maŋ kaŋ shin nɛ basa nɛ baa shuŋ Enyɛnpe Ebɔrɛ na be ekama e luri nfe ama basa nɛ baa shuŋ Baal be kegbir na nawule.”

2 Bewura 10:23 ပူးပေါင်းရင်းမြစ်များ

2 Samuɛl 4:2

Ishboshɛf daŋ ta Baana nɛ Reekab nɛ bumo tuto e la Rimmɔn na nna ŋ ki benapo nɛ baa ta kena a purgi basa a pɛ bumo na be bejuŋkparpo. B shi Bɛɛrɔf nɛ k la Bɛnjamin be yiri to ebi be kasawule na be kaba ko nna.

2 Bewura 10:22

Ndoŋ nna nɛ Jehu kaŋɛ enimu nɛ e bee keni kegbir na be epiŋi so na fanɛ e ta amo m ba sa basa nɛ baa shuŋ kegbir na nawule.

2 Bewura 10:24

Ndoŋ nna nɛ Jehu nɛ Jonadab luri nɛ b ya lara esarga nɛ esarga chɔɔso n sa Baal. Ama Jehu daŋ kaŋɛ benapo aduburwa nɛ e shin nɛ b ŋana n yili kegbirlambu na be ketamanto na le nna: “Men mɔ Baal be beshumpo ere kikɛ, men sa maŋ shin nɛ bumo be ekama e shile. Fo kama nɛ fo shin nɛ bumo be ekama nya n shile, feeŋ ta fo ŋkpa n tal mo peya to!”

Jɛremaya 35:6

Ama le nɛ b daŋ kaŋɛ: “Anyi maa nuu yabra. An nananyɛn Jonadab nɛ e daa la Rekab pibinyɛn na daŋ kaŋɛ anyi fanɛ, anyi ŋko anyi be kaman to ebi be esa kama maŋ daga fanɛ e nuu yabra be yiri kikɛ.

Matiu 13:30

Men yige amo nɛ alela na kikɛ nɛ a baa yil a daŋ hale nɛ kasɔteŋi be jemanɛ e ya fo nɛ ŋ kaŋɛ beteŋipo na le: Men tia alubi na pɔɛŋ ŋ kre amo ntuŋ so n ta amo n wɔtɔ edɛ to. Amo be kaman nɛ men teŋi alela na n wɔtɔ ma kapuro to.’ ”

Matiu 13:41

Kumo be jemanɛ na ma, Nyiŋgbasa Pibinyɛn beeŋ shuŋi ma emalaika nɛ b chala asɔ kama nɛ a bee shin nɛ basa bee wora a da Ebɔrɛ so na nɛ alubiworapoana kikɛ nyam ashi ma kuwura ere to