2 Bewura 10:16 - EBƆRƐ BE KAWƆL

¹⁶ nɛ e kaŋɛ mo le: “Tu ma nɛ an yɔ nɛ fo ya keni kananɛ m pere kenishi a shuŋ Enyɛnpe Ebɔrɛ na. Ndoŋ nna nɛ b dii bumo be egbaŋɛturko m bɛ abar so n yɔ Samɛria.”

2 Bewura 10:16 ပူးပေါင်းရင်းမြစ်များ

1 Bewura 19:10

Nɛ Elaija kaŋɛ le: “Enyɛnpetale Ebɔrɛ, fo nawule nɛ mee shuŋ saŋkikɛ. Ama Israɛlebi na bre ku kɔnɔkoŋwule be ŋkre nɛ fo nɛ bumo kɔ na to nna nseŋ da fo bɔrɛsureana n lɛ, m mɔ fo anebiana kikɛ. Naniere n nawule e ka nɛ baa sha kemɔ ma alɛ gba.”

1 Bewura 19:14

Nɛ Elaija naŋ kaŋɛ le: “Enyɛnpetale Ebɔrɛ, fo nawule nɛ mee shuŋ saŋkikɛ. Ama Israɛlebi na bre ku kɔnɔkoŋwule be ŋkre nɛ fo nɛ bumo kɔ na to nna nseŋ da fo ebɔrɛsureana n lɛ m mɔ fo anebiana kikɛ. Naniere n nawule e ka nɛ baa sha kemɔ ma alɛ gba.”

1 Bewura 19:17

Meeŋ shin nɛ ewura Haziɛl e mɔ basa nɛ baa shuŋ kegbir nɛ baa tre Baal na kikɛ. Bumo alɛ be ekama nɛ e shile ŋ ŋana nɛ ewura Haziɛl maŋ nya mo m mɔ, ewura Jehu bre beeŋ mɔ mo. Ekama nɛ ewura Jehu malɛ maŋ nya m mɔ, anebi Elaisha bre beeŋ nya mo m mɔ.

2 Bewura 10:17

B ka fo Samɛria na, nɛ Jehu mɔ Ahab mo kurgepoana kikɛ. E daa maŋ shin nɛ bumo be ekoŋwule gba ji efute. Kusɔ nɛ Enyɛnpe Ebɔrɛ bɔla anebi Elaija so ŋ kaŋɛ na daŋ bɔlɔ so nna kashenteŋto.

2 Bewura 10:31

Ama Jehu daa maŋ ta mbe kagbene kikɛ m bɛ Enyɛnpe nɛ e la Israɛl be Ebɔrɛ na be mbra so. E daa wora alubi nɛ Jeroboam daŋ wora nseŋ shin nɛ Israɛl be efuli tɔr kulubi to na nna.

Aŋasa 27:2

Shin nɛ basa pɔtɛ e baa kpaŋ fo, fo gbagba e sa maa kpaŋ fo kumu.

Ezikɛl 33:31

Amoso ma basa bee chala nna m ba nu kusɔ nɛ fo kɔ a kaŋɛ, ama bumo alɛ maaŋ wora kusɔ nɛ fo kaŋɛ fanɛ b wora na. Kashaso nɛ baa malga a sa abar, ama kejimuni nɛ kapuni e bɔlɔ bumo be ŋgbene to.

Nɔmbɛs 23:4

Ndoŋ nɛ Ebɔrɛ ba tu mo, nɛ Balaam kaŋɛ: “Enyɛnpe Ebɔrɛ, m pɔr ebɔrɛsure ashunu nseŋ ta gbolu nɛ kpakpa n lara sarga amo be kekama so.”

Matiu 6:2

Amoso, men baŋ kɛ betirpo asɔ, men sa maa na a ber kumo be loŋ be kebomboŋ fanɛ kananɛ kebirkɔnshiwuraana na wɔ nshɛrbuana to nɛ agbembiana so a wora nɛ basa e chɔrɔ bumo na so. Kashenteŋ nɛ mee kaŋɛ menyi na fanɛ loŋ be basa na teŋ nya bumo be kechɔrɔ kikɛ.

Matiu 6:5

Nɛ men baa kule Ebɔrɛ, men sa maa kule fanɛ kananɛ kebirkɔnshiwuraana bee kule na. Ŋkpal manɛ so, bumo ere bee kaa sha fanɛ b baa yil nshɛrbuana to nɛ ŋkpancheriana to nna a kule Ebɔrɛ nɛ basa e wu bumo. Kashenteŋ nɛ mee kaŋɛ menyi na, b teŋ nya bumo be kechɔrɔ kikɛ.

Romebi 10:2

Ŋkpal manɛ so, meeŋ tiŋ n ji shɛda ŋ kaŋɛ fanɛ Ebɔrɛ be asheŋ pere bumo kenishi ga, ama loŋ be kenishipere na malɛ maŋ bɛ kepin asheŋ to so.